「古惑仔」漫畫暨金句討論 （5）

陳浩南真真面目

巴打有牛佬九成功力

看！陳浩南連自己也想殺！
道你蔣天生殺弟 丁瑤殺子
你比得上陳浩南嗎
這才是真正的江湖大鱷

明眼人都知粉南係為咗攬哂啲嘢上身先爭龍頭，牛佬你寫到佢幾奸都呃唔到人啦

其實黃力點死 唔記得左

俾個道友揸刀插死

走咗去荷蘭喎

韓賓坐正嗰陣好似搵過佢一次

邊集講

要搵，遲啲答

好耐啦 果陣好似同東英嘈 無啦啦整隻道友出黎收黃力
跟住隻道友死埋 牛佬應該覺得寫到個道友好精彩

牛佬唔係話韓賓有一對仔女咩？
又唔記呢個人設？

黃力呢d 配角寫得仲好過班二代
但就死Q左

黃力當時係最受歡迎，講緊係大部分人都支持佢做新一代主角，到佢一死咗，當年個非官方facebook group大部分人都cut晒書，同時間牛撚開咗官方facebook group同fans club充斥戇鳩仔刷鞋+吹奏舊劇情，(印象中)然後牛撚嘅"創作"方向就全部非常明確&單純地翻炒舊人舊事，復活立花，山寨火石洲，愈嚟愈戇鳩

1980

記錯咗，黃力死嗰時立花已經復活

黃力死都係呢一年既事姐

二代寫得最似古惑仔 啊生滋又係反而先收佢皮

生滋的確係二代中最過癮
不過佢同細飛都係早D死好過, 你睇下淨底嗰班二代 廢撚到唔恨

開到第五個post 好似從來都冇一句係讚 (宜家既劇情) 牛撚真係檢討下啦

金句先係主菜
果幾十頁公仔係贈品

買返黎係睇金句同封面
果幾十頁公司同牛佬廢話係贈品

本期重點：韓賓近身公子俊係大宅加強保安，但韓賓絲毫不擔心個人安危，佢只想將爭龍頭位嘅事徹底解決。

十三妹刻意作女性打扮，招呼賓客，盡顯洪興第一夫人氣派

大飛同火柴向二代說教，但梁家仁同綠帽武聽唔入耳，赫然發現有一神秘大漢⋯

陳浩南係近身簇擁下進場，展現教父氣場，不怒而威、英姿颯爽

十三妹與陳浩南寒暄，爭鋒相對、陳浩南表示龍頭位志在必得、並唔會重覆犯上當年嘅錯誤

韓賓坐上金雕玉砌嘅龍座，背後掛住上一代江湖巨人蔣天生嘅照片。用意陳浩南念住昔日蔣天生嘅恩惠、唔好以下犯上，擾亂社團秩序

陳浩南當眾表示要拉韓賓下台其實唔難⋯

今期得尾個幾頁先入主題，陳浩南就算爭贏龍頭都會去坐監一百年，坐完出嚟都百幾歲，咁有咩意思。二代繼續以奶媽南馬首是瞻，成唔到大器，浪費曬角色。

牛佬吹噓話下期相當肉緊，及百戰話當年畫冊設計緊，死忠們要多買幾本珍藏，睬佢都戇鳩鳩

韓賓屋企成個足球場咁大