八字/紫微斗數/奇門遁甲論命研究區.0002

我都好想學下睇，點樣入門

我自學鳩噏咋，同傳統八字唔同，所以冇資格教你

上年今年地支啲土死晒
如果做大公司 / 政府工應該仕途麻麻

依種八字適而做生意 / Sales / 吹水佬

但係我完全唔鐘意做SALES

Sor, 應該係啲水死晒

咁做生意囉

但係我荷包都冇水 今年我財運如何

照計唔太差㗎喎

今年同上年差唔多

我估可能地支無財

如果真係要救官殺要用申金

都係只識用今年：
https://m.xuite.net/blog/noah.hung/twblog/121964052

意思係我係餓金命?
btw 都多謝你提點

唔關事，借佢嚟用啫
今年你要補金嘛

你安安份份打份工啦

有冇出頭天架

今年試吓用金調候救咗官殺先啦

下年就庚子年，叫佢做生意？！

個人覺得子水被剋問題大啲，庚子年一樣有咁嘅問題

你睇清楚先 地支食傷燥土 午祿在年 中和偏弱

今明兩年己亥庚子 悔火克火耗火 你叫佢做生意？

即係你同窮人被人叫佢去財務公司借錢做生意有咩分別 都係推佢去死

我唔係話你d套理論唔得 但要了解五行生克 唔係樣樣都救

你d套理論 summer哥有點心得 睇吓summer 哥願唔願意點化你

你嘅睇法著重身強身弱，我嘅睇法著重五行流通，有啲唔同。

如果用身強生弱，咁多旺土去泄日主，一定係身弱，宜用印比護身。

要驗證其實都好簡單，就係問吓事主上年身體係咪好差同有「火」方面嘅疾病。

做生意方面可能真係我睇錯

但佢上年有戊土通關，天干啲財應該保得住，所以我問佢係咪有啲財運，佢話窮到窿

咁即係有兩個可能：
1. 我套理論唔 work
2. 天干財為虛，地支無財為實，但又唔見啲財受剋，只可評為無財，唔可以話佢破財

至於點解我會鳩噏話做生意，係因為佢本身食傷多，擅長吹水 / 發揮專業技術。

但既然佢地支無財，可能要另作別論，從事專業技術好啲。

以我嚟睇，佢本身最大問題係官殺俾土剋到死晒，就算你用相旺論嚟睇，啲水都係死，咁即係佢入大公司 / 做政府工係啲一板一眼嘅環境會死得好慘

想問姻緣同事業

另外本人亦自學八字中 想問幾個問題
本命係咪因爲地支已 再加埋午戍合火 戍本身燥土 所以地支已經一片火海？而天干因爲年支官生庚金印幫身？
但時干官仍然都係剋身？時支酉印因爲戍害 再加上今年大運卯沖 幫唔到身？
但我依家係財多身弱 定係財生官剋身？
但如果財多身弱 任唔到財 意味住姻緣反而唔好/因女人而破財？
同埋大運同日主天地合意味住呢十年比較易有姻緣？
如果我通關係咪只能用金 其次水 因為財生官 官生印
唔好意思太多問題 至於紫微都想聽下 覺得紫微好難學

如果你用官殺為用神 係啊 食傷生財 財生官

好似好好 但佢自己會克洩加劇

如果佢月建/月刃 你用財生殺/ 七殺駕羊刃 我ok

但佢唔係

我都講你d套理論 冇問題 係可以用

但要了解透徹，每一派別 最終指向的都是一樣

都能夠算到 但過程唔會容易 一定有錯謬

如果你覺得 你已經了解透徹 但都係算錯

可能係套理論有遺漏 或者係未學識哂

而加你覺得邊個被克就救邊個

你要知道 八字五行中誰敵誰友 助友而絕敵

最怕敵友難分 傷友而助敵

1.戊土係大運已經有,但流年又出現戊土。戊土係到還好，戊土一受傷就變丙克庚，得返1庚財。你數數戊年的流月，其實得4至5個月戊係穩定.....
2.做生意永遠先睇財，要看大運走向，佢即將轉己丑運，財運比戊子運更弱。原局得2庚財，下年就庚子年，庚在流年出黎........而家叫佢做生意？？？
3.佢合適的工作我會認為幫人解難的類型，專業技術當然都可以。刻板式工作我同意佢係唔合適的。

你八字衰在差天干欠一個癸字劫財。

壬水生午月，天干最好有癸庚，你有庚再加官印相生，可惜無癸。有劫財才能拿到局中財官

咁樣引申推論，七十歲先有錢收

我都聽人講過我一生多貴人 但冇運
咁姻緣係咪因爲酉戍害 加上地支多財 易得易失？
至於事業 搵番金水行業較好？
如果咁推論 即係我黎緊果幾年 特別係2023會最好？
才疏學淺還望指教

30歲個大運都差啦，丁壬合木，局中唯一壬字都無埋。你肯定因錢，一係事業煩死。