見到好多巴打都係到講天鑽,咁我都開個po講一自己點睇。
大家較多討論就係9分鐘行去火車站呢個位,但其實無論佢9分鐘行到定12分鐘行到火車站其實都無乜所謂因爲住得呢啲盤9成都係坐Shuttle,如果你話坐shuuttle就狗也不屌咁大埔緊最少有十個屋苑係狗也不屌。
聚豪天下、帝欣園、龍城堡、大埔花園、濤滌山、鹿茵山莊、康樂園、嵐山、寶馬山、雍怡雅苑、半月灣同比華利山等等,但係佢地都係有價有市,成交唔係吹出黎。
當然呢啲屋苑車位十分充足唔會好似天鑽咁5户先分到一個,但作為大埔人我係好了解住呢啲屋苑既人好多時都係用的士代步,就算係同區好多時都會坐的士。
而呢個盤對兩種人黎講會有天淵之別。
第一種就係係大埔反工,如果你係大埔區返工呢程shuttle唔算係咩問題,我住大埔中心返大埔區都要坐巴士啦。
第二種出市區做野,如果日日出市區做野而你又想搭東鐵,不過你住上面果推又何嘗唔係要轉一程車丫。如果你返市區又想買樓絕對唔應該買tim la
如果我唔係原本住大埔又係大埔做野根本唔會買,又唔係平得好緊要,但同同區附近既兩個屋苑差唔多價,賺就係賺用二手價買一手盤。對於原本想搬去寶馬山呢類型單位既人黎講係十分吸引。
結論係,對天鑽有興趣既會以大埔人以及係大埔工作既人居多。另外就係大埔既換樓客,係大埔墟啲洋樓依家同佢個價差唔幾,絕對有誘因令佢地換樓。
最後10688呢個價係假既大部分都係12xxx-13xxx。