召集滿佈暗瘡印、凹凸洞的臉孔

見到隔離開左個暗瘡post
見到好手痕 所以開番個post講暗瘡印
如果你地有任何問題 有需要既話我會直接建議產品 因為果啲都係我走過爛臉同去印道路既好朋友，或者你提出產品我地一齊討論 廢事又咩tg又盛


形成暗瘡印
暗瘡印之所以形成就係因為你睇佢唔順眼，然後你多手吱佢既時候，誤傷左真皮層，皮膚就會由增生既血管、真皮纖維細胞等組成再生。當你粒暗瘡消左，但係你傷口增生既血管需要時間修復，而呢段未平復而且修復緊既期間就係暗瘡印，所以係紅色既，如果你無做防曬就會有色素沉澱變成更加礙眼既灰黑色暗瘡印。



形成凹凸洞
疤痕分為表淺性、萎縮性、肥厚性，及增生性。
當你真係吱得太嚴重 或者同一位置多次復發你又吱佢呢，就會傷害你既真皮層，然後就發炎同時都流失好多真皮層入面既膠原蛋白，咁皮膚就會凹落去，因為無左膠原蛋白做支撐，更甚可能會纖維化，咁就好難醫喇，所以千其唔好自己吱。
所謂凹凸洞，講完凹緊係有凸啦，凸即是增生性同肥厚性疤痕。凸呢即係你處理暗瘡傷口既時候唔好，成日多手摸或者成日搣，可能細菌感染變增生性疤痕。亦都可能係因為你體質決定你既疤痕係凹定係凸。講完又講，當你嚴重地傷及真皮層既時候，你既皮膚癒合期間，纖維母細胞就會增生，繼而打破皮膚原有膠原蛋白的排列組合，然後形成疤痕。傷口即係比你吱到損曬既暗瘡，如果淨係吱損表皮既話，你好彩你去睇去暗瘡印方法就得，如果你傷及愈深既真皮層你既凹凸洞就會愈凹同愈凸。

去暗瘡印方法
1. 飲多啲水 我係極度唔鐘意飲水既人 對於我黎講其實係灌水 成人既飲水量大概係1.5L 即係 體重(kg)乘以30=ml 以我為例就係50x30=1500ml
2. 早訓 11點前身體會幫你修復
3. 適當地搽美白產品 例如美白精華...... 美白產品要係夜晚用 因為美白產品入面有果酸 而果酸具吸光性所以日頭搽就會適得其反，都係留番夜晚搽啦。
4. 食多啲維他命c含量既食物 我隔離屋陳師奶都知維他命c可以美白啦 所以食多啲係無壞架 但係都唔好食太多 吸收太多維他命c而無足夠既水 有可能生結石。
去凹凸洞方法
如果你既凹凸洞呈現淺紅或者鮮紅色，即係你既凹凸洞仲好新鮮，意思仲有得救，參考上面去暗瘡印方法，或者下面去暗瘡印產品。如果係皮膚原本顏色或者黑色可能已經無得救，要去做激光，或者等新陳代謝。

預防暗瘡印
1. 唔好吱暗瘡
2. 預防暗瘡(睇番隔離post)

去暗瘡印產品
The ordinary-Niacinamide 10% + Zinc 1% 30ml
The ordinary-lactic acid5% or 10%
Dermacept- 維他命c美白精華
任何保濕美白mask
Miya’s work-薰衣草啫喱凍膜
Dr.wu-杏件酸(注意保濕)
LA ROCHE POSAY-cicaplast baume B5
****未提及到既其他產品 可能係因為我記性差 歡迎講出黎一齊討論
去印都唔係一朝一夕既事 所以暗瘡印係會隨住時間既流逝。

洞深或淺，激光後最好既效果係咪都差唔好？

其實你好難判斷每一個暗瘡印既深淺程度
激光係用唔同波長針對你各種印同洞
但係你射緊啲深層啲既印 又突然射啲淺層啲既印
咁好大可能做成傷害 到時變成永久性疤痕你做乜都無用
其實你可以去做果酸 速度會慢 但係比較安全 同時都好有效

但聽你講我應該過左淺紅個段時間，做果酸對凹凸洞仲有用？

始終我唔知你有幾嚴重
如果你全臉既印都已經變成同一個階段既洞 都已經最後階段先可以做激光 因為較小存在因使用同一波長既激光而灼傷既可能性
如果有暗瘡印加洞 就可以試海藻植針 我眉心有啲洞 加有啲不同時期既暗瘡印 所以我都做左海藻植針兩次 就已經好左好多

樓主係咪肌斷食既支持者？我而家開始日日清水洗面後唔搽野，但因為rosasea關係日日搽elta mb物理性防曬，所以晚晚都要用落妝油 會唔會對皮膚唔好？或者用食用花生油落妝會唔會好啲？謝

我又唔係絕對肌斷食既 我朝早淨係用清水洗臉 比皮膚搵番自己機制釋出適當既油分 到夜晚我就用洗臉奶洗臉 用toner 加lactic acid同b3精華就訓

落妝問題
我以前用shu既落妝油 我深信係呢隻油唔適合我令我爛臉
因為你要乳化得好徹底 入面有種成分叫silicone 佢能夠為好既肌膚起一個道屏障 但係對暗瘡肌就係封鎖 所以睇你膚質用唔用到 你而加可能話開心使用中 但係用多一排因爲佢啲silicone封住有污漕野毛孔 到咁上下就會變暗粒 受細菌感染就變暗瘡 可能會到爛臉既地步

我都有曾經用過生油 因為佢入面成分單純 但人地無諗過我會攞黎落妝 所以你點做乳化 帶走彩妝？所以你只可以攞黎落眼妝 底妝就免喇

我而加就眼唇用油 底妝用水 但其實水唔會無端端落到你油溶性既妝 所以佢入面既成分係好複雜同傷皮膚 不過無辦法 所以我而加化底妝方法都轉左 只係用遮瑕膏同粉餅 好隆重場合先用粉底液

笑而不語

A酸救唔救到暗瘡印 我啲紅印好耐都唔退

其實A酸即係高濃度維他命A
會提升骨膠原增生 不過side effect 就係傷肝同皮膚好乾
同埋又貴
我之前呢就用the ordinary 既乳酸 同b3精華 一方面控油控痘 一方面保濕同幫助腿走死皮
我油性皮膚所以日日用 一日用一次 只可以夜晚用
乾性就用兩日停一日 b3精華就唔洗停日日都用得
之外我搵到一間本地賣自然皀既地方 佢那薰衣草啫喱真係好有效 敷左一個禮拜就降紅 都有明顯小左印 價錢中等
叫Miya’s work

Help！！！絲打宜家用咩卸妝

樓主建議啲產品多數邊到買到
利申我個臉成個月球表面咁

卸妝水
早一個月用garnier 卸完唔乾 落得乾淨
但係已經搵唔到邊到買
而加用biefasta 3款卸妝水都無分別
求其簡
眼唇就用油

去暗瘡印產品
The ordinary-Niacinamide 10% + Zinc 1% 30ml (ASOS, lookfanstastic, 旺角格仔鋪都有)
The ordinary-lactic acid5% or 10%(同上)
Dermacept- 維他命c美白精華(萬寧)
任何保濕美白mask (我用ray 萬寧有得買)
Miya’s work-薰衣草啫喱凍膜(ig shop-Miya’s work)
Dr.wu-杏件酸(注意保濕)(萬寧)
LA ROCHE POSAY-cicaplast baume B5(萬寧 Watson’s)

如果你係凹凸洞仲要係長年仲要全部都腿曬色
咁只可以去做果酸同海藻殖針果類

醫學上凹凸洞有用既得激光

利申: mbbs student

我有凹凸洞過 但係灼傷過仲衰過未做
所以先同其他人講唔好亂做激光
我兩頰上有唔同時期既凹凸洞
只用同一波長既激光 所以就灼傷左
我個醫生話 無信心美容院幫你用適合既波長既激光寧願唔好做
除非所有凹凸洞都係退曬色 如果唔係我都唔會建議人地做
我1999 上面句如果應該轉做除非 sor

所以激光一定係搵皮膚科專科醫生做
唔係皮膚科文憑/美容師

你搵美容師做咁當然拎自己塊面較飛

皮膚科文憑醫生*

皮膚差到飛起 搞到個人好無自信...
印係咪茶野都會好 凹洞係咪救唔番..

下巴生瘡點搞?

印就普遍做果酸呢d促進身陳代謝既方法
洞就一定靠激光 仲要搵皮膚科專科醫生做

搵邊個做靠自己試
但一定唔好搵皮膚科文憑醫生 / 美容院做

紅印果d茶野係咪無作用？最近買左d貴嘅野黎茶
洞自己會唔會自然好番？