盡量多圖 之 唔小心去左東京過聖誕

我果間係Expedia訂，佢寫係傳統客房, 山景 (Open Air Bath 47㎡)
我對返個官網 應該係呢隻

我無去過立食果間呀

無山就睇芝櫻囉
好彩就會芝櫻同山都睇到

正

同河口湖Say byebye之後，我地就出發去箱根啦！
藍天再加埋個大大的富士山再聽住聖誕歌揸車 真係會令你心情好好



不過話說去箱根都要經過好多條高速 好耐無揸車既我都有D淆底
70/80既路揸到過左100都間中比人推屎忽
我估成日揸既人應該會揸得好爽下

去到箱根就去湯本附近行下，點知一去到箱根又落雨

落車行左一陣 發現附近好多野食賣 其中有呢個蒸包

仲有一間叫籠屋清次郎 係賣魚糕既 買左條黎食都唔錯


(手震 鬆郁濛 sorry )

話說雨越黎越大個天又黑晒，就諗住快快趣趣返酒店Check in啦
我地今次係箱根住既係 "雪月花 別邸 翠雲" 盛惠56,000Yen一晚
我地今次訂左既房型係 “W+シングル”36平米

一入酒店（定係應該叫做旅館？）我地就要除左我地既鞋交比職員
因為成間酒店都係鋪晒Tatami既 然後我地就被帶上房check-in

梳化上既茶几仔已經擺左酒店既information同埋welcome snacks


check-in完後我地四圍開下D門 就發現原來間房都內有玄機
首先就係原來仲有一張雙人床 即係其實一家三口住呢度都無問題

然後佢仲有個空間係比你沖茶 擺下食物咁

係溫泉房外仲有個水掣比你預先放定水 等你唔洗走出去凍冰冰開水

呢個同之前一晚唔同設計 而且係真正既溫泉水

Wa 56000 一晚
係豪遊呀

我high season去（聖誕果幾日）住邊都貴架啦
不過我呢幾日除左食野都無乜買野 主要係因為無時間
所以5日埋單每人12-3k 都可以接受啦

同埋想問下佢check in check out時間係咪要好準時

Check in我都入左黑先到
Check out我就準時走ge

冇嗱？

有 今晚寫
呢個星期返工有D忙

呢間旅館其實設備真係好齊全，佢準備左好色彩鮮艷既浴衣比大家揀
見到好多女士都揀得好開心！


換好浴衣之後我地就四圍行下，係每一層既等𨋢大堂都會有個零食房
入面有既係免費既野飲同埋小食


除左呢個零食房之外 佢係大浴場外都仲有個地房係24小時開放
果度有準備到更多既零食 仲有唔同既野飲 例如啤酒 咖啡 蔬菜汁 汽水等等

而呢個地方 晚上仲有D酒精濃度比較多既酒類 而且仲有拉麵食
（拉麵遲少少再講 ）

到我地行晒咁多個地方就差唔多食飯啦
呢間旅館係喺餐廳食晚飯既 係一道一道菜咁上菜 同上一間酒店唔同
而野食都唔錯

食完飯之後本來係諗住去浸下溫泉 但係因為實在係食得太飽 我地就返左房hea左一陣

呢間酒店除左我地既房型有既風呂之外 其實佢都仲有3個戶外既貸設風呂（免費）
晚上其實室外已經好凍 但係係咁凍既天氣浸落咁熱既熱水真係好舒服！
上面個燈無著就可以入去用啦

浸完踏出溫泉果下覺得自己係完全唔怕凍 仲覺得真係好爽好refreshing

可能係熱水會增加血液循環，每次我浸完溫泉都好快就覺得肚餓
所以呢間旅館每晚十點鐘都係會有拉面比大家食呢個安排 真係肥西福音呀！ 同場仲有雪條添！



排隊拎籌

湖南莊抵唔抵住
同埋幾錢晚

都好似3900一晚，我覺得個景係值回票價既
唯一要挑剔既係佢房間裡面唔係溫泉水

同埋呢個價錢包你早餐同晚餐，基本上成日都冇乜錢要使