我係男 今年21歲
同個ex拍咗拖5年,老實講同佢一齊真係唔太開心,好似我包養緊佢咁。乜都係我出錢我買,老馮咁。一早已經想分手,但係我一話分手佢就話自殺,真係逼我硬食架咋喎dllm。
是咁的,我同ex中四開始拍拖,當時我青頭仔一個又想拍下拖,見佢又冧我,咁咪求其同咗佢一齊。我同佢三年前開始long d,我去到外國識咗個女仔,佢係外國大,性格好爽朗,份人又真 ,唔似得依家d女又扮哂斯文咁。佢會講粗口,會睇波 打機,所以同我地成班佬好夾,而佢都成為咗我地圈子入面唯一一個女仔,但大家都只係當佢係兄弟。
認識嘅第一年,我同佢都唔太熟,始終一個圈子入面你會同某一d人熟d。我地成班人每晚都會一齊食飯,有一晚,佢異常地靜,直覺話我知佢唔開心。咁食完飯,大家就各自番屋企。咁我就屎忽痕whatsapp問佢係咪唔開心啦,原來佢同男朋友鬧交,當晚我地喺whatsapp傾到好夜,都慢慢開始熟。
一年後,佢同男朋友分咗手,好記得當日係星期日,佢好唔開心,我知佢好需要人陪,於是我就去咗接佢過黎我到先(因為約咗夜晚喺我屋企食飯)。我地灘喺床傾計,佢講講下講到喊,咁我就攬住佢安慰佢啦,屌,一攬,gg,發現有d鐘意。總之當晚食完飯,我送咗佢番去,仲係佢到過埋夜,但係乜都冇做,只係攬住佢訓咗一晚。嗰一年,有一晚,佢同我表白,而我都承認我對佢都有野。之後一年,我地越行越埋,後期仲上埋床,佢隻豬,就咁比咗我。
當時暑假返香港放假,比我發現我條女(ex)偷食,仲要係洋腸,連菊花都玩埋。
屌,我係外國你不甘寂寞偷食我都明吖,我係你隔離你都咁?仲要食完又食?仲要講分手,鬧番我轉頭話係因為我同外國嗰個咁所以先偷食,大條道理咁。
咁我好撚hurt啦,頹廢咗一個月,外國嗰條女就陪足我一個月,其實冇見面,只係whatsapp,佢每日噓寒問暖,好關心我。係佢扶番我起身,好彩有佢,唔係我自殺死咗。
正當我疊埋心水想同外國嗰個一齊嘅時候,個八婆又走黎求我原諒想同番我一齊,老實講,咁我都有偷食,佢又錯唔曬嘅。但係我又真係唔想再一齊囉,有個好d又夾d嘅係面前,做乜要食回頭草。
好啦,依家佢就日日求我同番佢一齊,而外國嗰個又好撚頹咁因為我甩極都甩唔到個ex。
依家呢,外國嗰個就有咩都收埋唔再講,話怕我煩喎,但明明就頹到仆街係到扮冇野,又話我同ex一齊會開心d叫我唔洗理佢。ex呢,就日9日都話自殺逼我同佢一齊。
問題黎喇,我就點都原諒唔到佢食洋腸,但係咁多年感情又真係唔捨得。另外嗰個就有情有義對我有恩,就算我對佢幾差都不離不棄,又扶番我起身。
你係我,你會點揀。
認真問,唔想一拖二