美式大門鎖 鎖舌卡住

自己DIY換完個鎖膽後發現個鎖舌有啲鬆，有機會關門大力小小震一震就移位比個框頂住導致伸唔出。

請問個鎖舌有小小虛位是否正常？定係安裝個鎖/鎖舌嘅時候出咗問題？

正常時候個鎖舌好直


有時關門震一震佢就會斜咗


我暫時諗到嘅解決辨法係用挫挫大個框口左邊，等佢就算移位都伸得出，大家有無更好嘅建議？

將左邊鐵框打凹少少（大約1mm) , 令到條鎖舌無辦法會去左佢後面。

即係將個框口嘅左手邊再向左邊打凹？

唔係，直接向入打

但係我裝個框嘅時候已經裝到貼住個鎖了，而個鎖舌收埋嘅時候剛剛好同鎖舌嘅窿平排無突出的，將個框向入打好似行唔通

但睇你第2幅圖，似係鎖舌有少少入左框後面，先搞到伸唔出？

的確係收咗係框嘅係面，但因為鎖舌個窿係好似”凸”字形咁，下半部份比個框闊，所以佢會有機會向左斜咗小小。

我唔記得影入面個窿嘅相，唔知你明唔明

我明，大部分都咁設計，唔會有利邊。
根據而家睇到既野，我仍然覺得打凹左邊框會係最簡單做法。當然你都可以試下磨大個口佢，但不銹鋼好q硬，無打磨機既話唔係咁易磨

明白，我呢兩日再研究下或者影多啲相再睇下有無其他方法先，唔該晒