窮人生仔，要你下賤生存一生

留名睇屈鼠寫到自己4張野終於成為高級保安
呢篇野應該名為為"屈機男之忿怒一生"

寫到咁詳盡
睇黎經歷左唔少。。。

好好的文筆

樓主繼續寫！
好撚寫實

以為係自己

一仗功成萬骨枯啫

窮人既生活

好平淡

平淡到

好似日日只可以食家頓雜餅既方形餅...同飲水

不甘只食方形餅

你去爭取，要威化，要夾心

但你起呢個下賤既家庭中

只係食物鏈最低層

威化，夾心一早比你老豆收起自己食

餅乾罐面總係咁美好，多種多樣

可惜，這些機會不是屬於你的

好多事，你明知做左

都唔會對結果有任何影響

但你必須去做

目的，係比其他人睇，你有努力過

雖然，真係唔會改變到結果



一間垃圾屋村濕鳩小學

仿效其他名校小學

操練五六年級學生學能測驗

為左可以令自校生升到名校中學

你正常科目已經跟唔上

再要去做不知所謂既學測選擇題

你完全睇唔明問乜

所以你每題都係亂填

五揀一，六十題

正常人亂填

都會預期有十二分

奇蹟既係

你條柒頭每次都填滿晒

但連續八次得分都係個位數

勵志書成日講

人生

就係被吸引力法則影響

心態成功人士吸引財富，健康，快樂

你確實就吸引到失敗，災難，自卑

單睇模擬學能測驗成績，你確實如此

有日操完學能測驗你返屋企

見到你呀爺訓左起地下碌大雙眼不停抽搐

樓主寫緊日記？

眼角撞爆左，流血

身體僵硬，口角有白泡

你好驚，即刻走入廁所

你呀嫲講過

咁樣係鬼上身

你知道屋企有鬼，你見過，成面血，條脷好長

呀嫲話係祖先既鬼，本來做大官，比人害

而家上左呀爺身

等睇遲啲出嚟做狗 幫人揾錢。

想做狗，都唔係人人有資格

寫自傳？

痛苦既人生

時間過得特別漫長

一個人，起廁所

好靜，好靜

直至聽到呀嫲慘叫既聲...

'老野你做咩？你唔好嚇我，唔好嚇我，呀呀呀噢'

再有意識

已經係坐起白車上

你呀嫲不停喊，慘叫

隔離坐左鄰居張師奶安慰佢

救護員幫緊你呀爺急救

全車最平靜係你

你留意到你呀嫲賴左尿

回想起細個你賴尿呀嫲都笑住幫你換褲

你都會一齊笑

過去，你曾經覺得賴尿都可以開心

但此刻

你知道賴尿一d都唔好笑

嘉頓欠咗樓主

可唔可以繼續寫落去
我想知我未來係點

窮人唔會有未來

留名

今次寫得幾好
嘉頓什餅買一罐夠養大你

收聲呀 唔撚好再講