視網膜撕裂穿洞.............做左激光治療

呢樣真。
激光修補治療頂多每隻眼萬幾蚊(唔駛入院)，但如果視網膜脫落，要入院開刀，可能要7至10萬蚊一隻眼，就算手術成功，亦有機會視力受損。

姓黃男醫生，好nice好細心，ok呀。
老實講，其實我當時個情況根本唔輪到自己慢慢揀邊個醫生，我淨係想快d 治療。呢個眼病根本就係要同時間競賽，林x潮能夠親手操刀故然好，但可能要等多幾日，哂氣。

隻眼唔妥就拿拿聲去睇眼科醫生
睇醫生, 幾舊水
做激光, 一兩萬
做手術, 大約十萬

最重要係拖耐咗, 隻眼差咗就係差咗, 返唔到轉頭。
我就係拖耐咗嘅例子...

留名先

成千度近視+飛蚊咗10年
已經每年都去養和驗眼check視網膜
但都好驚有事要做手術

配con配極個電腦讀數都唔符合真實視力，所以視光師話應該有其他因素影響叫我睇下

我想知你而家隻眼做完開刀手術後視力受損，
生活點去適應?
配特別眼鏡? 定係死頂?

有事隻眼睇嘢會有彎曲, 但另一隻眼無事, 其實個腦會互相補番, 平時一般睇嘢都 OK 嘅。
但都有D位
- 感光差咗好多，入暗嘅地方會近乎睇唔到
- 車入隧道，左右眼光暗會極唔同，勁唔舒服
- 隻眼有事果邊好易撞到，撞到人, 門邊, 欄杆
- 距離感差咗，例如好遠扔個波過嚟，判斷個距離差咗

又唔係死頂只係習慣，試多幾次，知道有 D 位就係會咁樣，自己就下變成習慣。

我都係咁 傷左先買保險有無得claim 激光錢?
我都復發左2-3次
上次醫生幫我刮傷完隻眼都無用

我近視度數兩隻眼加埋都1500
睇嚟都要去check check

度數同埋視力變化都會反映到眼底或者眼入面 係咪有問題
正常視光師 發現到眼有問題 係可以轉介去眼科醫生
咁當然 如果係好突發 好緊急嘅情況: 例如突然一隻眼睇唔到野 當然直接搵眼科醫生

係專科，要打去預約

$470，我冇藥食

視網膜有裂孔，做激光好簡單.
好似配眼鏡驗眼部機咁, 坐係度隊個頭埋部機望著唔郁就得.
做激光, 十分鐘左右攪掂，行得走人。
有人話痛, 我做完唔覺痛，係感覺有嘢拮落眼咁。

但視網膜脫落，真係入院做手術就大鑊好多，兩樣完全唔同。
當年住咗 6日醫院，佢會打D氣體入眼球，逼貼返個視網膜。之後行坐企食做咩都要全程 dup 低頭，瞓覺都要趴係度，10定12星期。中間仲要瘋狂覆診，開頭最密係2日去比醫生覆診，之後一星期去一次。

我有800幾度近加上讀設計成日對住電腦 所以想檢查下隻眼
你地通常去開邊度檢查下？有冇推介？
最好唔好太貴 仲係學生 thx

做完激光仲會唔會有飛蚊?

如果係穿洞激光治療，做完抖一日已經足夠

頭一星期有時有兩、三隻
一星期後冇事

係咪因為要等佢補返個洞? 同埋做完係咪唔使突登請假休息?

如果係穿洞激光治療，做完抖一日已經足夠

過程痛唔痛 琴日check 完眼估唔到會有退化撕裂情況, 我以後唔再熄燈睇電話啦

做完視網膜脫落手術
近視深左好多