【純金拼圖】小弟用8000個兩毫砌畫 噴出《梅艷芳》

小弟之前開post講過 樹葉 繁體中文字，今次到兩毫，都係一啲因社會進步，而逐漸消失或遺忘既野。
自從電子貨幣發達後，現金 尤其硬幣(兩毫)係現今社會就好似雞肋一樣，食之無味，用之不著，棄之可惜。



『斜陽無限 無奈只一息間燦爛，隨雲霞漸散 逝去的光彩不復還』夕陽之歌 - 梅艷芳

雖然我覺得連登未必好多人聽過，但其實呢首歌間接令我諗到呢次作品既新呈現方式『逝去的光彩不復還(毫子變色)』。





梅艷芳作為一個台上表演者真係一流，佢表演既態度前無古人 後無來者，不是為名，亦不是為利。純粹係為左表演同娛樂給台下既觀眾，真係好欣賞佢。欣賞佢個種享受過程而不追求結果既態度。

今次作品最特別既地方係 過程 ，一幅全部金色既兩毫作品 變成有人像，砌既時候好似一支透明墨水筆畫畫咁。噴上化學藥水後，部分兩毫變黑，令作品內容慢慢浮出黎。

https://youtu.be/mfu2E0eaaJo
ig片 link : https://www.instagram.com/p/Br6Vabfger2/

最後如果大家中意同想睇多d 不如follow 我art.ig 同facebook page
當支持下小弟
ig : gllh_art https://www.instagram.com/gllh_art/
fb page : Giraffe leung lok hei https://www.facebook.com/gllhart/

勁撚到.......

邊到可以搵到咁多兩毛

cls
巴打好勁

搵幾錢個月？

最煩就係唱錢
一般都係逐間銀行去排隊唱，每次可能都係得$150/有時甚至一蚊都冇，有次好好彩有銀行朋友幫手收集到5000蚊港幣既兩毫(total : 74kg)，我準備左個喼去拎，諗住實冇死，點知喼都拉爛埋，最後call車先搞掂。

pish

暫時未有

勁巴打諗住點收藏？

真．藝術家

支持巴打

巴打厲害!

社會進步點令繁體中文字消失？

無知一問
會唔會犯法

犯乜撚野法

凡硬幣除因正常損耗外而破損、消損或減輕，或因其上印上或刻上任何名字、字樣或標記或以任何形式被切割、穿孔或砍劈而遭毀損，該硬幣須當作已經過受法律禁止的形式處理。

巴打可唔可以整梁朝偉

樓主，香港毀壞法定貨幣係犯法㗎喎，要上庭見衰官，你出唔夠律師費，你幅傑作會俾律政司告到充公，下次小心啲