人越大朋友就越少

人越大，身邊的朋友就越來越少
由以前圍埋的5個
變成4個，3個，2個
最後就變成得自己一個
可能大家到了一定年紀
開始為將來打算努力拼搏
可能大家發現大家唔再熟悉
所以慢慢開始不再聯絡
以前打機我地一齊5排(傳說對決)
慢慢變成3排，雙排
最終現在只剩我自己單排
由變來熱熱鬧鬧每日成百個信息的群組
變成了上一個信息是今年2月的新年
眼見大家由熟悉的朋友，慢慢轉變為熟悉的陌生人一樣
有人話朋友可以再識過
我認同，我都好想識多啲新嘅朋友
但慢慢發現，識朋友同識伴侶一樣
唔係你想就可以
以前壓力大透唔氣就send個信息打個電話：
「今晚有無時間陪陪我？」
現在就算有壓力都只可以同自己講：
「你只有你一個，別倒下」
一個靜靜的坐在公園飲罐啤酒
抖一抖，再繼續上路。

雖然可能我地已經回不到曾經那麼熟悉的朋友
但在我心目中你地依然係我最好的朋友

以前聽到新歌又或者有合唱歌想唱
第一時間就問大家幾時得閒唱下歌
但現在
無論係有新歌想唱還是有合唱歌想唱都好
唱嘅都只係得番自己一個

細個果時成日都會聽到
「男/女朋友未必同你一世，朋友就會同你一世」
以前我真心咁樣認為
但人越大就發現
原來就連朋友都未必會同你一世
你地可能會因為小誤會不再維繫
可能會因為對方改變而不再熟悉
又或因為好多的原因而不再聯絡
縱然你有係呢段關係努力付出/修補
但有時候變了就是變了
哪怕曾經你們多熟悉多友好都好
現實就係咁殘酷

明呀
要開始接受朋友其實都唔可能成日陪住自己
約一餐飯人食都難
邊似以前一個電話就出黎呀

一班人嘅好難維繫，有時有啲嘢我唔計較，ng代表人哋都唔計較
反而單獨約嘅十幾年都仲係咁friend

係，有時想見下大家約食飯
呢個唔去果個又唔應咁
就晒時間，到到當日又飛機
慢慢習慣想食飯就自己食
想唱歌就自己唱
想飲酒就自己飲
打機就自己打

少係少 夠用就得

雖然好似講到好灑脫
但有時見到人地一班fd個心真係酸酸地
前排要搬屋，要還原番間屋俾業主
一個人油油，拆床，拆櫃，搬野
搬入嚟係一班人幫手
但搬走就只有一個善後
本身已經個心好酸
最酸嘅係
因為有啲傢私用唔著所以放上fb free俾佢其他人
聯絡好果個人
佢帶住6-7個朋友上嚟搬(床，櫃等等)
期間仲見佢地好開心有講有笑
又話爭佢餐飯今晚請飲酒等等
果下真係心up到一個點

唉, 我中學啲老友都無晒聯絡啦...
反而舊同事都會食下飯
讀書啲友宜真係弱到PK

Know that feel bro

有啲話番工嘅同事都可以做到朋友
但奈何的是我自己幫自己打工
小生意亦沒能力請人
每一日都得自己
飯又自己食
悶就上網睇片

留下一個正皮

樓主我同你唱

雖然唔知大家的遭遇狀況係點
但我希望大家要珍惜你身邊嘅朋友
朋友呢樣野比男女關係更複雜
男女朋友都會因為某啲原因先分開
但朋友可能只係簡單的你忙，你唔搵
咁就會拉遠咗彼此的距離
可能你真係有好多野煩
無時間又忙又東又西
但有時間的話不妨send個信息俾你嘅好朋友
關心一下佢地
要記住，你地維繫到今時今日並不是容易的事
唔好因為啲小問題小事而疏遠你地嘅關係

朋友，是真的要見

同感 我住柴灣 我班Frd係上水 想約會一齊都難

好開心！
好耐無聽過人咁
以前係群到我講句
「兄弟們我搵到首合唱歌想唱」
好快就會有人回覆
「咩歌？我練練先」
「行得，時地人」
「邊個唱？」

多謝你

搵到錢個時 大把朋友

有時我會好傻咁諗
如果我無自己搞生意
我可能都會有啲同事/識到啲同事
又或者
如果唔係自己搞，係同朋友一齊搞可能會好啲
但成日都會聽到話
如果你真係當果個人係朋友，你地就唔好有金錢瓜葛
我承認我好想大家一齊拍住上
但始終錢真係可以令人瘋狂
我好怕失去班朋友

但原來並不是你怕就不會失去

我認同
當你有時錢確實能夠「買」到很多朋友

上次去唱k登記果時終於俾人問我
「今次人數都係1位？」
我只能低頭回應一句
「無朋友就這樣」

如果可以揀，我都想有朋友同我一齊去

其實都已經看開了
雖然唔習慣
但都會自己飲酒自己唱k自己攝自己時間