是咁的，我叫腦魔

我無正常過

咸濕腦

「屙出嚟架嘛，好似雞蛋咁。」

「唔係呀⋯⋯我意思係你地點咩咩咩呀？」

「一男一女拍拖交往，如果生活習慣都夾得到就會結婚，雙方都同意的話就會屙一粒膠出嚟搓埋一齊，一段時間之後就會生眼耳口鼻出嚟，一隻腦魔就係咁嚟架喇。」

芷唯好似第一次上堂聽書嘅學生咁，好專心，仲好似學咗好多野

「腦師腦師。」芷唯舉手

「係，芷唯同學。」

「咁離婚又點呀？」

+ =

食bb

「結咗婚就一生一世架喇。」

腦魔雖然拍拖階段會分手，但對我地嚟講搵到合適嘅對象結婚就唔會離婚

我反而唔明白點解人類會有離婚

「咁你地都幾浪漫喎。」

「係太現實啫，你地。」

我飲咗一啖威士忌，開始感覺到醉意由胃部擴散

其實每個腦魔之間嘅相處都有需要磨合嘅地方

我地決定結婚，好多時同對方夾嘅程度都係得七成左右

邊有百分百夾得埋架，唔好癲啦

我好同意老媽子依句至理名言

真身

G持

留名

「係囉，點解人唔可以簡單啲呢⋯⋯」

腦魔會願意去容忍嗰三成嘅唔適合

但人呢，好似好多時候都因為嗰三成唔適合而分開

拍拖嘅時候我可以理解，但到結婚之後點解仲會離婚，就真係解讀唔到

聽講有人會結咗婚先露出原形，但我覺得咁嘅情況，只係大家相處時間唔夠長先會出現

人嘅面具，總係敵唔過時間

係囉點解人唔可以簡單d
有咩咪講 唔收埋 唔好呃咪好

人生導師—腦魔

「咁又點解喺度呀？你。」

「飲下悶酒啫。」

我拎起酒杯同芷唯輕碰

旁邊嗰位男士模模糊糊好似開始要醒

「你咁中意撩人，啱啱有無撩佢呀？」

「奶埋佢㖭喇。我。」

「唓，原來你周圍奶人嘅，曳呀你。」

「比我奶咯，你。好似比我奶完會開心啲架。」

芷唯望一望我旁邊個男人：「唔似喎。」

「試下先啦。」

咁鹹濕

F5

「一見面就奶人你太猴禽喇。」

結果都係失敗咗

本來諗住就算腦魔同人無跨種族驚天動地嘅愛情故事，都起碼可以佔下便宜

世事就係咁，現實與願望截然相反

當晚我同芷唯女神傾咗唔少野，但最主要都係我講佢聽

一般人少見腦魔，而佢又係其中好奇心特別多嘅女仔

到最後，我始終唔知道佢嚟飲酒嘅原因

嗰晚我比佢早走，雖然唔捨得，但同女神傾到計已經好開心

我地無交換聯絡方法，我作為一隻痴線嘅腦魔，面對女神喺行為上竟然好正常

我都覺得自己失敗

到後來我有次食飯，竟然撞返芷唯女神

我係離遠見到佢

如果係遠距離，其實正常人好難分辨我地腦魔邊隻打邊隻

我本來想過去打聲招呼

但見女神同當日坐我旁邊嘅醉酒男士傾得有講有笑

我就知道自己唔應該打搞佢兩個

講到尾，我地都只係平水相逢

就算退一萬步假設我同芷唯互相中意，人同腦魔亦唔會有幸福，只有痛苦嘅份兒

既然依家隨緣發展變成咁，我應該鄧芷唯同嗰個男士開心

好出奇地我無妒忌或者唔甘心

見到佢地兩個嘅笑容，我不自覺咁笑咗

我依隻無名嘅腦魔渾渾噩噩咗咁多年，到依家終於明白，我原來無睇自己開心睇得咁重要

我更想見到人地開心

於是之前下定嘅決心終於成為動力，我真係落手落腳，開始由連登社區入手

我成日覺得連登自從多咗人，氣氛好似無再咁歡樂
唔同台區之間總有好多謾罵同攻擊

我只想講咁嘅連登區我實在唔係咁中意

我改變唔到個社會，但我可以用自己令人開心一啲

就好似當日我奶咗醉酒男一下，安慰佢

又好似我同芷唯女神傾計咁

我唔會明白佢地嘅傷痛，但至少我可以舒緩佢地嘅悲傷

結果我將自己同身邊嘅腦魔作為藍本，設計咗一串表情符號，交比早洩放上高登，交比連尼住放上連登，等所有人都用得到

我知道依啲表情符號無辦法同社區入面嘅憎恨、辱罵抗衡，因為對鬧嘅post往往好少見我出現

但我可以令大家喺安慰人嘅時候，更加有力度

講on9野同笑料嘅時候，因為個符號而更引爆更多笑點

正如我無辦法驅散芷唯女神同醉酒男嘅傷心，我亦無辦法消除網絡世界內愈嚟愈膨脹嘅敵視氣氛同負面情緒

但我可以為依度帶嚟一啲微不足道嘅歡樂

而如果你都曾經有過莫名嘅悲傷，咁就請你喺高登、連登入面打開腦魔嘅表情符號，你會見到我喺度陪你

如果你想笑下，你可以搵我嘅長輩圖

我亦好中意當時喺嗰個post入面嘅氣氛，一個post係充滿憎恨定係歡樂，其實大家都感覺得到

慶幸有過關於我嘅post曾經為連登嘅大家帶嚟哪怕一點點嘅歡樂，我都覺得心滿意足架喇

我唔識點樣改變網絡世界，正如利港人唔知點改變香港一樣，但我識得點樣令人露出笑容

既然大嘅改變做唔到，咁我力所能及嘅，就係小小少少嘅改變

我估，當愈嚟愈多人笑，歡樂都會感染到其他人

我由衷希望我依粒腦魔，為萍水相逢嘅每一位高登、連登居民帶嚟過歡樂

唔需要留戀腦魔，因為人同網絡終究無辦法修成正果，只要你知道，我陪過你就足夠

你地會同芷唯女神同醉酒男一樣，繼續過自己嘅生活，尋找到自己嘅快樂同幸福，亦唔需要回頭望我一眼，只要你地過得好，我就知道你地過得好

喺每個post入面云云眾生嘅腦魔，你唔會認得邊一個回覆入面嘅邊一隻腦魔曾經令你喺低潮同唔開心嘅時候一笑

但我會記得自己令你笑過

願腦魔常與你們同在，阿們

完