[儘量live] 獨遊雲南

瀘沽湖跟團真係冇盡興到 真正遊湖時間唔多
諗住洱海環湖 依家有2個方案 你哋睇下邊個好啲
:單車環湖 分2日 宿雙廊
:即日電瓶車環湖 宿古城

有啊，今年7月左右都係獨遊雲南半個月(朋友勿相認)。睇你個遊記滿滿都是回憶 。

如果你要電動車環遊洱海要有心理準備，我覺得好危險，一路上有很多路都很爛，有時候也有一些大型車經過，所以千萬要小心。同埋記得記得要租d貴少少，聲稱真係夠電環遊到一圈果隻。

我果時係果度識左幾個朋友，一樣都係黎旅行，然後決定4人同行渣電動車游洱海。
上網睇係早上9點渣到晚上9點先搞掂環湖一周。
但其實我未渣過電動車，我都唔知我那來的勇氣。
我早上8點幾租咗架係馬路練咗15分就要正式開始環洱海之旅 。

咁全日都好正好chill，風和日麗，每揸一陣就泊架車係旁邊，之後穿過d草草樹樹，就到咗湖邊，欣賞天海一色的風光。同埋係馬路上揸呢d皮包骨的車，唔洗揸好快都好爽(雖然已限速50～60)，去一d冇乜車的路就開盡60 ，又身在異地，真係咩壓力都冇曬

但人生當然係要有d不幸小插曲先得架啦,
就係仲有2個鐘車程就環湖一圈的時候(果時5點幾), 架車冇電 。
屌你老闆呃尻話一定夠電環到一圈，都知道租比平時平2,30蚊果d冇咁新既車係有古怪 切記唔好貪平 。十成九老闆都冇預真係有人用佢d車環一周，預咗我地揸一陣就算。

果時就冇電，揸咗7,8個鐘已經好攰，仲要突然落雨，又凍，又咁岩附近冇位停，係個高速公路旁邊條電單車徑龜速地行(架車慢到行得15～20)，側邊d車又快，又有大量泥頭車，d沙石吹起曬。果時真係百感交雜，明明出黎去旅行，結果搞成咁 ，不過其實都幾有feel 。

幾經辛苦過埋條大公路，入返市區，去咗間餐廳，係旁邊泊咗架車就食餐勁。不過老闆都算係咁，過黎搵人車我地走，果幾架車都仲要第日車返走 。應該都係蝕大本，我哋都唔太好意思 。

所以總結路上要小心+租返架貴少少舊電勁d的車。

電動車喺邊度有得租? 古城入面定出面?

其實好多地方都有得租，你揀個最近住的店就okay.
你可以map app search 或 行下街搵下都得。
我都係求其租

先去休息了 多謝咁多位巴打嘅意見
決定咗聽日先到古城行下 後日電動車環洱海
咁多位早抖

屌，完全係I know that feel bro
我7月果陣仲整緊仲爛緊 有時仲有大水Toum
好撚危險
我又係同三個女仔同行盪失路，垃圾地圖GPS
但最後停低係檔賣西瓜波蘿休息下食食水果，問下人，頂硬上，先走到，之後繼續旅程

我個陣都喺好似8-9點出發，返到古城7點咁上下，喺有d趕，d 景點唔好停咁耐。
部車唔難揸，小心周圍d 大車就ok，如果可以的話租4隻轆揸會舒服好多

客棧老闆驚我唔識路 親自送埋我上去大理嘅車
唉 雖然我覺得古城唔係咁吸引 但係真係唔係咁捨得呢度啲人

去過西藏加雲南 覺得一步到位去西藏好過

等返到昆明再計下 我仲有2日會留喺大理

去咗崇聖寺三塔 門票75蚊人仔 我覺得唔算貴嘅
可以彌補返麗江完全冇睇過歷史文物嘅嘢
而且啲景都靚 可以去影下相
入面都幾大 要行晒都要花啲時間

今朝租電動車環洱海了 搵咗個麗江識嘅老哥同行
佢聽到我未揸過就唔畀我揸 要我坐佢後面
發現環湖條路同我想像中好唔同 冇想像中咁爽 成日遇到拆樓封路要兜返出去 啲哋又爛晒 講真個體驗真係唔係幾好

喺雙廊食咗個飯 而家落緊好大雨

避緊雨 今日天氣真係好差
而家先環到一半 已經換咗次電了
唔知夠唔夠電返去

停咗雨冇耐又落大雨 揸咗十幾分鐘都搵唔到地方避雨
見到有間酒店就2個麻甩佬開咗間鐘點房抖下

安全返到古城
差唔多一半時間都橫風橫雨 啲電又唔係幾夠 為咗趕返古城 好多景點都係睇下就算
坐咗差唔多10個鐘電動車 屁股好痛

今日係雲南返香港
btw,麗江古城好無聊

麗江古城真係唔係咁吸引到我呢啲小毒毒

尋日環湖淋咗好耐雨 有少少唔舒服 一返到客棧就訓咗了
依家補返洱海圖

呢張係一開始天氣未變差嗰陣影嘅 後面開始落雨都冇乜點影了



洱海有個位勁多海鷗 企係個台上面畀過百隻海鷗包圍嘅感覺真係好震撼 雖然嗰日要冒雨趕路 但都冇後悔到環湖

臨走前再行咗陣大理古城 我始終都係終於大理個風格多啲 個氣氛好舒服悠閒


古城入面仲有櫻花添 唔知三個月後 春暖花開 又會係點嘅一番景象呢?


不過又hoarding又搭晒棚噉 真係嚴重破壞咗古城個氣氛

再見了大理 亦代表我嘅旅程就要完結了