朋友去日本行禮 但唔包機票住宿 大家點睇？

樓主都係想人包食包住包機票姐 最好就幫你搵埋條女俾你包屌

唔去比乜鬼人情

乜而家興唔去都要比1000人情

合理

1.做兄弟姐妹有機會包曬兩樣

2.淨出席觀禮晚宴等既話就多數唔包 但唔洗俾人情

利申：出席過兩次海外婚禮 前者後者都試過

真心 咁多人都覺得唔洗包？
去過一次沖繩新郎哥包哂機票酒店 咁當然人情就大家識做計返咁上下 但咁做成件事好睇好多

其實佢唔包你都知你份人唔夠老友 一陣包完你你機票開費但你人情只比$1000佢蝕撚到入肉

睇法就係唔包好合理，唔使俾人情都算係有心意，你有權選擇去唔去，唔想去咪唔去，無話唔俾面，好過你去完呻呢呻路咪仲唔俾面
夠fd既窮都一樣照飛去，話晒人生大事,唔夠fd係香港一樣可以唔去
BTW去轉日本都考慮咁多，去一轉感受下人地既幸福當俾動力自己努力搵$啦

我覺得朋友唔包好正常

係呀！唔包機票同住宿

包你前一晚dinner 正日觀禮夜晚dinner

但唔洗俾人情

好合理丫


相反如果佢包你住宿機票咁就要俾人情加送禮啦

簡單總結：

被邀請海外婚禮

做兄弟姊妹（全包 or 包其中一樣）

朋友出席（包=要俾人情）（唔包=唔洗俾人情，但可以選擇性送禮）

我覺得唔包好正常
包左先煩啲人一定嫌三嫌四

其實要上黎問既話 唔去都得啦
反正都唔係好FD

我下次去日本你先結啦不如

好簡單 佢唔使你俾人情
即係佢冇諗住賺你任何錢俾佢"夾錢"結婚
無論你其他洗費用幾多佢一蚊都收唔到

如果單以請你呢一個人咁計 佢係蝕架喎
佢咁都肯 證明佢真係當你老友 想你黎見證佢嘅人生大事
咁如果你就對佢唔係咁樣黎看待嘅
咁無謂勉強自己

有你咁既朋友真係三生有幸

其實老實講啦，去得唔開心不如唔好去，個婚禮人地嘅，又唔係你嘅，當你frd先預你啫，廢事一陣你怪返人唔請你去啦，但我相信就算你真係唔去，佢都會明嘅

同佢講 下次先

有錢有時間就去, 冇錢 or 冇時間就唔去
喂大佬呀, 係香港行禮唔得咩 你去日本honeymoon又想要免費兄弟?
你老婆係日本妹就話合理D

問得即係唔想去 咪同佢講無假囉on9

當去個旅行囉

有樓主呢種朋友真係三生有幸
唔係諗住上黎會有人撐你掛 ?

屌你老未，真心當人係fd嘅話，邊度行禮都會去啦，咪當自己去個旅行囉，幾千蚊都俾唔撚起咩

我係你我會照封人情Tim呀

人地又唔係迫你去，你自己都要諗下外國行禮，人數有限，主人家都留個位想你出席，你條度縮撚就左計右計，同你做frd真係乞兒

啱呀

就算你俾人情，你又俾得幾多丫 五佰一仟？
你老未餐飯都未必夠俾啦

人地當你frd先請你

一睇個post幾驚講緊我
月尾我都係日本行禮，因為我唔想擺酒做show
但一生人一次既大事又想行次教堂浪漫下。

不如同你分享下新人既角度，
唔知你朋友係plan好哂先邀請你定點，
我自己係先決定地點，再問啲最親最frd既朋友有無興趣黎
Count好人數先再揀教堂既。
但問既時候講明要自費，負擔唔到可以唔黎。
如果你朋友都係用同樣方式問你
你無錢其實可以直接講。

點解唔包機票酒店，因為除左朋友 仲有屋企人
當男女家屋企人一共10個好未？
一個人機票加酒店至少三四千
即係屋企人個度都俾左三四萬，加埋朋友既話 十萬走唔甩
場地？婚紗？禮服？攝影？婚禮完請食餐便飯？呢度又幾皮
仲有唔係個個朋友都今日黎聽日走
有啲想玩幾日既，有啲真係拎唔到太多假
我要同你plan埋？ 定出席個啲俾bank ac我每人過一晚酒店錢俾你？

可能你覺得無錢唔好學人外地行禮啦
其實我人生大事想去邊就去邊
邀請你 黎到就黎 黎唔到就把撚就
如果要又就你 又就佢 呢樣個樣
咁我係返香港擺酒唔撚好？起碼有人情回下本。

諗下人地婚禮意思係乜
再諗下你係咪真係當人係好朋友
由細玩到大都唔一定係好熟。

利申 放心我一定唔係你朋友 唔洗擔心
因為我唔會請啲好似你咁既朋友
我啲朋友全撚部都真心想黎 仲送結婚禮物俾我