[代友post]
大家小心比哩個人呃錢!
早係2月底既時候我同朋友都係twitter求防彈飛,一票難求所以都唔介意高價小小買。之後好快就有人黎私訊我叫我加佢line,我就加左之後係line繼續同佢溝通。
而係我個版本入面呢個賣飛既人聲稱自己係韓國人(之後簡稱PIM),通常我地買黃牛都會問攞身分證個d,以防萬一係呃錢都可以攞住佢個身分證追討,而佢好順攤地都比左一張 韓國身分證 既相,韓國passport既相,最後因為佢話自己係韓國不過3月9號會黎香港做野所以我都問左佢攞埋機票證明,而佢都好順攤地比左我。
我見佢都比曬d身分證明文件我,我就無諗多過左錢比佢(5000@兩張飛),我地就約左3月9號下就見面交收。呢個係2月底發生既事。
之後去到3月頭佢每隔幾日就用唔同藉口向我借錢,又話咩朋友要買飛想我幫佢paypal過數$6000,然後又話另一個日本朋友要俾返錢佢但係無friends & family選項所以想借我paypal過一過先,最後佢又話自己爭朋友錢但係個位朋友即日離開香港所以急住要錢。我幾次都拒絕左,心諗我同你又唔熟點解要借俾你,而且paypal個個程序好複雜,有用開paypal既大家都會知道如果佢以「goods & service」轉錢比我佢係可以係90日內取消個轉帳而paypal都係會退錢比佢,今樣我好無保障所以我堅決唔肯借。而佢最後一次問我借錢係3月8號晚,我亦都拒絕左佢就搭我「ok」。
去到3月9號朝早我send左幾條message比佢,去到4:30下就都無覆無睇,我已經心知不妙。雖然由佢問我借錢我已經覺得奇怪,但係我都傻傻地期待世界係有好人(好明顯我係錯)。我約左佢4:30pm,等到5:30pm,一路炸佢line同打line電話比佢都無覆。
之後我問到另一位受害者(簡稱B小姐),我地溝通左一陣之後發現呢個人應該係假扮韓國人。
係佢個版本入面係有兩個人,一個係韓國人係twitter問佢,一個係PIM係line到溝通既而且係入數個個戶口人。詳情我唔清楚但係係呢個版本入面PIM聲稱自己只係幫個韓國frd收數。
問題黎啦:
1)我溝通個個PIM話自己係韓國人而且叫我入去一個叫Dinh C***** M**既戶口
2)B小姐溝通個個都係PIM但係表明自己唔係韓國人,係Dinh C***** M**戶口主人
好明顯呢個人係自編自導自演緊幾角去呃人錢
以下係我地得到既資料,而且包括我地既對話
雖然話多唔多話少唔少,但係俾人呃左大喇喇5000蚊都好甘,如果大家有知道關於呢個人既資料,希望幫幫忙!
