醫療卷對啲第四級牌既視光師真係好唔公平

推

Fat fat
視光師發牌制度對好似我咁有heart嘅年青人好唔公平!

我都覺！

應該全民取消牌照制度，我咁有heart點解唔比我做醫生律師！佢哋只係做吓"passpaper"嘅高分低能，邊識醫人同搞法律嘢。邊似得我中三畢業已經學富五車，能言善辯，精通繁簡，書面口語左右開弓！

政府政策傾斜，利益輸送去一小撮人度！

註院,DHC

咪就係囉
我有病做咩要睇醫生，
醫生邊夠我自己清楚自己既情況姐，
快d取消牌照制度，等我自簽兩日假紙先啦

革命港獨囉

你個名

獸交

咁快無晒人GE, 我仲食多陣花生喎

推

大家其實拉遠左 講到尾都係醫療劵制度有問題

推

我睇樓主應該都係一個part 4視光前輩，我自己好尊重各位的經驗，真心校眼鏡或配度數（驗同配係兩樣野）未必夠你哋咁叻。
但我好希望你地亦都尊重我哋所學既“理論“，如果part 1只係驗度數，應該最盡一個學期就可以畢業。我地由全身解剖學+病理學去到隻眼，光學，藥物，生理學（仲有好多好多）再要考出關試，實習+最後viva，我諗呢到就係part 1 同part 4的分別。（讀到頭都爆，當年試過week 1 到week 14 每個星期最少都有一至兩個考試，pass 唔到出關試會defer）
太多part 4前輩仲係諗住驗眼＝驗度數，所以香港眼科視光行業呢幾十年都停滯不前，而且亦都俾你地開壞先例，驗眼唔洗收錢？ 今時今日都仲有人會咁講。真心希望唔好就咁當自己係眼鏡佬，專業要似返專業，要進步而唔係固步自封。
不過，我亦都明白好多part 1唔抵幫，根本就係掛住1號牌的part 4，樹大緊係有枯枝，我都好希望可以除去害群之馬。當一大班熱心optom推動專業向前，卻有一大班諗緊點做hcv atm，part 1 又好part 4 又好，應該要合作，而唔係魚蛋論。

利申，一個被困象牙塔的part 1 薯仔。

係咪on9？
見有人話醫療券要額外收費，又話唔打折要正價。
其實唔係間間都咁，只係睇d鋪頭點做架啫！唔啱唔鐘意可以唔配，去過第二間。

有鋪頭醫療券會貴過人;
有鋪頭醫療券要額外收費;
有鋪頭醫療券仲平過平時普通人買，有長者優惠;
有鋪頭醫療券同普通人買一樣正常收費

根本就只係睇下間鋪嘅做法，只係唔統一

仲有做醫療券食佣唔係冇，不過…30%？！你地真係信？一個月18萬？吹得太誇啦掛？咁當然如果你係指個1牌自己係老闆咁就另計，但咁就唔係計%啦！

利申: 做咗眼鏡鋪一段時間，非視光師，但知人工。
公司有醫療券，但冇額外收費，正常俾折正常咁做

對比起其他醫療專業, 根本眼科視光服務已經好透明, 任何嘢一定會講咗價錢先, 驗眼費又好眼鏡又好, 話貴只係有心人拎嚟嘈, 想自己都可以分一杯羹啫
不過班人又不學無術, 連視光師係做咩都未知但又掛住視光師個名, 諗深一層喺香港呢個行業真係好悲哀

仲有見有d on9話咩配副眼鏡$500都夠，話人地配貴d係浪費。
真係弱智到七彩，唔通真係副副都1.56套餐咩！
度數深d都過撚咗啦！更加唔好話配副漸進

呢個世界真係乜撚人都有，剩係睇個數字就算，從來唔識compare下人地d野貴係邊

我夠話買部電話洗咁幾千蚊咩！買部3310就得啦屌

唉
政府搞咁多年都教育唔到市民驗眼不是驗度數
行業入面又有好多人抱住求其是旦嘅心態
去聽talk又話識晒啦，聽過晒啦咁，拒絕學習同進步......

行業一直參差，跟住眼醫又踩多腳
客又覺得配極都唔好，一味叫人適應吓，唔專業（太多人侮辱「專業」呢兩個字了）


再講落去心都灰