天然矮
2019-03-18 23:13:29
基本上有砌模型經驗,睇住份說明書個exploded view嚟跟箭咀逐part拆就已經拆到7成,有啲位驚拆爛/唔知先後次序唔敢亂郁,就utube搵你支槍嘅disassembly就有一大堆邊拆邊逐part講解嘅片睇到你唔睇,除非你支槍極度冷門,大路款/近似款嘅9成都有片
改槍就因人而異,改aeg定gbb,改外觀定改性能睇自己喜好直接google都有基本講解,好多都大同小異,外觀唔特別講,改性能第一件事一定要理解好支槍所有相關嘅機械結構,撳咩掣郁咩位會影響啲乜做到啲乜要知清楚,睇片之外有啲閒錢又唔想一嚟就拆自己支愛槍嘅話不妨可以上二手收同款or類近結構嘅壞槍/零件槍返嚟練習,拆下砌下就會知支嘢點運作,對比網上教學睇下有咩零件漏咗爛咗就出去執,好彩嘅執得郁返支槍就多支用,又可以賣返出去賺下水腳,唔好彩嘅咪當收啲後備件俾自己嗰支用囉
改槍就冇話邊個講解好啲,最緊要自己睇得明佢講乜,我兩支手槍改到而家差唔多兩年幾三年其實都係不斷睇唔同教學,失敗累積經驗嘅結果,先改到支啱自己打法嘅槍出嚟用