IBS腸易刺激綜合症取暖區

唔關事
我估係個醫生可憐我
所以幫我打尖
我記得個醫生直接打去果個部門問最快幾時有位
佢話咁啱有條友唔做我就攞咗佢個位

咪就係

如果公立一個月就排到，邊有人洗萬幾睇私家

Btw巴打有冇瀨過

成日食完餐野就肚痛
介左凍飲好D 但係都會成日肚瀉
而家食左益生菌一個星期
已經好左D 不過未CHECK係咪巴打個隻病

所有止痾西藥都冇用。
無論ibs用肚痾用都冇用。
最嚴重係每日每朝早都會痾，5分鐘內一定要去，唔係會面青口唇白同暈，然後痾血。
睇中醫睇左一年，轉過唔同藥，都真係試左幾個月先有好轉。
而家起碼叫做唔洗日日痾，除非食左好多熱氣野。

痾 血就照下大腸，可能息肉破損

照左。咩都冇。

可否分享下照鏡有冇痛楚

感覺如何，來緊要照

正常醫生要diagnose IBS 一定要rule out 其他病
例如 celiac disease或者其他structural problem
所以抽血，colonoscopy都係咁用。
雖然IBS 最typical symptoms就係痾完就即刻冇事冇搞肚痛，但單一symptoms唔可以下結論。
我個腸鏡係MAC下做 （ monitored anesthesia care)
感覺同全身麻醉一樣，訓左乜都唔知。不過聽聞MAC嗰時醫生問你乜你都會答
西醫開過唔同藥俾我，完全冇用
益生菌食左幾個月都完全冇用，只會痾屎連屁變噴射
不過每人身體都唔同，我建議其他巴打都乜都試下，反正冇壞。
我就睇中醫睇到起碼叫穩定啲雖然唔可以叫好返哂。

巴打介紹個中醫黎試下

http://www.chinesedoctor.com.hk/doctor_name_card.asp?dr_doctor=8374

我唔敢話佢一定有用，因為我都真係試左一段時間藥，唔同方法先搵到方法，我係覺得呢位醫師好有心，真係會了解你個情況問好多野再較藥，唔係嗰啲5金鐘就叫你走嗰啲。

睇中醫前可以留意下自己幾樣野
1. 食左咩會嚴重啲 （凍野？熱氣野？ 纖維多？或者其他食物？）
2. 小便量，次數同顏色
3. 身體其他毛病（例如濕疹、哮喘、同埋其他西醫眼中同腸胃冇關既野）
4. 會唔會成日口乾？ 口氣？

中醫唔同西醫，同一西醫分類既病，可以有好多原因。同埋都真係要試一排藥。

最嚴重嗰排真係日日都會搞肚痛痾，食咩都痾。完全唔敢坐巴士，好怕突然急，只可以係唔係都坐地鐵，隨時有廁所去。嗰時要去邊都要搵廁所攻略，搵定附近邊度有廁所，就算污糟都要搵定，恐防突然搞肚。
益生菌我之前淨係食過日本買既wakamoto 但係冇乜用。最近用iherbs發現好多都好平。所以都買左幾款mix嚟試緊，我都希望可以就算BBQ都唔會痾。
而家雖然睇左一排中醫叫好左小小，但係一食大量熱氣野都係會出事。

真係講出我心聲

去到邊第一時間穩廁所

坐車超過半個鐘就有有心理壓力驚突然瀨屎

以前細個未食完碗飯就急屎一定要柯
柯完之後啲野食凍哂
到大個多左出街食野
可以忍到下
但都係要跑番去學校柯屎
出街先煩 成日要搵廁所
特別係旺角 葵芳 呢啲人多廁所少既地方
成日覺得就黎瀨屎咁

最差嗰排去旅行都只可以去日本。日本啲長途巴士，火車，佛寺，其實所有地方都有廁所，仲要好乾淨..
然後就係因為IBS搞到我唔敢行山，唔敢玩水上活動。
香港又好撚迫，市區啲廁所成日都爆滿...都已經唔求乾淨，只係想有個窿痾左啲爛屎出嚟等我唔洗肚痛。我都曾經絕望到去望下成人尿片
好多人曾經同我講會唔會係精神情緒影響，我唔知其他人，但係我就覺得我冇乜情緒問題，而最後係睇中醫同脊醫呢兩樣好多人眼中既偽科學令我有好轉，起碼而家叫控制到唔食大量熱氣野或者超辣都唔痾。
我就覺得試下冇壞，當西醫咁科學都醫你唔到，繼續只係信佢一套先係有用就真係迷信。
不過我都係覺得要先睇西醫搵下有冇其他問題，試完啲西藥完全冇用就去試下其他野。
巴打加油

我都係等照完腸先確診係ibs定係腸發炎

我自己係情緒引起，有憂鬱症，
如果西藥幫唔到就要中醫方面落手

加油巴打 照左腸先。照腸要飲瀉藥，痾到痾屎要係水咁先合格可以照。
另外我自己食太多菜都會痾，因為菜太多纖維係難消化既野。同由細到大書本教你食菜多啲大便會靚完全相反。

講起菜

我可以食完痾出來都見到一小片完整菜葉
食橙都可以痾返d粒粒果出黎幾離譜

係呀，個肚就係直腸直肚，啲野未消化就痾出嚟。我亦試過計時，平均5-6個鐘就會由食入口到屎眼出。時間快到唔正常。所以食野好唔吸收。食幾多都唔會長肉。反而而家腸胃好左啲好吸收，重左好多
同埋我對啲只要有1%人食左會痾既西藥，食左都會痾。 橙樹化痰素會痾，所有NSAID止痛藥都會痾，甚至 diclofenac 貼既patch 貼完都會痾，呢樣最煩，因為當你有其他病要食藥就會有呢個問題出現。

睇黎巴打嚴重過我好多

我現在就係擔心肚臍左上方陰陰痛，個位置又唔似大腸，又唔似胃痛

有時又唔痛，又時禁落去痛到pk

肚痾我呢幾年已經習慣了

我最差嗰排係每日，每日朝早起身搭車返工就會搞肚痛要即刻搵廁所，然後廁所成日爆滿。最嬲係佢唔係起身即痾，係要隔一個鐘到你出左門口返工先嚟料。

都係要照過先知既。照左冇事，當西醫話係ibs又試過佢啲藥冇用就去睇中醫啦
我以前都唔多信中醫脊醫呢啲所謂偽科學。
但西藥冇用，齋等佢敢唔會好，咪試下囉。試完一排又真係work,就唔好理佢啲咩理論。

戒飲凍野，coffee 奶茶，會唔會好d?