[菅田將暉][永野芽郁] 3年A班-從現在起，大家都是人質

郡司都做過老師 自己學生都出過事 會身同感受
但我覺得佢會照捉柊 但同時會追查呢件事

仲有郡司今集好似訪問過文香d學生 應該下集會交代文香老豆為咩同柊合作

鳩估:會唔會柊過身後，郡司唔做或被炒
之後去教班３Ａ

３Ａ畢業啦啵
入去教都有可能既

經過呢單嘢 魁皇仲撐得住咩 摺啦可能

好吊癮

下集預告話武智堅持清白，同埋柊之前同櫻講揾fake video兇手唔係佢最終目的
所以武智一定唔係boss呢點我同意，因為今集出咗牧原議員（哥個想做豪翔校長嘅議員，即係一開場清談節目入面評論武智絕對唔係整fake video哥個阿伯）
跟住相樂老豆同柊有同一個目的，加埋五十嵐理事官為咗個可以堅持佢活著嘅原因而同柊合作（ＥＰ３），呢個先係柊嘅真正目的

我估下集郡司同柊單挑哥陣，柊會講佢個目的出嚟，因為郡司曾經做過老師班上有個學生因為欺凌而死，所以我覺得柊個最終目的會同佢嘅過去有關連然後郡司

柊鬧武智哥一段好想俾啲教畜睇到
日日為咗逗份糧而返工，對學生完全冇幫助，那有資格對得住老師呢個名稱

係
特別武智講學生自己入到去 唔夠人黎比人foul係學生既問題
激到柊死死下

同埋今集好多位轉左做熱血老師fps , 有冇特別含意

應該係講 武智老師嘅日常，都係上下電視，見下fans 咁， 完全唔似教師所做嘅野。 所以佢冇資格企係教師台

利申： 鳩嗡

我成日覺得柊係想拉群司做戰友一齊攪。
今集真係拉到上政治層面, 相樂爸爸話可能係錯嘅但都要做, 都應該係話屈咗武智(等啲人以為係佢殺景山)只係將主腦啲馬仔拉落嚟
話時話柊叫班學生判斷吓柊自己作為一個人係點, 加上啲學生放大個VIDEO時又咁驚訝, 硬係覺得有啲嘢....

但香港冇辦法 香港考試就係一切
唔同外國咁多選擇
所以好多都係被逼助紂為虐硬谷

香港都唔個有呢d題材呢d

其實都可以話佢睇名利比學生更重
佢由出事到而家同其他老師最大對比係
其他老師由出事個下就留守學校 食硬飯團 捱通宵
佢就上電視借單野煲知名度 去同權貴食高級中華料理 番歸訓
突顯到佢作為老師係有幾失敗

睇完呢套就會知香港教育幾失敗
再有heart嘅老師都會俾考試制度困死變成教畜
因為香港冇任何第啲俾學生有出路嘅方法
好似體育日本體育有甲子園 美國ncaa 英國球會青訓等等
有能力但讀唔到書都會有出路
但香港 玩體育絕大部份都係上c1做偽人 冇任何資助
然後g9g
唔逼學生磨讀書把刀嘅 佢地連自保嘅能力都冇

最慘係讀到幾高學歷都好 有d都係咩都唔識做 工作/生活上

再誇張啲用私心放大到用教育制度睇嘅
作為香港人嘅我會感覺到
武智就係香港填鴨教育 不論學生死活硬推 由社會淘汰
柊個邊就係真係理想嘅因材施教教育

個video的確係有啲嘢，文字預告有講
有學生睇哥條片發現到啲驚愕嘢，你搞到我諗係咪柊一颯出現係個video入面
唔搞到上政治嘅黑暗就好似之前巴打講日劇校園片冇政治嘢一啲都唔正常，呢幾集應該會好多嘢睇

我EXACTLY係你藍字咁諗~但後面學生其實係一齊聽制裁武智嗰段, 又唔見啲學生好大反應乍喎~~
而家先開始入核心, 應該係打啲警察都郁唔到嘅大佬~我唔記得邊度睇話個監製定編劇話套戲最尾會好出人意表, 唔知觀眾接唔接受到, 佢哋咁講攪到我都好緊張~~