人越大越覺得身邊朋友仲停留係中學生階段

畢業都成十年，仲係中學生思維，講野無邏輯又不理性，自己諗完自己就以為係，仲笑緊中學時既取笑對象，個感覺真係好似無成熟過咁 時事更加唔洗講，完全傾唔到

樓主比人笑完黎

何以見得呢？

我呀叔 50幾歲 出黎食飯 都仲笑緊中學d7頭
如果你有朋友就明 回憶 就算幾on9都好
都係最值得回味架 ching

唔關身邊朋友事
大部分人畢業=停止思考
進入左等返工同等放假嘅輪迴

又一個斷章取義 攞兩個字覆po唔睇大意嘅人

證明中學嘅回憶係最深刻最開心

肯同你講on9野先係朋友

呢個真，所以感覺好似停留左係中學階段咁，話題無進步，好似成個人都無進步過咁

值得回味中學好笑事係好既，但個情況係，依嫁係fb見到中學曾經取笑既對象，仲好似當年中學生咁笑人地衣著，pose，笑人地身邊朋友個樣，感覺就好似無成熟過咁，其實笑多幾次都唔笑啦，但情況係經常係咁

以為我出po 有個fd exact7ly係咁
話題十年如一日

即係人生去到中學畢業嗰刻已經完結...

即係樓主未夠三十歲已經變成老屎忽

因為你地既共同話題只係咁窄
人地可能係出面傾炒股 炒樓 車 結婚 買樓
而你既狀況又未去到咁

Up得出全名同up唔出全名同我所講既野有咩關係？up得出全名你以為係代表咩？

傾到炒股，買車，買樓既得一兩個，唔想話題得兩三個自己講，所以通常好快完結呢類話題

中學同學就正常，
唔通同你傾國家大事咩

中學同學就由佢啦 懷念吓開心嘅 約你出黎都係想嘻嘻哈哈減吓壓 真係熟嘅朋友應該咩都可以講 樓主有冇呢啲朋友

反而覺得身邊啲人比社會同化得好快
變得好現實

其實我講緊”人越大既身邊朋友”係識左十幾年既朋友，好好既朋友，只係自己開始感覺/感嘆大家話題開始溝通唔到。真係熟既朋友係咩都可以講，我地都會講心事，只係我會覺得話題唔多，講唔到落去。比如講下想買航拍，有咩好玩既地方，大家就講唔到落去，因為無follow呢類野，又或者講下最近新樓價，又係兩句起一句止，講下旅行/行山/露營，又係一句起兩句止。新科技新活動都係講一句起兩句止。
感覺係同佢地既話題只停留係中學生講隔離是非，笑人地既階段，並非懷念往事，互相笑吓以前既柒事當然開心，但唔係呢種。正正因為大家係好朋友，我都想大家會進步d，但感覺好似大家生活無咩話題可以講。

樓主去到一個以為自己大個咗嘅階段

覺 入左大學幾年果陣已經覺得同某d熟既中同傾唔埋冷 一來可能佢地冇咩點去反下part time唔知出面世界係點 二來自己周圍識人做野 見識叫多左小小 個距離愈黎愈大 講下中學d野係幾好笑既 不過人大個要進步啦 仲係度講舊屎 傾下點計劃將來好過

其實朋友係要一齊互相幫大家進步 畢業之後實有人繼續進步 有d人原地踏步 距離大左自然難傾計 只係呢地人離開左你生活圈子 唔係叫睇唔起人 係冇左共同話題難以繼續做close friends