滑雪疑問

小弟黎緊會滑人生第一次雪 但租裝備上唔太明白
上網睇見佢有幾樣野收錢 但睇左好多遊記都無點講細節

褸～3000yen
板～4000yen
纜車～4000yen

纜車係咪應該一日內任搭？
租左褸 咁護目鏡手套褲果d係咪包埋？
板洗唔洗用特定既鞋先扣得實？定佢又包？

如果想跟教練跟班學
咁仲洗唔洗租以上既野？
仲有無其他額外收費？

請指點迷津
有伸手黨感覺既 我say個sorry先

通常任搭
板+鞋一齊租
衫+褲一齊租
鏡 盔 手套另買
教練唔包裝備 除非間舖有package

我以前手套自己上淘寶買定
租就滑雪衫褲鞋+板 , 都幾貴, 玩左半日都冇就好L攰

其實係咪唔洗頭盔lol

即係要自備手套同鏡？

揸電單車咩
不過戴帽補暖囉

手套自備我就，鏡我之前去果度唔太凍，
用都冇用 ，不過我玩來玩去都係新手場

我去二世古玩個次無頭盔，可能我只玩到中級路線就無時間，唔見有人戴頭盔。
最貼身個d我就買，買埋褲同外套(其實租都得，過左兩年仲未有機會再滑 )，ski就租

唔知佢會唔會洗 咁我預備左手套同鏡先啦
如果跟教練 仲洗唔洗登山？
通常係咪係平地學都學成日
第二日先有得叫滑下

諗緊安排一日定兩日

保護裝備唔慳得 平平地淘寶貨都要買
滑雪都算係高危運動
頭盔平平地2百零蚊都有個
護臀褲都最好著埋
試過無著 撻親美龍骨嗰d陰濕位
坐低訓覺 都會痛 痛左成個星期

我都支持安全第一既

要自備
頭盔 護目鏡 手套 護臀褲（厚d既褲得唔得？）
有無野要補充

眼鏡唔一定要，但如果有落雪/易眼乾就需要
手套必需， 防風手套ok，等你隻手無咁凍，同掂雪都唔凍親。
衫褲唔係必須，有防風外套，加條運動褲就ok
頭盔 必要，防止pk撞到頭

眼鏡唔駛 好天會雪盲,落雪直頭唔駛玩

你究竟有冇滑過咖 咪喺度誤導人

老點

最煩係頭盔 點放下gip

sor可能我本身有眼鏡，所以唔洗。
即使無，都唔一定

滑過既就知，除非落雪。
否則 帶雪鏡既人好少。

今星期初先去輕井澤滑足3日雪
第一日曬左500羊租左無用過

租啦，好平

有得租又唔同講法
其實係咪乜7都有得租

乜天氣都要帶雪鏡啦下
啲雪咁白仲唔好好保護對眼真係雪盲嫁

反而頭盔真係唔係必須，你新手跌到屎忽痛既機會多啲，買個patpat好過

正常係。
-板，鞋
-衫，褲
-頭盔
-手套
-眼鏡
通常咁分，你要咩就租咩

仲有預備定對厚長襪
長襪高過你對鞋
如果玩snowboard對鞋邊會磨小腿肉

我就因為有帶眼鏡會漸變
所以得第一日有租鏡，之後覺得無用，之後幾日都無再租。
頭盔就日日租，因為始終保護個頭。
聽做滑雪場既朋友講好多意外都係撞到個頭，所以廢時省