有冇人成日諗生死諗到好撚驚

啱啱睇緊你個痴線朋友post，原來又係你，係啦搵其他嘢黎到令自己唔好再諗個死字

岩呀巴打，再諗起呢啲野嘅時候就睇下個post笑下啦

成日唸但唔驚

好想死，如果唔係我有老豆老母要養老，我真係想早d離開

唔好咁，死其實好恐怖，人生其實冇你想像中咁難，好多事都係撚下撚下就過左去

我鐘意一個人，話唔定我會鐘意死之後既寧靜

我都鍾意一個人，我鍾意自己亂行散步思考人生，我鍾意寧靜，但係我唔鍾意死，死之後並唔單止係寧靜咁簡單，而係虛無
你而家係以一個生存者嘅角度去諗死亡係寧靜，所以唔怕，甚至嚮往，但你諗下，其實你幾痛苦幾煩都好，都係證明緊你確確實實存在，會有安全感
想死，我諗過無數次，但最後都覺得冇野係比死更難受

你有無憂慮過未有你嘅世界？

如果無，點解要擔心無咗你嘅世界？

從來冇擔心過世界，只擔心緊自己嘅存在

I know that feel
我到宜家一諗到死
就控制自己唔諗 特登搵開心既歌聽
盡快唔諗
唔想比好驚好恐懼個種感覺纏繞

死左之後身體都唔屬於你啦，驚咩呀。諗咁多不如做多啲好事，下世做個好命人啦，有排你嘆呀。

唔怕自己死 怕睇住身邊嘅人死
每次一諗起 我就好驚

你地都係因為信投胎論先唔怕姐

我都相信人死就係虛無，死咗之後就塵歸塵，土歸土咁。就好似宇宙的一粒塵咁，但我都認為一粒塵都有佢塵的作用架～ 點解塵同土有分別，點解塵係塵 點解土係土，我覺得一定係有原因既～ 所以 去番樓主所恐懼既事情，如果怕失去控制，不如諗下 你控制到既係咩野，個啲野係咪永恆咁存在先（假設你100 歲，物質上你又控制到既本身可唔可以有一百年壽命先），又或者掉轉咁諗，你而家做緊既野 所謂控制到既野 又係唔係個個都做到架先？如果個個都做到，replaceable 既話咁你真正的角色係咩先。所以，又去番所恐懼的事情，如果你真正重新認識自己，用一個「世界中的自己的角色」咁認同自己，呢種恐懼相信唔會再咁巨大啦。（不喜勿插純討論個人諗法，謝）

咁你有無憂慮未出世嘅你？
如果無，咁你都唔洗憂慮死後嘅你㗎 因為未出世嘅你同死後嘅你都係同一個狀態。（至少我相信係，如果你擔心有地獄有審判就另計，你自己驚飽佢。）
如果你相信人死如煙滅，咁真係無理由去驚。
呢個宇宙有你嘅時間係好短暫，用一卷廁紙咁長去比喻宇宙嘅時間，你出現嘅時間就係呢卷廁紙嘅一格，再用呢格卷成一卷廁紙，再係呢卷廁紙入面分一格廁紙出嚟，重覆十零萬次左右。
基本上就你嘅存在就係微塵，無論你係亞歷山大、成吉思汗定希特拉，做咗幾多改變世界嘅豐功偉績，到最後都係塵歸塵、土歸土，就算你有幾風光，証明到你確確實實存在又點？再過多一格廁紙嘅時間，乜嘢都無哂啦，地球都可能唔再存在。
結論：珍惜現有嘅時間，未知生焉知死，如果你將個視角放到宇宙咁大，咁你只係粉塵，諗咁多都無用。

啱呀，用宇宙視角睇自己就係塵，多數人都唔鍾意一個咁嘅人生意義角色；但用地球／國家／居住地做視角，做一個令自己滿意嘅角色係有可能，所以要努力活下去。

同我一樣 我每晚都會諗 會諗到好驚好驚彈起身
不過又可能真係因爲而家太幸福先會得閒驚呢d

我諗生命有完結既一刻 先至令而家既每分每秒變得有意義同寶貴 所以人類先會珍惜自己擁有既時光

驚老多過驚死

你焦慮症/強迫症

利申：焦慮症/強迫症

有

好小諗呢個問題
未到去前一刻都
反而驚話你知得返幾日命

白痴仔