公務員人工離撚地

都仲有個關鍵位係洗唔洗對客
中下層唔洗對客嘅位應該係最正

同埋總會遇到一兩個痴線客

年年跳point係因為公務員基本上唔會轉工㗎
唔會好似私人工咁有得轉工加人工

一見到呢啲post就一定有班人衝入嚟話係私人市場低又或者咁叻你去考近乎機械式嘅回答真係好有公務員嘅作風

在我睇嚟香港嘅私人市場同公務員根本就係兩個獨立嘅勞動市場嚟｡一個係規定要跟通漲加同按年資升職加薪，一個係跟番公司營運狀況同要唔要留住僱員去決定加唔加薪｡

公務員嘅薪酬同私人公司嘅差距愈來愈大，其實係意味緊香港個實體經濟根本呢廿年嚟根本冇增長過，可能甚至仲一路萎縮緊｡香港實體經濟停頓導致相關行業(其實係指除咗地產呢個資金池製造業以外嘅所有行業) 購買力下降其實正常不過

相對地，公務員keep住有薪加並唔係因為公務員嘅勞動價值高咗而只係得益於高價賣地同當時英國為咗穩住公務員嘅制度使然｡政府機關從來都唔係一個創造到經濟價值嘅地方，而只係一個再分配其他人經濟成果嘅一個地方｡如果一個政府唔能夠有效咁去分配資源俾社會有需要嘅人，甚至愈攞愈多私人市場勞動嘅人嘅經濟成果用以自我澎漲，呢個政府可以話係社會嘅負累，而當中收取其他人嘅勞動成果去營運呢個政府嘅公務員，竟然話番私人市場勞動嘅人唔爭氣｡我唔會話係不義，我只係覺得你地好mean

另外其實我一直有個問題想問你地班公務員好耐，當你地嘅宗主國最高權力首長嘅人工仲低過你地之中最低級公務員，點解喺呢個急速同宗主國同化緊嘅香港工作緊嘅你地仲會有咁大嘅自信你地退休前都唔會同宗主國嘅公務員人工睇齊?

高條毛咩

工作量又大，日日舟車勞頓，搬托抬推，上山下海咩惡劣環境，惡劣天氣八號波十號波都要去

食無定時，食個飯都要擔驚受怕，隨時分幾次食，捱住餓做野，翻夜更難得有得抖，恰得十幾分鐘又要沖去車有時自己望落仲病過叫車個個

有時做大單野交通意外，大量傷者事故，昏迷，自殺，中風，全身抽筋等又要極急，要諗點樣去幫佢最快最好，同時周圍都係記者，八掛既市民，冷靜+隨機應變+執生能力要極高

救急扶危，上至心臟驟停同死神搏鬥，下至頭暈身興，身痕柯屎柯尿唔出，既要識比藥要識急救要識各樣工具應用要識揸車又要keep住體能好，每年做體能測試

捱更抵夜輪班工作，日以繼夜，夜以繼日，大時大節都要翻工，仲要面對無限濫用玩野，去服務態度差劣，買個野食都要投訴既市民

成日見血腥核突肢離破碎身首異處，屎尿血濃痰嘔吐物等厭惡性工作不在話下

需要接觸不知來歷，帶有致命疾病既病人亦有受到肉眼睇唔見既病毒細菌傳染既危險性

咁樣既公務員starting 先21k, max 29k
連三萬都無，你又覺得離唔離地？

私人公司要對住痴缐客。
公務員都要對住班痴線客/求助者。一班舊制old seafood, 一班宮廷鬥爭咁既上司同事宮女太監。
升級機會微之外仲要有排排隊⋯

幫辨路過

幫辦係咪易考過EO?
作文要求係咪同公開試差唔多?

原來公墓員淨係得一個職系做狗。

街外人永遠只會睇到人地串魚蛋好食
永遠唔會諗食呢串魚蛋既辛酸
公務員又唔係唔洗做就跌錢俾我洗
假又少 又無花紅 除左穩定就一無是處
咁都好屌咁都要酸
又唔屌下d垃圾主席咩都唔做唔理逗過百萬係出多左人工？
個政府廢就會連帶成個公務員團隊都廢埋一份
大把有心做既人俾你班閪客屌到無晒癮
有事就叫政府 無事就屌人廢

低又話俾狗做 高又話人離地

私人市場閪係公認既事實 唔洗咩都拉去公務員做野機械式既
關於公務員做野一板一眼呢樣野我都想講下
上面咩都有曬指引要點做 唔理你做公務員定私人工
唔通你會無啦啦唔跟指引做自把自為?
我見過好幾次前線同事破例方便個VIP唔跟指引做一次半次
後果呢?咪下次走黎嘈點解上次得今次唔得 我要投訴你地
咁你仲會唔會唔跟指引地好"靈活"咁做野
唔係我同你有仇突登唔幫你
而係香港太多閪人 我唔知幾時幫完人之後會俾人返黎咬一啖