係咪真係咁多人「係」「喺」不分？

你態度好少少我會串你？

有

果果果真係戇鳩到震

唔知點解依一年先有依個現象，以前從未見過人分唔到

係呢幾年都噉樣
學校冇教過嘅咩？

我就從來都會將「正字」掛喺口邊嘅，我話將唔該寫做吾該貼喺門前失禮，亦唔關呢個係唔係追本溯源上嘅「正字」事（記得睇過一說「吾」係「不」音之省）。只係起碼「唔」「吾」之間，解作「不」時，用「唔」肯定比「吾」恰當。1976 年初版嘅《中華新字典》：



又，假如我見到有人寫墜胎，我都知道佢係想寫墮胎，因為有前文後理，我亦唔會屌鳩人，但唔代表呢件事係啱嘅，亦唔代表討論墮墜之辨係冇意思。

係唔係正字其實真係咁緊要？我地一般屌嘅5p字係會嚴重妨礙我地對句嘢嘅理解，同埋5p字有佢本身嘅意思而且好常用（系統，岩石，甘蔗等等）。而「喺」「噉」依啲字完全唔常用，正常掉亂用我唔覺得會影響到理解。另外堅持用正字其中一個意義係因為文字結構本身係有意思，可能我學識少，我睇唔到點解個「係」字多咗個口就會係結構上生成唔同嘅意思。就算佢的確係有意思，咁點解唔可以約定俗成地將個「喺」嘅意思放入「係」字到？一字多意囉，依家好多常用一字多意嘅字本身都有另一個正字但慢慢人用慣就變同一個字架啦。

一個 post 係咪只可以屌一樣嘢？
一齊屌係咪唔得？

同埋你真係要人畫公仔畫出腸㗎喎

話睇得明就唔會屌鳩人嗰啲
到時成個香港都係蝗語同改到我哋用嘅語言亂哂你仲睇得明，千其咪屌人

SPIN去其他語言
你噉講不如屌哂上面睇得明我個 post 嘅人啦

係 喺 兩個意思原來一樣
真係學到嘢

啱，撐呢個 post 嘅人全部都係垃圾

呢度咁多垃圾，你哋最好退出連登無謂嘥自己時間啦

自己睇唔明就話人 SPIN 嚟 SPIN 去

「係(hai6)」解作「是」係粵語用法，但呢個用用法係嚟自古漢語，有讀過下文言文都應該會知。

至於「喺(hai2)」嘅讀音同用法（解作「在」）則同古漢語無關．佢可以話係本無其字（或本字被遺忘）而後人另造新字代表，方法係粵人常用嘅加口旁表示粵語用字。

所以，你話「睇唔到點解個『係』字多咗個口就會係結構上生成唔同嘅意思」，其實亦不盡然，因為個口旁正正就代表咗呢個字嘅特殊性，佢同原本嘅「係」冇關，而係一個形聲字。好似「油」字而家嘅解法雖然同佢形聲偏旁「由」冇乜關係，但你唔能夠話「睇唔到點解個由字加多咗個水就係（喺？）結構上生成唔同嘅意思」。

呢個分法亦都唔係話近十年八年出現，1877年嘅文獻已有：



至於你最後話，可唔可以約定俗成，咁就要睇下嗰啲喺係不分嘅人有幾大 Power 嘞。留意喎，而家個現狀唔係（或唔單止係）將喺寫做係，而係又有啲係將係寫做喺，即係「佢係男人」可以寫成「佢喺男人」，「你唔係人」可以變成「你唔喺人」（或「你吾喺人」）。

其實你話將將「約定俗成」為係呢個諗法，或者已經過時，因為可能都有唔少人會想將「係」同「喺」約定俗成為「系」。

好難打

佢加個口字部就已經係話左畀人知

起屋

我由頭到尾都係屌緊「香港人搞亂哂自己嘅語言仲覺得冇問題」
蝗語係其中一樣先一齊屌

我開口埋口都提蝗語係你哋連自己語言亂咁改都冇所謂
遲啲俾強國同化哂你哋一樣冇所謂

你就真係要我畫出腸

同埋我邊句話過你撐蝗語？
你係咪思覺失調？

我明你嘅意思，而我之所以認為「係」「喺」可以約定俗成做同一個字原因係依兩個字除咗本意之後冇其他意思，而且唔常用，唔會妨礙到理解所以變成同一個字都冇問題。而「系」有問題係因為系有佢有多個唔同意思而且常用，好容易令人誤解，可能要睇下前文後理先知佢講咩。可能因為我自己唔係正字撚，掉轉用「係」「喺」唔需要諗都知佢想講咩唔會有誤解。

我係話緊你噉樣即係對正字改成點都所謂
就算好似上面張海報要見人嘅都一樣唔覺大問題

係咪真係要我講到出面