被八達通最低增值額考起　劉鳴煒怒轟：攻擊身份、不切實際

青年發展委員會副主席、華人置業主席劉鳴煒今日出席香港電台節目，與青年人對談，期間被多次質疑委員會欠缺基層代表。被問及是否知道八達通最低增值額，劉鳴煒坦言不知道，但就反斥提問的青年是「攻擊身份」、「不切實際」，又反問八達通增值與青年政策有何關係。

劉鳴煒今早出席港台節目《政壇新秀訓練班》，並接受青年人提問。多位青年人在發言時，都質疑委員會的成員大多來自富裕家庭及建制背景，欠缺基層代表。

劉鳴煒反稱，要為殘疾人士發聲，也不一定要是殘疾人士，認為最重要是有同理心及願意諒解的決心。他又以自己為例，稱自己不可能明白住公屋、Band 3 學生的困難，但反問要多少一手經驗才能提出青年宿舍及教育制度等倡議。

有同學追問，於便利店增值八達通要最少要多少錢。劉鳴煒稱自己不知道，「我秘書幫我搞」，但強調自己懂得用八達通、會搭地鐵。他又反問該青年：「我識唔識用八達通，與我做不同青年工作有何直接影響呢？」

「青年人在八達通增值有什麼需要？八達通增值如何做，多少錢消費，與政府青年政策有什麼直接關係？」他質問道。

他又批評，提問者是攻擊他的個人身份，「要玩攻擊身份的話，我任你想攻擊身份無所謂，我亦不會理會別人攻擊身份的策略，我都會做好本分，我在這裡聽青年人的聲音，我覺得這種態度、攻擊是不切實際的」。

https://thestandnews.com/politics/被八達通最低增值額考起-劉鳴煒怒轟-攻擊身份-不切實際/

是但啦

都無晒感覺

講真知黎做乜
我呢啲窮撚都唔知啦

唔係話撐條離地友

但唔知增值最少幾多都可以拎黎打J 精神勝利？

離地到...

唔知點樣說服人佢真係知點幫基層青年

屌, 佢地哩啲人唔知係可以
但佢成日代表乜代表柒可下面目可憎麻
佢做返佢既二世祖，個社會咪和諧喇屌

唔好話佢啦，人大咗真係唔記得最低增值幾錢

但仍然有人窮到增值要計到盡

講真 睇你點睇 有個app
增值一毫子都得啦

逐日出零用錢既學生，慳啲使去地鐵站入十蚊，其餘拎黎買書簿。
呢啲感受都唔撚知，佢想幫我啲乜春

用自動增值果知咩

大個左用自動增值既都未必答到

一般人50，學生可以10蚊，有冇錯

唔知=離地
一離地就好難說服市民自己有基層視點

唔係50蚊咩 細個嗰陣呀媽唔準我增值咁多，話驚跌咗八達通會唔見好多錢

其實最少係咪$50?
我好怕成日排隊增/俾錢時無餘額，最少都增$300

申：窮L

係咪成人50? 學生20?
真係唔確定。答前冇check過。
不過唔知新答案。都答個舊答案啦下嘛?

學生可以10蚊