點樣面對自己寵物既離世？

火化果下喊到抽筋

利申 未平伏到

我個隻岩岩都火化完 同你一樣

㩒掣開爐果下真係

死左一年多d
大約九-十個月先行番出黎
但仲好掛住佢
利申：養左八年

我的狗養了9年，她在星期六早上離開，今天火化，她最怕行雷的，偏偏現在就行雷閃電，望著那吉位真的很失落，希望她在那邊玩得開心，不知要多長時間才能平伏

hello,又係樓主我.. 其實我大約3星期之前又有隻貓貓走左..
不過連上黎講既心機都無..1月同2月分別走左2隻貓..
今次走左隻已經15歲, cancer

頂住呀樓主

你已經陪佢行過佢一生最開心嘅路

佢曾經令過你開心

令到你記得佢

佢已經無悔嫁喇

一直都唔鍾意養寵物,尤其係壽命長短同人類有好大差異或者好易死既

細個養倉鼠同魚,幾年感情佢走左已經好傷心.
魚就自已唔識打理養死左諗番都好內疚(其實魚都幾難養下)

真係想像唔到D十幾年既狗走左主人係咩心情


所以以後都真係未必會養寵物
或者會養鸚鵡(好好地養都有五十年命)

我家狗狗13歲 上兩星期有一間吃完晏就突然後腳無力行唔到
，就即刻帶佢睇獸醫、獸醫話佢椎間盤突出，
令到佢有劇痛同後腳無力 ，
愈食藥愈食到佢無心機 由最初會嘗試自行企起身 ，覆診後接受獸醫建議注射類固醇消炎針同配合針灸治療令到可唔可以好轉，但係留院三日後 惡化到今日四肢無力 不能自立大小二便、仲唔肯食野 只係肯飲水
連幫佢R痕都唔會想彩你....我上網睇彌留之際 但係我未接受到

我隻狗17年走，到依家都釋懷唔到

個心好痛好痛

年頭走左,安樂,養左十幾年,係有D唔慣,不過一諗起佢都叫做活左14,5年算長壽
最尾果兩日見佢好辛苦,我選擇幫佢脫離痛苦,加上醫生都係咁既意見,個心都冇咁唔舒服,由佢開始唔妥到走,辛苦既日子都唔算好多,所以件事都黎得好突然,到而家有時望返個位都以為佢仲係到
BTW,決定以後唔會再養寵物

無辦法接受到再次離開既打擊

一來啦
二來養真係花好多心機時間 冇真係唔好養

肯定知 郁都唔郁

16 歲腎病, 知道已經好晚期, 3日走左
會將佢剩低既糧餵浪浪幫佢積下福
佢既骨灰放左係屋企, 有時望佢相都會眼濕濕
一年後都係再養過

琴日離世了
心情仲係處於崩潰狀態 面對唔到

生命係咁

畀多一百年你都會覺得唔夠

時間係相對

如果宇宙有一萬億年命

佢都會覺得自己短命


喺佢生命呢一世見到你
下一世可能都見到你
佢做人 你做貓

點樣面對自己主人既離世？
佢死左邊個照顧我？

利申：狗

以前好細個養過隻狗，養咗10幾年，真係好好感情陪住我大，有一次佢病咗發燒，一路都唔肯食嘢唔肯飲水，其他屋企人餵都唔肯食，我餵佢都俾面食少少同飲少少水，知道佢都捱得好辛苦，有一次要返學有活動，諗住返完學即刻就返屋企睇佢，點知出發後冇耐，就收到電話佢死左，我真係喊左好多年，見唔到佢最後一面先係最遺憾，對住佢啲骨灰喊咗好耐好耐，但係我屋企人發夢見到佢，我點都發夢見佢唔到，真係好後悔點解要去個活動唔留起佢旁邊，到今時今日我都好掛住佢，以前仲要冇電話影相，慢慢慢慢先唔會喊但係會將佢放喺心入面，ching你陪到佢最後已經好好，佢都好安心咁走，將佢收起心入面，等佢好好投胎，加油啊俾啲時間自己啦！