接觸賭業十幾年，你問我答。

可以用第三方入

見有d gaming it公司都係bvi公司

賭廳?賭場?架構係點?
淨係知以前只有葡京可以賭，後來開放賭牌，有牌先可以開賭場?而家有幾多賭牌?賭場入面個D叫賭廳?
完全未入過賭場

想問下一間賭場一日大概可以賺到幾多錢？
有冇1000萬？

廚房幾大

明白，再次多謝ching賜教

你講緊嘅兩地牌係本身喺香港土生土長定係澳門？
如果係澳門 我諗你班朋友係少數
一來 澳門學校質素參差
好簡單 如果你喺澳門讀小學 想轉去香港升中
基本上係無咩可能 因為兩者程度有距離
除非你係讀聖心 慈幼等澳門名校
咁仲有啲機會
如果係大學的話 一般澳門人都係去大陸/台灣升學
因為有保送 有料嘅就去香港 有錢嘅就去外國
如果你話你班朋友係去咗香港升U
畢業後留返喺香港生活+工作 咁都唔出奇嘅
二來 大部分澳門人都唔適應香港生活節奏
你話間唔中去香港買下GU、無印就無問題
但係叫澳門人去香港做野同生活
我諗佢哋寧願留返喺澳門
得閒出下珠海野好過

想問樓主如果覺得個荷官好旺自己，贏咗錢想比下Tips，有無咩禮貌少少嘅方法，見親啲阿叔都係丟錢過去比個荷官，感覺上好似比乞兒咁。

利申: 唔識做人嘅毒撚，但又知荷官辛苦想比啲Tips

香港人, 係澳門做野3年,
未賭過, 自問成日亂洗錢,
所以千刻萬刻都提自己, 一定唔可以賭

認真講好多野都改唔到，例如作息時間，我都係依家啱啱瞓醒。工作需要成日太陽出嚟先至訓（因為賭客賭鬼老闆們通常都夜瞓）。
另外好多時候出街食飯或者買啲瑣碎野（金額唔過$1000）都唔會睇價錢，因為我做嗰陣賭場只要唔係太過分好多洗費都可以claim公數。

俾多次機會我揀我都會入去做，其實真係好似少林寺木人巷咁（亦都可以話係地獄嘅縮影，人為咗錢真係乜都做得出），喺入邊捱幾年經歷同見識到嘅事在出邊嘅工作一世都見識唔到。

DMT到依家都未有機會食（合法地）

利申：絕對唔鼓勵年輕人吸毒。

其實唔係扮清高，由始至終都冇沉迷過呢啲生活，入行因出於好奇多過羨慕。做呢一行嘅得着就係可以對於人與人之間嘅關係睇得好透。老實講呢個世界真係現實到仆街，如果係因為一起吃喝玩樂而稱兄道弟，細心諗下呢對兄弟入邊又有幾多真兄弟呢。（先唔好討論肯唔肯借錢比你救命呢啲咁尷尬嘅問題，你生日嗰陣日又會有幾多個「兄弟」記得send個message俾你話生日快樂呢？）

都係果句做咗呢行真係好難轉行，人工幾多都係其次，生活模式先至係死穴。

以前旺季（2008-2014附近）我老細都會偏向請男人，因為好多時候請啲女PR，返工唔夠半年就俾個客包左或者溝左甚至娶埋。搞到我差唔多個個月都要interview新PR。

而家都21世紀啦，男女平等，好多女公關都可以（唔介意）帶老細去桑拿夜總會。

好多時候你睇人好，人睇你好，人哋之前付出過幾多努力，今日每日瞓醒又有幾多壓力，真係得佢本人自己先知。

如果想識賭業嘅人有冇計 就咁交個朋友想知多啲

多謝推薦，我會留意吓John Rawls。

我自己都好鍾意MS呢個哈佛教授嘅書，佢嗰三本我都有睇晒。喺呢度再三呼籲後生仔與其沉迷賭博，不如先睇吓Michael Sandel的書。

唔好教人賭錢啦巴打，分分鐘害死人。

而家 何家係澳門影響力係咪細左

多謝巴打支持，都係嗰句，好多時候人睇你好，你睇人好。

Poker 係咪長期有職業player等水魚
賭場唔會理？

呢樣我就唔知，不過以前做嘢啲公司真係好缺一啲有料嘅IT人就真，當然有料無料我都唔識分啦。

例如有咩經歷

多謝巴打幫忙解答。希望可以教埋我哋到底自動輪盤同自動骰寶背後可唔可以用電腦控制結果。例如我想呢一鋪443，11點大就大，我想下舖輪盤開0就0。（我嘅意思唔係話做手腳出千，而係結果已經係電腦preset，只不過由動畫變成真實motion令你覺得好似同真人賭檯一樣）。

認真我會考慮開個ig賺下sauna啲傭金都好，我上邊都提議過幾間。