【落難西環海味店千金】胡定欣頂起頭家十幾年仲儲到1100萬磚頭：踏實靠自己

24 回覆

39 Like 4 Dislike

樓價升升升 2018-12-13 19:37:05

https://nextplus.nextmedia.com/news/ent/20181213/643031
自認生活貼地嘅胡定欣，上星期喺間價錢大眾化嘅傢俬舖，揀平價梳化。佢一向慳自己，但對父母好疏爽；自己租樓住，但就買咗千二呎、市值1100萬嘅靚屋俾父母住，仲話最緊要佢哋住得開心喎。
【一肚戲】《蜘蛛俠︰跳入蜘蛛宇宙》從華為事件看超級英雄價值 (李志宏)

胡定欣咁錫父母，全因睇住屋企環境變化。佢本身家境唔錯，太爺嗰代已經喺西環開海味店，自細瑤柱當零食，食盡鮑參翅肚，仲話成日食根本唔知有幾貴，只知倉入面嘅魚翅好臭。

可惜爸爸02年生意失敗，守唔到祖業，爸爸一向做開生意，從未打過工，人到中年先轉行做司機，胡定欣好心痛。

加上佢覺得自己身為大女，有責任養家，所以一直好緊張份工。入行頭幾年，試過最長半年冇工開，佢覺得自己好冇用。唔想坐以待斃，佢鼓氣勇氣，逐個監製房拍門，當時對住每個監製，自我介紹完之後，就直接話自己冇工開，有乜嘢啱佢，可以搵佢！

幫手撐起頭家十幾年，睇住細佬大學畢業同結婚，自己又做咗視后，一切穩定晒，今年就刻意拍少啲劇，留時間喺外面賺錢，同時可以陪爸爸媽媽去旅行。佢話一向踏實靠自己，遲啲儲到錢希望再買樓收租。

樓價升升升 2018-12-13 20:00:29