冬之上高地

有無巴打試過
今年冬天去 知道封山無得入
但竟然搵到有tour行山入
唔知正常人支唔支持到呢

幾年前去過，3月尾開始溶雪
高山有巴士去到中之湯隧道口，我係前一晚搭過去中之湯溫泉旅館住，巴士站附近可以接送（好撚正，淡季無人住個溫泉包場咁 ，老闆好熱情，知道我地第二朝打算6點出發就前一晚食完晚餐比埋飯糰比我地做早餐，好滾動 ）

行路穿過隧道（隧道入口側邊係行人路）經過大正池，河童橋，去到明神池做終點，返轉頭出返隧道搭尾班巴士出返高山（隧道口就係間旅館個接待小屋，呢個時候老闆已經幫我地送好晒行李過去）

全程由出發到返到小屋係咁停低影相大約12粒鐘，全平路，沿途見到有日本人帶小朋友一齊行，所以其實唔難，都有日本人紮營過夜，我地第一次行雪地咩都唔識就咁一對防水行山boot去行，但建議都係買返雪抓安全好多

附圖幾張，冬天去真係好撚靚！

行左12個鐘雪山
有無靚到跪左係度 同埋應該近乎無人？

我有d想join 佢去到大正池果個 講緊都來回六七個鐘 唔知頂唔頂到

真係靚到跪係度，去日本咁多地方呢次最難忘，其實唔少日本人去行，全程都見到大約二三十人
香港行到上大東山來回去行都唔係咩問題，12個鐘講緊停低影相多過行
我覺得如果係幾個人不如用筆錢去住晚溫泉旅館好過，大正池離隧道口好近，捱到去明神池仲靚
自己去有好處就係去到邊完全自己控制，覺得頂唔住休息下，返轉頭用返相同時間，買定電話卡入到去都收到上網check地圖

自己去 單拖？！ 好勇 小弟怕死

我意思係自己同朋友去唔跟團

有無Link?

我知今年要15號先開山 想問下如果4月頭自駕去個度俾唔俾入？ 因為得個時有假 又想帶屋企人睇靚景

巴打search冬之上高地就有 好似有平湯出發同垂鞍出發

未開山只有行路入去
封山期間得工程車入到去剷雪

自己去要有咩裝備同埋注意?
邊個鐘數會多d日本人同行?

唔知4月頭溶雪未

上面幾張圖係三月最尾幾日影，四月頭應該唔差得好多

有日照時間都會有日本人同行，甚至臨天黑離開時都仲見到有人準備入去，沿途都會見到有人紮左營
裝備要防水靴，建議高筒配束腳防水褲，因為溶雪有時會踩到d位係直接跌你半個人落去 到時成腳雪一融左入褲入面會凍到仆街

另外手套都係必要，留意返日落時間預時間出去，搭巴士要睇尾班車時間，萬一真係趕唔到就打去中之湯溫泉旅館住一晚，正常都有房，佢會去隧道口pick up（但係唔知佢地接唔接受walkin）

諗住2月尾自己去
會唔會白濛濛一片
咩都睇唔到

唔會，如果d樹掛滿雪仲靚
同埋個雪山全程都會見到

要睇天氣既點都 唔好天d雲會遮左山

買左昇龍道松本、馬籠、駒根路線3日巴士券
諗住由高山搭去中之湯 行下大正池 之後再去松本
但中之湯站係咪無地方擺放行李?

可唔可以分享下三月尾既北陸最底有幾多度

隧道口個中之湯溫泉旅館可以放到行李，佢附近好似有個溫泉仔比街外客浸，試下contact佢問下唔住旅館有無得寄存

10度以下零度以上，夜晚都係零度咁上下
踩住4月頭可以去埋金澤搏下櫻花滿開
不過開花期年年唔同真係睇運，我好好彩又睇到雪景又睇到櫻花 去白川鄉咁岩佢前兩日又落完大雪

我就係買左2/4-9/4去睇櫻花 希望成功