鋼琴教學 你問我答 (3)

有見上年開POST 1,2 有唔少巴絲想知好多關於學鋼琴既問題
近排又稍為少返啲野做就決定再開第二次,
希望可以幫到更多對鋼琴有興趣既巴絲學得更順彈琴彈得更開心

往年開POST之後我都發現原來呢度好多巴絲都係教緊琴甚至讀緊音樂
但往往有基本問題都搵唔到人問或者怕羞唔敢問
今次呢個POST我仍然會嘗試解答同分享下學琴教琴經常遇到既問題
由於我自己對流行曲方面冇乜研究, 所以都係會集中傾古典方面

另外介紹下我自己本人先

近年國際賽事中得獎:
德國歐米勒國際鋼琴公開賽貝多芬公開組第二名 (2013)
亞太青少年鋼琴公開賽貝多芬奏鳴曲組及德布西組第一名 (2013)
李斯特紀念獎國際鋼琴公開賽李斯特匈牙利舞曲組第一名 (2014)
蕭邦紀念獎國際鋼琴公開賽公開組第三名 (2015)
The 8th International Music Competition Amigdala Hong Kong Region in Professional Piano Category 第二名 (2018)


近期與EduHK Orchestra係荃灣大會堂演出拉赫瑪尼諾夫第二鋼琴協奏曲
https://www.youtube.com/watch?v=HfQ7VrjIJbU
有興趣可聽下

如果有巴絲想私人同我傾可以係TELEGRAM問我
TG: kesper0

依家廿歲中，未學過，對鋼琴同睇譜0認識，但好有興趣想學，怕手指太生硬彈唔好，學之前有冇啲準備功夫可以自己得閒練下，等啲手指靈活啲？
主要學琴都係想彈流行曲為主，我知一開始係要學古典音樂，我應該去邊啲地方學？私人定通利果啲？我有睇過一啲私人招生，好多都係以學考試曲目為主
同埋屋企冇琴，淨係靠每星期一堂係咪好難學得好？

其實你覺得香港主流學琴學classical果種係咪太忽略聽覺？EG 唔識作曲 唔識play by ear 唔識配chord 唔識improvise

以前貝多芬 蕭邦 莫札特 都成日即興...？而家一年練三首就八級..？

學琴唔需要準備功夫，直接開始學慢慢手指就會靈活
我自己好少教彈流行曲，但彈簡單既流行曲唔一定要有古典根基
當然有會令你彈進階少少既有好大幫助
大部份情況如果想認真學跟私人老師會比琴行好
因為琴行要同老細分帳，好多老師教下教下都會熱情減卻，人工唔高可能教教下會無心機
冇琴初期最好去租琴房練習，學兩三年之前最好可以係屋企買到琴練習，會對學習效率有好大提升

係，始終香港文化係功利行先考試為重
作曲對彈奏其實有好大幫助，會令你更加明白古時作曲家點樣作首曲出黎
進而深入知道作曲家既意圖，對表達有非常大幫助
配CHORD、即興亦都一樣，你彈緊任何古典樂曲果陣，如果諗多啲唔同樂句發展既可能性，就會更加明白某些moment既感動、可貴之處

好正啊rach piano concerto no2 用左幾耐時間練呢首同覺得邊part最難

如果直身琴你推薦邊款 10萬樓下 想聲實啲同琴鍵有啲重量練到力既 kawai k8點睇？

彈就第三樂章, 夾就第二樂章難
第三樂章快既樂段做到發音清楚好考功夫去慢練

w.hoffmann 唔錯, 歐洲琴, 音色變化比較明顯
而家yamaha質量真係偏差, 而且通利賣食水太深
kawai我就不嬲覺得音色變化唔夠
不過如果你屋企偏潮濕或者唔開抽濕機就最好買返呢兩隻牌子
以上純個人意見

想練好基本功可以由邊度開始 又應該點練呢？

你大約咩程度?

呢家邊間大學讀音樂最好 APA除外

大概8級 但係一直都係彈考試歌
而家發現基本功差到

各有特色
中大比較重學術, 浸大學術、practical較平均, 港大唔太清楚, 教大重中小學教學、音樂行政
係我識既朋友入面, 四間都出過好出色既musician
所以你想要去到幾高程度, 最重要係睇你自唔自律

你係老師只教你考試歌定你自己要求?
只彈考試歌真係一個好大既問題
基本功主要關係到你對唔同樂曲理解程度
你知道樂曲需要啲乜, 你先會知道你需要咩類型練習
舉例你要彈一首romantic慢板抒情小品,
最基本功可能係需要分析樂句, 設計(小)樂句與(大)樂段關係,
知道legato意思唔止係連咁簡單, 仲涉及到慢速既落音同埋音與音之間重疊
相對手指靈活度係呢個情況就無咁重要

鋼琴基本功真係千變萬化, 好多人視手指靈活、姿勢等係基本功, 先練呢啲再練歌其實係本末倒置

星期四有冇去聽daniil

見過好多只學pop既人彈法都好有問題 連最基本既自然動作起手都未做到
以為禁到個音出黎同練得順就話彈琴易

巴打段片好j

我個人唔太鍾意佢既演譯方式所以冇去聽, 不過佢彈得唔錯既

急於求成同埋好易驕傲係香港人通病黎
如果學pop到咁上下點都多多少少會接觸到古典同jazz

點樣無時無刻個拍子都好準？
力度 左右手大細平衡點樣易諗啲

1. 要識數beat, 1n 2n / 1 ed ti ta 2 ed ti ta 等等, 培養自己就算彈緊都要大聲數到出黎
2. 要清楚記得休止符既時值, 特別係一啲正拍出現既rest我通常會"NG"一下feel個rest為節奏帶黎既影響
3. 多用拍子機

你意思係你覺得做大細聲有困難, 定諗唔通點樣設計大細聲?