話說小弟係28/12/18 去咗深水埗黃金商場呢一間鋪頭買switch！
貨品：switch， mon貼+機套，SD卡 32GB
一開始佢攞部機出黎，佢就立即幫我貼mon貼，個時小弟冇要求過要佢貼，佢一貼咁就計左$380！咁我無計啦，之後佢同我講要買SD卡，32GB or 64GB ，因為我以為本身部機係入面冇任何內存量，所以我唯有聽左佢講買32GB卡，咁又計左$380！ 最後總共係俾咗$3340［2580+380x2」
一張玻璃芒貼要$380我即刻呆左！
佢哋幾識玩啊，比一張Samsung嘅SD卡我，比張最貴嘅我！好波
我心諗死啦今次食咗水魚，咁就當自己柒左唔會再幫襯距，最後返到屋企發現原來佢冇比到張SD卡我！咁好啦唯有今日再出去同佢講啦，大家睇清楚下面張單！咁佢寫到明貨品出門，恕不退換！咁佢直情冇比張卡我，咁我係咪可以要求退款啊？頭先去到間鋪同佢理論，佢只係死口爛口同我講貨物出門恕不退換？「我俾返張卡你，你一係要一係唔要」佢嘅態度仲可以覺得自己冇問題理直氣壯咁同我講！
我頂你個肺你一開始根本冇比張卡我，你呢一句「貨品出門 怒不退換」呢句野係咪已經毫無作用性啊？，請問各位巴打絲打我有冇講錯先？如果唔係我頭先要趕住走有下場，我一早報咗警同佢玩大！反正而家走咗已經冇野可以再講！
希望大家以後去到深水埗黃金商場都唔好幫襯佢，頭先有朋友幫我上網搵呢一間舖啲嘢，發現原來都有幾多巴打絲打中招，今次真係算自己唔好彩！$380可能對大家來講唔係一個好大嘅數目，但係對我來講我寧願用$380買一隻game都好過買SD卡！
, 如果係學生哥樣, 叫多個人陪. 
