有濕疹可以點開心

我相信有人會欣賞你的美，傻妹，唔係個個都外協既。我細個比起依家嚴重好多，但係都有好轉，我相信你都會。每日話俾自己聽終有一日會好返，俾自己多點正能量😚 我覺得心理係直接影響皮膚狀況，所以唔好俾濕疹控制你情緒，一齊加油💪🏼

我有食，我覺得有用。

請問咩牌子

我最唔開心既時候，會上網睇下成功醫好濕疹既例子，會合埋對眼想像下自己無濕疹既時候生活會幾咁唔同，會想像下自己皮膚變翻白滑會點。我覺得要保持樂觀態度同埋俾希望自己會好翻。有時我亦會諗，有d人一出世就有永久性缺憾，但係我個病起碼有機會好翻，所以我要識得知足。你要記住心情好壞係直接影響皮膚，識下諗開d，愛自己多點💗

我明白): 依家做緊intern 打字都成日會focus左係自己對手跟住自怨自艾好耐，但係我之後決定用件衫遮住對手，focus係做嘢果度，同埋話俾自己聽，我既皮膚係一分一秒都療癒既，唔搞佢唔掂佢佢會好起黎

既然你有個咁好嘅男朋友 就應該乖乖地醫好濕疹佢啦

Physiogel shampoo
試過咁多種依個最唔敏感
有時會用手工皂但係好lup

我家姐係美國買 我唔知香港有無><

我知道😙 依家每日都嘗試保持心情開朗，以前真係好唔愛惜自己，無咩動力醫好，但係依家有男朋友支持，俾左好大動力我。

我都有濕疹, qv, physiogel 同 cetaphil 呢啲大路牌子完全唔掂, 用完有時仲痕
最後阿媽個同事介紹左隻歐洲牌子比我(要係amazon買)
暫時用得幾好

叫咩名？等我又搵下先

個牌子名係Elave
我係沐浴露+cream一齊用

樓主
真係得經歷過嘅人先知有幾痛苦
先會明大家
樓主我地都會好翻的
一定會好翻！ ！ ！ ！ ！

可唔可以話我知係邊個醫生

就係個種feel 真係啞巴吃黃連 有苦說不出
日盼夜盼 日復日 年復年 不停係心中問幾時好翻 幾時好翻 心中個種折磨真係痛到無法用言語形容同表達 我知要往好個方面諗 做下呀Q 其實更慘嘅人都有 可惜人總有時會知道/意識到正常人/無皮膚病嘅人幾幸福 活得幾自在又快樂 我地呢啲人 有時 連訓教訓得著 已經係最奢侈最可悲又難求嘅願望

仲有咩資格去要求更多呢？
嗯？
見到人生活得咁快樂無憂 我真羨慕

每年嘅新年同聖誕願望都係好翻

同埋我會諗濕疹係身體俾你既signal話你知我地內裡出現左問題，所以要調整生活習慣例如要做多d運動，要早訓，要戒口唔食油炸嘢生冷嘢加工食品，要解壓果d。所以我覺得要做齊以上所有嘢唔係懲罰黎，而係令到身體變得更好更健康既方法，咁樣諗會開心d😝

樓主有無試過曼秀雷敦隻ad軟膏?我有排生疹用左好快舒緩到

btw，加油樓主

未試過，遲d試

唔用最好
Between 試左死海鹽未？

中學嗰陣生到成面甩哂皮 紅到關公咁 日日戴口罩返學
手同頸爛哂 訓醒成牀都係血同死皮
好撚絕望 食埋口服類固醇都係好幾日又衰返 中醫都係好得少少 可能因為我唔肯堅持
之後係用手工嗰d cream日日搽 搽左都有成年 而家係轉天氣先會紅 但都好左好多 但後遺症就係手嗰d摺位變到阿婆咁皺
我明有幾撚痛苦 之後有巴打講過死海鹽好work 但你怕乸 唔敢試 你敢嘅可以試下 我而家冇哂傷口都想試
頂住呀！

問catgirl

有啲建議 唔知你知唔知

沖涼唔好用熱水 暖水就好 抺身唔好用力刷 輕手印乾有濕疹既地方

唔好用沐浴露沖涼 用豬油膏/a cream沖涼就得

勤啲用豬油膏 一日用 3-4 次都得 冬天出少啲汗可以用少啲

A cream 淨係可以用嚟沖涼 唔可以留係皮膚上面 可以search下 sodium lauryl sulphate 會令濕疹惡化

好嚴重個陣唔好怕用類固醇 用一個星期唔會有咩負作用 不過面就唔好用啦

同埋記得剪指甲

係度講下我依家係routine
咁我依排就早睡早起既 （其實係因為要翻intern 根本無選擇 ）
朝早食早餐之前飲一杯檸檬水，然後先食早餐，食完之後食B雜維他命同埋益生菌
沖涼就浸死海鹽，保濕就搽甜杏仁油（我開頭搽完好L痕，所以放棄左，但係忍到果陣痕既話，佢真係好有效，令到皮膚好快埋口。但係要睇你容忍度，如果你忍唔到R可能唔好試）
食完晚飯飲一劑中藥
同埋我戒緊類固醇，十一月開始完全無搽
我打算開學之後會每晚去做埋運動，逼自己出汗，應該成效會更好
不過最重要都係唔好R 一R真係前功盡廢
我有時痕到死會開YouTube video 睇，話俾自己聽忍10分鐘，會想像下皮膚紅曬裂曬個樣，同自己講唔好R，意志力真係好重要 但係忍完果陣痕會覺得自己好叻，好似邁向皮膚好返既一步

https://www.youtube.com/watch?v=1hox8H4XYM8

開心番啦

用緊