不過咸酸菜炒牛閪要喺廣州先食到，香港都唔係好多哋方有得食到牛閪，所以今次就特登搭左成個幾鐘車嚟到元朗試下「牛四寶」
「牛四寶」其實係牛撚、牛閪、牛波子同牛春袋。(利申可能有啲人唔知)
我哋今次都只係諗住試食，試下呢啲平時咁少食嘅牛部位，不過我望到佢張餐牌我真係打左個凸，大碗都收成$150都算，佢嚟到嗰碗嘢細撚到一個人都唔夠食啦！！我仲以為佢比錯我……佢仲要好似冇比牛閪我哋食，閪呀，我要閪呀！！！
（可能係我哋唔識分）
算，我今次係嚟試味嘅，味道先至係重點！
味道： 牛波子就我覺得最正常，波子就好似平時打邊爐嗰啲雞子咁，不過佢就粉啲，味道上就冇咩特別，都係類似雞子個隻味。佢個汁底都係腩汁啲fd，有試過雞子嘅人就知道咩味咖啦！
春袋既味道同口感都好似牛肚咁，不過佢韌過牛肚好多，咬極都咬唔爛，我寧願食牛肚好過！
牛撚就好似牛筋，不過牛撚個口感就實好多，實到咬唔爛，我就覺得牛撚算係我食過嘅牛部位中最難食嘅一個，基本上我寧願食波子，都唔想再含多次牛條撚。
牛閪呢，佢就好似冇比我，定唔知比我個fd食左，so尻sad！
總括而言，呢幾樣嘢係難食版嘅雞子、牛筋同牛肚……可一不可再。
評分：5/10
價錢：$150
