一人N個令塊臉變乾淨既知識

咁有咩解決方法

呢排開始用dermacept維他命c酵素洗顏粉洗面，本身塊面都叫平滑，只係有印同間唔中暗瘡，但用完之後咀邊同下巴狂起粒粒(暗粒同白頭)。跟住我有敷白泥，勤力做清潔，但未有改善。白頭聽人講唔應該自己拮爆佢，咁係咪我繼續清潔/用酸就得？我爆粒粒係隻洗顔粉令到我爆發期，定係我敏感唔啱用？

茶樹油既toner都唔好用？
仲諗住啱暗瘡肌
我有Latic acid同b5 係咪就咁搽面就得？
同埋之前睇個youtuber介紹買左Paula’s choice呢枝

想問下四環黴素有冇得自己買
300mg

睇過中醫 佢話我可能對某啲食物敏感

最重要係阿媽陀緊你個陣
天生既 後天我就唔知啦 唔使點搞

上網睇有啲人話係d底層污糟野迫出黎
如果係咁我皮膚都幾污糟 平時無留意
而加起碼3,4粒白頭 好多細粉刺想死

怕係敏感 但又無泛紅同腫 會停用一排

呢枝都ok不過冬天可能有啲乾
要搽lactic acid先之後先好搽b5
茶樹油toner你無敏感就ok 用棉抹全面當清潔
唔好自己用茶樹油稀釋做爽膚水

我係IPSA check過2次都係話中性lol

我已經介左牛奶 飲豆奶
但係可能有啲朱古力 蛋糕嗰啲入面有牛奶 有食完塊面就又痕又撻撻
食完牛肉又係會既刻黎料

你有暗粒就已經唔係中性啦
你幾時去check啊 可能你check果陣係無任何皮膚問題咪中性
膚質係會變架嘛

男定女 係咪荷爾蒙失調？

女呀
由中學開始已經成面好紅同好多暗粒
以為青春期過左就會皮膚好
而家廿歲都仲係一樣
之前有去做過激光去印同去紅好左一排
之後又回復原狀
好羨慕啲人亂食野又夜訓 皮膚一啲瑕疵都無

M準唔準？我之前好多粒粒就係荷爾蒙失調 睇西醫食藥好番 不過仲有好多印

其實朝早用唔用洗面產品係因人而已
對於乾性皮膚而言，皮膚本身無分泌咁多油脂
只要你用的產品唔係太多增稠各式乳化或者質地改變劑 (你選擇產品要自己比少少心機)
基本上唔用洗面產品係可以
但對於油肌黎講，真係去到成面油用Cleansing Product係無問題
當然 長期不斷用高濃度SLS或者皂化而成的清潔產品對皮膚的傷害就自己睇路

仲有就係，有嚴重問題就應該睇醫生先
護膚品的定位應該係醫生的輔助或者術後護理
的確無產品係可以強過內服A酸 (暗瘡)
有部分人食完A酸什至一般人可能會生返幾粒瘡 (唔定期) 或者 過乾
咁樣抗痘護膚品同保濕產品先有用武之地

至於油肌用唔用得oil free product
就要睇下oil free definition
一般黎講坊間講的oil free都係用silicon或者部分可以標示無油的合成脂
呢類合成脂一般清爽但唔代表唔會爆瘡 呢到講的爆瘡唔係講用silicon/合成脂就會爆瘡喧解
但有部分油性皮膚可能因為以前過度清潔//去角質或者其它原因引發皮膚角質層受損，長期引發皮膚屏障受損，細胞間脂質鎖唔到水
呢種情況下，用返適當的補水產品或者含吸濕成分的產品 (最基本的甘油呢類天然補濕因子或者維B5)係絕對無錯
由於一般的護膚品都會用增稠劑 佢本能上有極為輕微的「鎖水」功能
所以一口咬定油肌=唔用oil free moisturizer 或者有待相確

至於乾到出油 其實冬天就到 乾肌們應該要好擔心塊面油到可以煎蛋啦

基本上如果你自己唔做下資料搜集再跟自己情況調節走去用酸
咁你不如唔好用啦
但酸基本上係護膚品比較強的手段黎

一般的人，平時用下真係有用的抗氧化護膚品 (植物萃取、維他命A,B3,C、某部分大廠出的成分)+防曬 需要先補水保濕
基本上都可以就咁慢慢轆到25-30 再之後先再慢慢諗啦

利申 : 個人意見

個鼻隔離會生啲粒粒 好似酒米咁 成噠紅曬 咁要點處理
同埋 去印 美白 用咩好

絲打妳好 請問下去角質係唔係有磨砂功能嘅潔面膏
而深層清潔係敷mask?定係類似火山泥?
深層清潔完之後要敷番修復同保濕?
因為之前用過火山泥之後出油出到癲，亦有可能係我未睇到呢個post亂搽嘢保濕又唔夠

絲打 你用beauty bay個網?
我買咗但好耐都收唔到

留名 學野 謝謝

樓上好多巴絲推薦The Ordinary
但間嘢唔係要執笠啦咩