我唔係好明 大家唔識韓文 點解都可以咁投入去睇 咁投入去追
我真係諗爆晒頭 都諗唔明
就算有中字 呢樣野 我都覺得已經好大隔膜 好大距離感 完全投入唔到
我覺得如果我唔係識韓文，我相信我唔會追，就算追，都唔會追到依家咁，頂盡都係聽聽歌，買隻碟就算。
係去唔到投入個個位
我唔明大家係點做到
所以我成日覺得 雖然大家都係100%愛佢地
但你地個100% 比我嘅100% 來得珍貴
因為我係算早期就學韓文個批，我高中已經學，呢個帖入面我都算係老個批。
大家都大約估到我幾歲啦
我個陣亦唔係因為追星而學，完全係因為想搵門手藝學而學，如果唔係當日一個咁嘅決定，我諗我家陣應該唔係飯緊fromis_9了，可能追緊港星。
所以我真心好佩服你地對Kpop偶像嘅愛
不論係唔係fromis_9都好
真心覺得你地可以追到咁前，真係好有愛。
