呢到講既IG Shop/水貨鋪只限有牌子既鞋或衫既鋪，其他咩化妝品/韓裝之類既唔太有接觸，但我相信只要你肯搵都一定搵到佢地既貨源，從而唔洗俾佢地食一浸。
我會先簡述佢地既大概幾個入貨方法之後再公開近百個外國各大小網店；而絕大部份你都係可以自己去散買唔洗俾人食一浸，又唔洗怕真假問題。記住，果班鋪頭既人其實係無乜技能可言，你上到網就做到。當然，你話你要炒款咁無得講，但你都可以係其他渠道買到平過佢地既貨。
以下就係大概幾個佢地入貨既方向或方法
1.直接係本地鋪拎貨
呢到本地鋪既意思係賣行貨，做代理既鋪頭。佢地會直接以大量既方式同某鋪頭拎折，波鞋街果幾間如Daxxxx 基本上係7折。
至於所謂既後門貨，的確有某啲Manager會直接將成個SKU 俾晒一個人或一間鋪，但咁拎得既多數係食得起貨既人;因為普通自用係無可能做到，最多都係去R下有無Friend 有Staff Discount 之類，所以係呢到唔多作討論。 但係都有個小建議，因為其實好多本地鋪賣緊既款，水貨鋪都有賣，但行貨係賣得平啲；最ON9 既係我真係見到有唔少傻仔走去水貨鋪買貴野，明明波鞋街就有，分分鐘個水貨Sales 都笑你On9。
2.外國鋪/外國網
呢個係玩開鞋或牌子既人都會識既，而細水貨鋪食唔起量，絕大部份都係係呢類型既網站返貨，因為唔同國家未必返一樣既款，
所以可能有d款其他國家先有，而又有明星之類著既，香港未有就會有水位，例子就有兩年前左右既黑白Roshe Run, Hurache 之類公廁鞋。
你買得多，外國網或店既sales man. 有機會主動聯絡你俾折你，癲既直程會俾埋一至兩季後既order form 你落，而我之前主要係係外國網掃鞋，因為好多歐洲鋪減完稅係好平同埋成日做折。
3.大拆家/供貨
呢類貨通常係有個人係某幾間鋪掃晒某對款，之後再放俾水貨鋪。
常見既有門口收排隊款，搵人排隊，外國網或鋪掃晒某款。
通常水位多或當炒既款要確保貨量夠，水貨鋪先會用呢個方法入貨，因為拆會食左一浸。咁當然唔排除間水貨鋪好撚懶9成貨都係同個拆拎。
最好既例子就係Supreme，門市唔會俾你掃晒，所以你可以係門口收或者識左入面個Manager或者有渠道，好似香港果幾個supreme拆, 就可以較大量拎貨
3.1 -facebook group
呢到講既Facebook Group 係近呢幾年先比較多左人用既野，亦有人稱為谷。形成係由一個或幾個鐘意果個牌子或物品既人係Facebook 開一個不公開群組，俾唔同既人係入面買賣果個谷既特定物品；而好多水貨鋪都好鐘意係谷入貨，因為貨源唔少同埋平，我之前都只係係谷賣之後就有水貨鋪掃我d貨，佢對對閒閒地轉個手都執幾舊，當時好似係NMD第一對岩岩出個期。就好似比較多人入既
鞋
Kickz-lab
sswagger
HKSG
Supreme
Supreme HK
supreme sell & trade
當然唔止咁少，而大部份既谷都有幾萬人，而當中亦有好多細貨量既炒家或外國網買返黎Size 唔岩轉售或其他原因而賣貨；而通常係呢類既谷會比出面店面平一截，所以好多水貨鋪都會係呢類Group 入面收鞋再去返自己鋪頭賣。至於點斷定真假，只可以話大部份Group 都有板規，要名連相出Po賣野，個group好多人識睇真假，而大部份Group 一賣假就會踢，所以係入面搵經常買賣既人基本上就無乜問題。
4.比較特別的Outlet
呢個無乜特別，就係有人係outlet狂掃平野，拎返黎香港賣，因為美國既outlet係好平，返到香港有平台放既可以賺幾個開，最好既例子就有某d IG shop賣緊既Tommy, 係外國Outlet可以算係垃圾。 但呢下都幾考眼光，因為大熱款唔會係outlet搵到，就算有都唔會齊碼。
總結：
純粹開呢個Po係貪得意同埋有時見到某d鋪開埋d乜撚特平預訂垃圾牌子就覺得好on9，但其實只要你屋企上到網就可以自己更平去佢同一個貨源買,就算你未夠18歲申請信用卡你都可以用Tag & Go 之類一大堆現成Visa Mastar 卡。你自己買，件貨仲分分鐘快過佢到你手。你去買現貨雖然都係俾人食左截，但起馬都叫有得試下，預訂真係狗也不屌；咁當然有平肯定買平啦，益佢地托咩。當然，有某d貨係出面無晒，咁你又好想要，Group 又搵唔到，咁就真係無辦法。
黎緊之後應該會講下轉運/集運先，之後可能再講下某d網 Block信用卡點處理之類，同埋可能會用下d IG shop 既預訂post黎嘗試搵佢既貨源，再將我之前搵到過既外國網俾大家買，或者大家有咩想問我都可以嘗試解答，但可能我認識既未必係全部，如果有人識呢類既野或補充可以Share 下
補充一點，我係絕對唔會幫你代購幫你買之類
