想改大男人性格 易唔易改

159 回覆
3 Like 37 Dislike
2019-01-14 13:31:29
我諗你講個種大男人既程度係去到最勁個種 你屋企人係由細到大都係咁樣？如果程度細啲個種呢？你係咁既屋企背景成長下覺得點？
2019-01-14 13:37:19
其實個男既不嬲都知自己有大男人既問題，佢啲朋友都有話過佢，所以佢可能想試下改。佢而加條女好順佢意，咁我咪覺得一個願打一個願捱咁可能可以好長囉。我唔知佢會唔會揾翻我，但我淨係想佢知我地一齊既時候真係好開心，你而加去玩唔緊要，我努力做好自己，你玩完識醒就好，我地究竟有冇機會一齊翻。。。
2019-01-14 13:38:08
佢而加好似係 好開心俾女flirt
2019-01-14 13:39:14
醒下啦，重發夢。
2019-01-14 13:43:53
我就覺得性格係冇得改
所謂改其實只係忍
忍到咁上下就會忍唔到
你如果仲想同返佢一齊就預左有一日佢會忍唔到
一係你忍,一係佢忍
除非你覺得你地既「愛」係可以令你地跨過到未來
如果唔係都係放手由佢揀個佢o岩既女人,你又揀個o岩你既男人好過啦
2019-01-14 13:57:45
好辛苦 真係好辛苦 個人一靜落黎就係到諗 所有人都叫我放低佢 但我控制唔到自己 我知我自己仲發緊夢 但我真係信佢遲啲會明白 會明白有個女仔想扶持佢 想一齊進步
2019-01-14 14:04:49
哇真係好極致 我諗我之前個男朋友如果改唔到將來就會變到你老公 你家姐個種 但你本身性格其實係點？感覺你以前同你老公拍拖係磨合得好辛苦 先可以到而加咁樣 你而加有意見都唔講得唔辛苦咩
2019-01-14 14:05:41
明白唔等於改到
性格係好難改,最多係盡量克制下,但有時都會變回原形
你係仲鍾意佢就問自己忍唔忍到一世
忍到咪ok,變左你做小鳥依人果個
忍唔到咪不如趁早走,冇話放唔低只有你肯唔肯
不過重點係人地有女朋友
2019-01-14 14:26:04
真心我日日係到諗條女幾時頂佢唔順 佢又幾會頂唔順條女唔夠成熟 我都知我好幼稚係到諗呢啲野 但真係好矛盾 有時好決心要放低佢 同自己講呢啲人唔岩自己 過左一日 我就諗其實我忍到 不過算啦個選擇權一直係佢到 我忍到又點係佢唔選擇我
2019-01-14 14:32:57
好正 你睇得好開 我個人都係好甩漏，出街求其揾個地方行一日都得。再加上我本身個人都幾忍得，所以冇乜野真係唔會搞太多。我諗你都係廢事麻煩所以選擇唔出聲，忍左佢就算。咁但係有時你唔會覺得有啲忍辱負重，或者有冇試過同老公/家姐嘈到好大？你而加同你老公可唔可以叫感情好？有啲想知你老公拍左幾耐拖結婚
2019-01-14 14:49:26
咁就咁睇其實都okay，你唔算係小女人(?)因為好多女人其實忍唔到但又要忍辱負重咁留係個男人身邊。但你同你老公拍拖個十年，佢有冇試過想改，定你地一直都keep住咁既關係？唔洗磨合？
2019-01-14 14:51:27
我控制唔到自己不停諗
2019-01-14 15:20:10
我個朋友個舅父就係咁！同個初戀拍左10幾年拖到結婚，生左三個女，前個排俾個大陸女人搞一搞就話要離婚，個舅母愛佢愛到話可以兩者共存，好慘，啲小朋友仲慘

其實我都未玩夠，我都有好多野想試，但我對感情係認真，唔會話一拍拖就諗結婚，過世個啲既，但我唔會玩玩下囉。咁其實佢都好既，知道自己未玩夠放走我。但我真係好難再相信愛情了
2019-01-14 15:35:29
咁其實你冇野好煩
只係睇條仔會唔會搵返你
2019-01-14 15:41:35
淨係諗呢樣野都諗到我個人崩潰你明唔明
2019-01-14 16:00:17
做下自己野啦
你亂諗野唔會加速時間
忙下自己野時間就好快過
2019-01-14 16:06:00
我知道啊，我有約朋友出去散下心，真係好感激佢地陪住我。我都希望時間可以沖淡，第一次面對呢啲野真係唔知點做
2019-01-14 16:10:18
我男友就係咁，我仲忍緊，仲要次次要我搵返佢氹返佢，最近依次我無搵佢成星期，諗緊分唔分手，其實有同佢講過佢嘅問題，但佢聽唔入耳，仲話我蠢，我認我最蠢就係同佢一齊... 但佢除左大男人同毒舌，個人好好，好照顧我。
2019-01-14 16:36:48
介唔介意講下你同佢一齊左幾耐？大家都係20頭？其實我諗你同我諗法差唔多，覺得平時相處係開心，但一到鬧交就好辛苦，係咁俾人鬧。但其實我真係好包容佢，唔係講到忍咁難聽，可能真係太愛佢了。佢除左呢個缺點，其他野都冇問題。所以我覺得就睇下你愛佢有冇愛到可以包容，而唔係忍，因為一忍就代表其實你根本頂唔順，長遠咁忍唔係辦法。
2019-01-14 16:41:05
一齊左差唔多一年，都就快三字頭啦，而家都唔知放唔放手好，佢一開始視我為結婚對象。我仲未知自己可唔可以包容到，因為同佢一齊頭幾個月都唔係咁嘅，係越來越過份，最難受是，我自尊同信心都比佢打沈晒。
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞