最驚遇到呢種問題
一同古典人講樂理就嘈硬交, 實拎本樂理書考試書出黎挑戰我
講明先, 我唔識亦冇研究古典/樂理考試, 我只求實用實戰, 包括你講既"考試"model answer , o係我眼中都唔係咩我會花時間考慮既野, 彈出黎好聽與否係我唯一考慮。
點解我會話係Bb, 唔講A#, 其實係由細個開始跟d前輩去開工/食飯等, 聽到既道理, 什至後期再進修我都得到同一個答案。
如果我地冇習慣性地叫一個名, 而要因你所講, 什至因為"考試答案"而去記上下行既# b name, 會發生咩事?
D/F#如果唔習慣性叫做F#, 而叫做D/Gb, 會發生咩事? 將會冇人同我合作
一句質埋黎o靚仔你up乜鳩
照你5級考試既命名法理論, 動機為下行必須為b, 如果我句野係下行walking bass, 咪會出現D/Gb呢個情況? 我點計? 邊個係leading邊個function voice? interval由邊個計起?
再黎多個情況, 假設我行緊E major, relative為C# minor, 你係咪會因為句樂句"下行"而條melody改做 Db黎叫佢? re音亦要叫做Gb?? 情況非常混亂
而且, 請問除左考試, 實戰時又有幾多齊齊整整只上行及只下行? 呢個亦係我經常叫人唔好渣住本樂理當學左, 寫本樂理書出黎o個個人我相信都唔係咁死板。
但當然香港地, 你只要一句"考試" 就可以秒殺我, 話我錯, 我都欣然接及, 因為已經慣左, 小弟愚見, 希望你o岩聽啦。