[新手遊記] 帶兩老去關西睇紅葉

第一次開POST 打遊記 如果識我唔好起底 多謝合作
好多人都會覺得同屋企人去旅行好麻煩 可能會又呢樣唔食 個到又唔行咁
但我老豆老母都唔會 加上由細到大佢地都會帶我去旅行
所以慣左無乜野 今次就由我帶佢地去睇紅葉

行程
DAY 1 關西機場->城崎溫泉 住城崎溫泉
DAY 2 城崎溫泉->竹田城跡(天空之城) 住和田山
DAY 3上午去立雲峽 睇雲海 下午去姬路城 住姬路
DAY 4 姬路->有馬溫泉 住有馬溫泉
DAY 5有馬溫泉-> 神戶 神戶牛午餐 六甲山夜景
DAY 6 神戶>京都 琉璃光院 詩仙堂 貴船神社 住京都
DAY 7 東福寺 平等院 宇治 住大阪
DAY 8 箕面公園 新世界Spa World ->關西機場

頭五日用關西廣域鐵路周遊券 尾三日用KTP
好多人覺得成日搬酒店好麻煩 但我習慣左
同埋我好少買野 所以行李都唔洗點執

DAY 1
今次坐凌晨機 直接由關西機場去城崎溫泉
買個早餐先 最鐘意食個蛋

關西空港 08:15>09:28 大阪
大阪09:38>12:27 城崎溫泉 (ＪＲ特急はまかぜ1号・)

去到城崎溫泉就12點半 岩岩好食LUNCH
11月去城崎溫泉 最出名就係食蟹 當然要食返夠本啦
去左一間叫 いなば鮮魚店
http://www.inabasengyo.com/service.html#service02
佢個舖唔大 同埋無人招呼你 係用自動販賣機
買完等佢叫NUMBER
かにコース（全六品） 先4000羊
又新鮮又好味






食飽飽就返去酒店 CHECK IN先 今次住呢間大江戶物語

本身我自己去溫泉區都好少話會住呢D咁大型同埋連鎖式GE溫泉旅館
但因為城崎溫泉最主要都係去浸七個外湯 所以就試下 最主要唔貴
咁由於太早啦 我食完LUNCH都未夠三點 就係佢個LOBBY到坐陣先
咁佢有個位比人睇下漫畫咁 上下網咁 睇下電視 好快就夠三點啦

住城崎溫泉旅館 佢都會比張PASS你 就係可以任去個七個外湯

無影到上網搵

之後就出去浸溫泉
第一個就去左 駅舍溫泉さとの湯
呢個係城崎溫泉站隔離 最大都係呢個外湯
入面乜鳩都有大浴場,露天風呂,仲有STEAM呀個D正到仆街


之後就返去食DINNER 自助餐都OK幾好食 D 蝦好正

食完又出去浸過
其他就有D比較大型 有D比較細
最正都係駅舍溫泉さとの湯
最後我係全部七個浸哂






浸完就返去訓覺 聽日去天空之城
第一日完

留名

LM

Lm

LM

食蟹個間我前年食係¥3000六道菜

留名待丁大不至

DAY 2

朝早起身就食個自助早餐先 之後就去浸溫泉
雖然城崎溫泉出邊有得浸 但其實旅館個個都唔錯
係細左小小 浸完食飽就再HEA陣
由於今日無咩行程 得一個 就係上竹田城
所以差唔多成10點先CHECK OUT
咁間旅館同車站就有D距離 所以佢有接駁車去車站GE
咁由於仲未夠鐘搭車 就係附近行下


買左呢個餅 好撚好食 好重牛味
老豆仲買左幾條蟹腳 話上車食
咁差不多夠鐘就去搭車
(網上圖片)
要去睇雲海 姐係上邊呢個景 就要朝早5-6點上山GE
咁前一晚就要去最近立雲峽GE車站 分別有兩個 和田山同竹田站
由於和田山附近多D旅館 所以就住係和田山
另外朝早上立雲峽係要BOOK 的士/自己揸車 咁我就訂左呢間叫有斐軒
因為網上睇話佢有得幫人BOOK 的士上山

咁佢入住時間係唔知二點定三點 我去到個陣先係一點左右
本身諗住放低行李就走 點知個老闆娘勁好人 一早就比我CHECK IN
另外老豆買左幾條蟹腳 佢仲幫我地雪住佢
之後老闆娘就問 我地而加要去邊 去竹田城定立雲峽
我就話去竹田城 聽朝先去立雲峽 想麻煩佢幫手BOOK的士咁啦
點知 佢同我講話OK無問題

佢老公聽日會車我地上山 而加車我地去竹田站
點解可以咁好人 真係超級多謝佢

咁樣去到竹田站呢 你想上竹田城有兩個選擇
一係行上去 二就係搭呢個天空巴士
http://wadayama.jp/takedajyoseki
單程260 羊一日PASS 500 羊 無限上落

上到山仲要行一陣先到個城


終於見到個城

上邊望落去



影返個城





影到咁上下 就搭車返去食晚餐



老闆娘已經準備好
仲幫我地今日買個D蟹腳分好哂



食飽飽 休息一陣就訓覺 聽日好早起身上山

DAY 2 完

食蟹個間我前年食係¥3000六道菜

我4000都覺得抵
3000

正

孝子文識

咪推啦CHING

屌你老味牙去2日？

關唔關你事呀利狗

Day 3

由於要上山睇雲海 所以一早就要搭車
本身如果係我book 的士會book 5點左右
但由於係民宿免費車我地上山 就唔麻煩人地了

不過上到山已經見到好多日本人係山上面

開始見到個城仔

理想：

現實：

唔知係咪太遲上山 雲海就睇唔到 不過都算好天 睇到下個城

之後就返落山食早餐
由於只係有車去程 無回程 所以我地係要行返落山搭JR先返到去間旅館

沿路都幾靚 d樹好撚高

行完山好攰返到去有早餐食
食完就同民宿主人講拜拜
佢仲車我地出和田山站 超好人
之後下午就去國寶姬路城

十卜

返到去姬路就check in放底行李
今次住一間叫蒙特利酒店

佢係日本有好多分店 呢間姬路城店係新開 又平又靚 仲有大浴場 係姬路城隔離幾分鐘就到 超方便

放底完d行李 之後就行去姬路城

行到去門口有好多銀杏樹


姬路城真係好撚尾機 外面睇已經咁靚

之後就入城上天守閣 之前都去過咩大阪城 松江城個d 但都無上過去 今次特登上去

入去要除鞋 之後就行d木梯上最頂
唔知其他城係咪咁 但姬路城天守閣入面好有feel
有d文物 忍者房個d睇下


上到最高望返落去


之後落返去再影
白鷺城真係好撚靚 去完之後我諗其他城都未必會去 差太遠


個燒蠔係姬路城出邊 幾好食

返去姬路站 返去大浴場浸下 就完第三日

留名自己去

推到day4

收嗲

好