[法律JJ入] 交通意外賠償問題

屋企人上年4月畀一架的士累炒咗
法庭已經判咗的士司機危險駕駛
當時公立醫院醫生比咗十個月假期

已經畀咗月入30K 證明文件 同埋一啲公立醫院收費嘅單據 畀曬律師 開波做嘢

律師尋日打返過嚟通知對方保險公司賠20萬

如果照計月入三萬成分十個月最少起跳都30萬 都仲未計你身體損傷同其他後遺嘅傷患

想問下各位巴打點睇 因為問過律師佢話如果唔接受嘅話可能要再等 時間唔清楚 對方保險公司加幾多亦都唔清楚

首先你要知道你可以追d咩先

1. 審訊前的收入損失，純計數，意外前一年起計平均日薪，乘返假紙日數再乘1.05計埋mpf

2. 工作能力損失，如果傷得重既，好返之後係勞動市場對比其他健康既人會有較高風險俾人炒，咁都會有賠償既，通常可考慮3至12個月月薪，要睇返醫療報告

3. 未來收入損失，如果好返之後做唔返意外前既工作而搵少左錢，咁可以追討2者差距，追到幾耐要睇傷成點同埋年齡

4. 實報實銷，睇醫生，去睇醫生既交通費，補品，整車等等

5. 痛苦損失，睇傷勢再夾案例，由拗柴撞傷既幾萬蚊到癱左既百幾二百萬

呢d比較大路，當然仲有d少見既項目，要睇返你個case係點

程序

判左對方老不後，交料俾律師，律師再去各部門進一步拎文件，口供，醫療紀錄，收入證明等等

齊料就出信俾對方同對方保險傾，傾完冇結果就出告票

出完告票你既律師會有好多文件處理，例如狀紙，證人口供，可能會有專家報告，成個程序快既年鬆d可以排期，耐既2,3年唔奇，審完等官判

由出第一封信至到審前都可傾和解，至於幾時傾得埋冇人知，正如我唔知你諗咩，你又唔知我諗咩一樣。同樣地，對家出幾錢和解又係唔知，道理同上

仲想知d咩就再問，除左水晶球先答到你既野，我相信我都答到你

最緊要睇你屋企人幾多歲。 後生就可以R多D， 6/70就R唔到幾多啦。

同埋斷手斷腳呢D就無得老作既， 係就係， 唔係就唔係。 但係頭痛呀， 腰骨痛呀呢D就好難證明囉。 你話夜晚訓唔著咁唔通佢又真係搵人陪訓咩。

佢開20， 你還佢300， 我睇點都可以100-200 成交。

我之前單野，判左對方不小心駕駛。我當時只係拎左4日假，去左睇一次精神科醫生（當時失眠），人工$25k, 咁就賠左4萬。

你咁先20萬好似唔夠多啵

咪撚亂吹，對家俾左個合理offer你唔收，審完對方bid到條數你就仆街

without prejudice 啦
人地律師收你錢識做野架啦

Beat到個WP offer一樣要賠cost

以為up得出wp就當自己識litigation?

咁叫佢收人個20萬算數囉， 仲教佢咁多做乜啫。 千奇唔好同對家保險公司拗呀， 人地保險公司財雄勢大。

幫/教人都要講得正確先得ga

有冇叫你律師寫份advice 比你呀
呢度既人唔會有料係手，亦唔知你打到邊，咁點計je？

文件都未睇過就鳩up一個數叫人俾offer係一個極度不負責任既做法，跑馬都要睇馬報啦大佬

請問係自己搵律師定點

同埋想問下搵律師大概幾錢架有無話

律師費用係對家保險公司比
你唔洗理

你成功claim到又冇adverse costs order就係喀，唔好講到咁老定，打得官司就有訴訟風險

如果月入30k賠足俾你，你咪好爽，你公司又有4/5糧出俾你
會唔會係因為呢個原因所以賠得少？

咩係adverse costs order?
如果單cast自己係岩曬點解要搶心訴訟風險
想學野

搵律師搞啦
律師會教你搞架啦

好補充下先

月入30k 同公司掛鉤工作要開工先會出糧
屋企人啱啱60歲 傷勢係右腳大髀 腫曬 有瘀血 公立醫院醫生話 等佢自然消腫 一等就等咗十個月 中途有做物理治療

啱啱已經打咗畀律師再講 佢話因為對方已經出咗20萬 我還價50萬 佢就話 50萬嘅話對方就一定會上法庭打 佢話而且有風險 萬一輸咗我哋係需要畀番對方律師費

你鐘意就留個contact再講，因為計數前要睇好多野，唔係3幾句就下到定論

20萬

呢類案件，被告方好多時都會俾offer去和解
簡單咁講，如果對方開10萬咁計，你唔收照去審，審完判出黎係9萬既，你就會輸律師費
原因係因為對方已經俾左個合理和解條件俾你，因為原告不合理地繼續訴訟，結果訴訟雙方係和解條款出台後所引致既律師費都係不必要既，所以原告會被罰律師費

另外仲有好多其他野，包括訴訟期間既不合作或不合理行為，或者輸左一d中期申請