[求救]隻新貓死都唔肯用砂盤周圍亂屙

屋企原本有隻1歲，半個月前接左隻8月個大嘅家貓返嚟（冇流浪）。嚟到屋企第二日隻新貓唔肯困籠放咗出嚟，同舊貓好快fd左。佢兩個平時係房食玩瞓。

頭兩日肯用舊貓砂盤，跟住唔肯。已經另外再買過新嘅俾佢，新嘅有放有佢尿味嘅紙巾。用過一次。

跟住就一直唔再用貓砂盤，周圍亂屙尿同屎。我問前主人佢話隻新貓嗰時都有亂屙。我之前以為佢係未適應，就噴哂urine-off係床，點知佢亂屙嘅範圍愈來愈多。

困佢入籠佢又叫又拍籠，好慘咁
咁依家係咪應該困返佢入籠，定有其他方法教返佢用砂盤？
如果困籠要困幾耐？
謝謝各位

擺幾個盤 仲要比d高位跳板佢

絕左育未？

困到佢識係砂盤到屙
你用咩砂 可能唔鐘意

係咪你成日唔清貓屎貓尿？無地方屙咪周圍噴

可能佢想霸地盤？同埋我上網睇過一隻貓應該要有2個貓砂盤，你兩隻嘅話應該要四個，同埋分開d擺。我得一隻貓都係放兩個比佢

你試下係佢擦乾淨d尿之後，係佢痾尿既地方放野食/貓草

仔定女
我果隻中意屎尿分開兩兜

仔的話未絕育會周圍柯尿霸地盤

要分啦
痴撚線
二手公廁朕會用既咩

好多可能性喎，但聽落唔關困籠事

順序排除:
通常新/舊貓接觸後亂柯尿係為左爭地盤，
但你肯定2隻已經frd 左? 互相奶毛清潔、一齊訓、會輕力咬打架(無炸毛)?

如果2隻frd 左咁應該唔係壓力問題，已經解決左最麻煩果個問題
2隻絕左育未? 發情都會亂柯尿既
8個月大情竇初開第一次見其他貓發情都唔奇
1歲同8個月已經差唔多識發情
未就快d 去絕育會健康d 性格都會好d
順便俾醫生check 下有無泌尿問題，有泌尿問題一樣會亂柯尿

如果無爭地盤絕左育無病
就可能係砂盤問題
你放過貓砂，佢用過一次即係佢已經識用貓砂唔洗再教，所以我覺得唔洗再困籠
估計一係兜唔夠一係D砂唔啱，問佢前主人用邊隻砂?
因為唔同貓既潔癖敏感度係唔同，有D 貓係好潔癖 ，你唔可以用舊貓既習性去估第二隻貓

1. 專家建議最少要貓數+1 既砂盤，有D 貓唔介意開大細都同砂盤，有D 係介意，痾屎一個痾尿一個
2. 砂試返前主人用開果隻，你換左佢隻貓砂佢有可能覺得「唔係正常大小便既地方」， 如果都唔得要試不同牌子到佢肯用為止，同埋配合下邊第4同5呢二點試，祝你好運
4. 如果某隻貓砂佢會用但係用1-2次就唔再用，咁就有可能你隻新貓係極度潔癖撚，痾完要密密鏟，有D 貓係潔癖到你鏟走結左塊既砂都唔夠，要你鏟大部份或者差唔多成盤換先覺得乾淨肯去下一次，因為你覺得換左少部份已經聞唔到有味，佢地有可能聞到
5. 2隻貓既砂盤最好分開擺(係香港真係好難sosad)，新貓係屋邊個位瀨尿多? 搬個佢專用既砂盤過去，同埋砂盤用有蓋活門遮住果d會好d，有d 貓唔鍾意open area 俾人見到去廁所，亦唔想同隔離隻貓share，佢地會真係唔痾，之後忍到瀨屎瀨尿

暫時諗到係咁多，祝你好運

困籠吧

兩隻都絕哂育。

佢地fd咗，會一齊瞓，有互相清潔，新貓成日跟住舊貓。舊貓特登搵新貓一齊瞓。連食都唔分兜。我有分2個兜放糧，佢地都係交換食。但佢都係驚人，我坐係度佢唔驚，我郁佢就走。

新貓前主人同我都係用緊n1嗰隻豆腐砂。我隻舊貓係大小二便都用一個盤。新貓好奇怪，佢係第一日用過自己個盤，跟住再唔肯用，用我舊貓個盤2日。跟住就專門屙係衫同被度，係大小二便一齊嚟 跟住我就噴哂urine off，佢繼續又用返舊貓個盤大便一兩次。小便都係堅持要便係我D衫度

新貓嘅貓砂盤我散開放左兩個，就放正係佢之前亂屙個位。一大一細都放左沾佢尿味嘅紙巾，兩隻貓都唔肯用。

貓砂我係佢地一去完離開個盤就即剷，3日換一次新貓砂。

我諗唔透點解新貓會唔肯用盤 佢係好飄忽，用一次跟住又唔肯用。

多謝你咁詳細答我

分左佢唔肯用，一係用舊貓一係亂屙

屙完即清 佢係我面前用過一兩次盤，跟住就趁我出周圍亂屙

舊貓鐘意一個，新貓我放左2個佢都唔肯用（同舊貓個盤隔得遠仲有放沾佢尿味嘅紙巾）。一係用舊貓一係亂屙

佢又好似好憎困籠，舊主人話佢會撞籠。我困第二日佢已經又慘叫又拍籠。定我應該狠心D照困一兩星期？

咁明挑鳩你同大貓機

你隻新貓咁難觸摸既

不過你話佢屙係衫同被度而且係「大小二便一齊嚟」
同埋佢本身pritory 都係舊貓砂盤>你d 衫同被
證明佢有屙落砂盤既概念
係因為某個原因唔肯屙係盤度，一直忍，忍到忍唔住揾個望落似樣(你d 衫同被..)既地方屙左佢
所以我唔認為困籠會教好佢，反而有機會因為壓力大重瀕得勁，由其係佢本身怕人

我聽落鳩估:

1. 新貓係天然呆type:
佢已經認左舊貓做大佬，所以佢唔敢用大佬果個砂盤，可能果一二次係忍唔住要瀨，趁大佬行開訓覺果陣「偷雞」用? 而佢又未識揾自己既砂盤 or 唔知自己可以屙落另一個專屬砂盤(但都放埋尿味紙巾，無理由咁蠢架... ) ，要你重新當佢貓B 咁再教一次去廁所?

2. 新貓係神經質type:
唔知你用邊隻砂盤，有無蓋的? 無既話試下砂盤換有蓋或者用紙箱遮一遮個盤等佢有頂? 同埋你屋企平日有無其他人? 話唔定你隻新貓係有人/其他貓望住唔肯去廁所，佢去果一二次係舊貓行開/無人望住佢先安心去，因為見你話佢係家貓無流浪過但都怕人，可能天生係神經質type
(我以前果隻去廁所見到我會怒啤我同係咁喵屌鳩我之後唔屙，然後會見到佢個樣好急尿咁走來走去 )

3. 新貓係潔癖撚:
真係試下換砂，或者留意下你每3日成盤砂換完後睇下佢去唔去? 你話前主人都話佢有時唔去會四圍屙，可能本身唔係太鍾意隻砂，或者真係超級潔癖要換晒乾淨先肯去?

我覺得你試晒所有野先困籠，怕佢壓力大重衰
因為好多貓都唔能夠聯想到「壞事」(亂屙尿/抓爛堆爛野) 同困籠二件事有關，改正唔到不特企止重只會覺得你件大舊衰(人類)困佢係籠SM 佢

試下用feliway？
Feliway貓咪費洛蒙能讓貓咪感到放鬆，是剛到新環境、不安、亂抓傢俱、亂咬人、亂尿尿的貓咪的家庭好幫手。

你的貓咪，需要Feliway貓咪費洛蒙嗎？有以下症狀的貓咪，就可以使用Feliway貓咪費洛蒙，讓貓咪及家人更舒適、安心。
· 剛到新環境的貓咪：剛到陌生環境，貓咪常會顯得緊張、不適應。有些貓咪2到3天就能改善，但也有些貓咪要幾個星期、甚至數月才能融入環境。
· 使用Feliway貓費洛蒙，能幫助貓咪進入狀況、放鬆戒心、儘快習慣新生活。

Feliway貓咪費洛蒙適合以下貓咪：
· 剛到新環境，感到不安的貓咪。有新成員加入，氣氛不融洽的家庭。
· 無精打采，任何玩具都提不起興趣的貓咪。
· 有亂抓傢俱、亂噴尿的行為。 常有聲響、狗吠，造成貓咪緊張的環境。

我觀察咗兩日，佢又唔屙係被度，屙返落舊貓個盤度
仲要淨係肯用舊貓個盤唔肯用新盤
雖然仲未知點解，但應該唔使困籠了
唯一問題係仲係好驚人佢肯出嚟玩但唔俾人接近佢 我估可能再相處耐啲佢應該肯俾人摸

好多謝你咁詳細答我

佢依家肯用舊貓個盤屙唔肯用新盤
但都係好驚人，照俾呢個佢聞定俾貓草好啲？舊貓同佢一齊聞會唔會發癲？佢兩個已經好fd，新貓淨係驚人接近，可以遠距離同佢玩同埋有人都肯出嚟食野。
thanks!