我講一次我個case啦
唔介意文長 就睇啦
前三星期用連登巴打整既交友app,識左個女仔。
開頭對佢冇乜太大感覺,之後就好普通咁日常傾下計咁。
傾左幾日之後佢問我轉唔轉tg傾,跟住我地就交換左tg傾。
係tg傾傾下佢開始send錄音俾我聽,咁我又錄番音俾佢,跟住佢忽然讚我話我把聲好好聽。果刻我好似心動左
我有問過佢,有冇鐘意既人,佢話有個鐘意既人之前係另一個交友app識左一年,佢鐘意條仔,但條仔唔鐘意佢,條仔仲要同我住同一區,所以佢先會知道我平時跑步跑邊。
跟住佢又話依家都諗住同果個男仔斷絕來往
之後我地慢慢傾左好多生活、價值觀既野,又講番雙方以前減肥,性格好毒既野
之後發現原來大家都係a0
跟住佢突然問我換唔換相,咁我換左
之後雙方都仲有傾計 冇話淡左想fade out段對話
再之後佢話佢部電話好舊,用tg會成日crush
咁我地又換埋snapchat開始儲火,頭兩三日仲互send自拍相俾大家(不過都有可能佢係唔只send俾我一個人)
但到第4,5日唔知係佢忙定係snapchat個文化問題,雖然佢一得閒就覆,感覺我地講既野都冇之前咁深入同埋好似hea左咁
咁我就諗住試下約佢食飯,但佢就回左我:遲下先
我再問佢係咪好忙,佢答我話11月好忙好多lab做
之後兩日回覆頻率冇變,但感覺hea左
其實佢究竟點諗?其實食個飯要幾多時間,但唔鐘意點解又要咁樣覆
我有諗過問佢轉唔轉whatsapp傾,但又怕佢唔鐘意snapchat同whatsapp兩邊走,因為試過tg同snapchat兩邊傾真係好怪,好似同緊兩個人傾計咁
但問題係感覺snapchat永遠傾唔到深入野,做唔到了解對方多d
仲有發現佢snapchat好高分,應該唔只淨同我一個人儲火,我諗都仲有3,4個人,唉
我有諗過繼續傾下,如果12月都約唔到佢,就直接收皮算