【互動】【喪屍】《凌晨三點，我屋企門口有敲閘聲》（3）

A route

即使你們是在生命受到威脅的情況下才被逼開槍還擊，但對於那三個警察而言，同僚的生死大概才是他們唯一關心的事情。

……唯今之計是把一切轉移到鬼哥的身上。

「狼爺，你選擇相信嚟幫佢兩個查明真相嘅我哋，定係信一個自私自利，係危機關頭扔低Peter仔同𡃁妹嘅『伙記』？」你特別強調「同僚」二字，試圖突出兩者之間的對比－－一群雖然誤傷了對方，卻願意為他們查明真相的陌生人，抑或是一個雖然每天一起執勤，卻會大難臨頭各自飛的戰友？

「啊鬼，點解你會自己一個翻咗嚟。」狼爺的答案顯然而見。

「我……我……狼爺你叫佢放手先！」鬼哥邊掙扎著說。

一直彎著腰的榮叔聞言後，還未等狼爺開口便已把他放開；而在站起來之先，榮叔又用力拍向他的右臉說：「唔該你下次有翻啲自知之明。」

「啊……嘶……」鬼哥伸展著雙臂，並不斷發出聲音以他表示疼痛的程度；但是狼爺可沒有閒情逸致再等，立馬就把他給打斷了。

「講啦！大男人少少痛都捱唔到！」

「講！我實講㗎！」他先是瞪了瞪狼爺，然後又瞪向你們。「本身去到個陣見你哋用架車擋係門口到，個兩個人就叫我哋直接開槍，話咩今次任務事關重要，對住幾個想趁亂做土皇帝嘅人唔需要手下留情咁話。點知你哋咁頑強，搞唔掂你哋不特止，最後仲搞到班伙記死嘅死，傷嘅傷……」

只見鬼哥眼底突然閃過一絲畏縮，變得吞吞吐吐起來。

「咁我咪……我就……」「－－講！」狼爺拿起槍，直指向他。

「……我就訓咗係地下扮死，直到佢哋落哂下層之後，我先趁亂跑出停車埸，揸外面另一架七人車翻嚟。」

這情景不禁讓你想起，早年某間車房爆炸事件之中的那個警察。



「狼爺，依家真相大白啦，我哋唔係敵人。」（a）

「你為咗自保，就眼白白睇住佢兩個死？」（b）