點解鋼鍊入面愛德華同艾爾一開始人體鍊成之前，唔用昆蟲動物嚟試吓先呢？

如果一開始用昆蟲動物嚟試吓先，就算失敗咗代價似乎冇咁大？ 啲人做實驗都要試吓先啦，佢哋點解一嚟就做？同埋點解佢哋唔睇吓書或者睇吓有冇成功例子先呢？如果佢哋一早知失敗咗會搞成咁，佢哋重會唔會噉做呢？ 而且佢哋失去咗身體先去研究去搵賢者之石，佢哋點解唔喺人體鍊成之前就去研究一下賢者之石先呢？係因為佢哋嗰陣太細過咩都唔知，而且佢哋阿媽死咗俾呢樣嘢沖昏咗頭腦？定係佢哋見完真理之後先知賢者之石有回復身體嘅用途？

由頭睇過啦

痴線，連鋼鍊撚都開呢D ON9 POST，學火影撚咩。

睇返個USER NAME原來又係一件火影傻鳩，唔怪得

你都識講人體練成啦
唔係蟲體練成呀
人體練成陣就係昆你人體練成，練咩蟲

鍊先啱，打錯自

肝鏈撚不嬲弱智

其實呢重有個問題，一開始愛德同艾爾人體鍊成之前，佢哋去咗師傅到學鍊金術，雖然唔知師傅人體鍊成嘅時間，但係佢哋之間應該有互相通訊，點解佢哋冇告知是但一邊人體鍊成嘅危險性，呢一點令我覺得好疑惑

冇靈魂既情報點鍊

拎返死咗動物嘅血，佢哋本來都係用自己嘅血嚟做情報，雖然最後都係失敗

噉鍊人同鍊動物嘅分別喺邊呢？到最後唔係都會失敗咩？因為死咗嘅嘢係唔存在，所以都無法鍊成

唔係不嬲都話人體鍊成係禁忌咩

重睇啦

諗諗吓，其實鍊動物或者昆蟲會唔會都會見到真理嘅呢？鋼鍊入面好似冇探討過呢個問題，諗深一層，如果唔係動物，唔知植物又點呢？

可能係冇分別
但佢地研究個個係人體鍊成，所以咪鍊咗人出嚟
動物鍊成就要問作者

點解開門、其實係因為個人體鍊成陣係fake人開門用
所以佢地人體鍊成個班都冇成功過
好似係

係禁忌啫，但係佢哋應該都唔知會搞到咁大鑊，連手腳身體或者身體任何部分都會冇埋，試過人體鍊成嗰邊應該經歷過呢種事，唔係應該可以前車可鑑嘅咩？

咁又解釋唔到愛德華同艾爾確實鍊成到一條‘人型’既野呢個事實
我就覺得因爲鍊成生物已經進入左神既範疇
所以先會有機會同真理接觸

首先師傅係訓練佢地果陣從來都唔知兩兄弟目的係鍊成返呀媽
同埋師傅都唔會隨隨便便就同人講自己試過進行人體鍊成啦

可能鍊動物鍊成陣都開到門，但冇人試過

可能愛德華佢地都得唔出呢個答案
但係佢地可以好肯定自己絕對有媽媽既靈魂情報
咁既情況下就只有直接鍊成媽媽呢個選擇

Ya

其實成套野都好好 但係冇乜好討論