周國賢《當下的力量》既意思？（有無人鍾意New age野？）

https://www.youtube.com/watch?v=e-4Sx2AEGSg

1
凝看著這樖樹
悠然自得 於風中哲思
來看著這樖樹
茫然若失 於風中折枝
誰看著這樖樹
終極問題 統統糾結於 時 間 內
答案於 時 間 外
每個片刻忙著顧慮

其中一所謂既終極問題，可能就係：生命為咩？我存在為咩？
樹，靜立，作為學習對象。
望樹，佢似哲思，有時佢會受傷折枝。
呢d係人投射俾佢既特質。
樹可以令人學習既野，正係相反：
樹唔會思考，樹存在，而接納一切時間入面會發生既現實狀況。
而呢種對一切既接納，係包容一切時間，所以係喺時間之外。

2
當 瓦解自我
破鏡內是誰
當 看穿銀河
誰在仰望故居
當 色相 粉碎
全部故事告吹
當 思想 已熟 睡
讓愛光臨在當下裡

當一個人能夠接納一切，會點樣？
就係唔再分咩係自己，咩唔係自己。
會有種覺得自己融入於世界既感覺。

唔再太顧及自己既利益。
唔再以自己為中心去思考點利用世界既人事物。
而係以佢地本來既面目去理解佢地。

眼望世界一切事物都有種可愛。
能夠接納一切人事物，就係包容一切人事物，就係愛一切人事物。

3
聆聽著這樖樹
情緒停頓 於心中冥思
來變做這樖樹
時間停頓 於心中覺知
誰創造這樖樹
心念樊籬 早早鋪設於 頭 腦 內
破繭於 頭 腦 外
每個間隙忙著過濾

腦內既一切思想同感受都係籬笆係圍欄。

先以樹本身既樣子感知樹，學樹停止思想停頓情緒。
停止思想停頓情緒後，自己都似變成樹。

樹唔再介意一切既發生，唔再介意時間，時間似停頓。

問：邊個創造我呢棵樹？
本身係我創造自己呢棵樹。
但思想同情緒停頓後，連自己既自我都消失。
樹既創造者都消失，再無束縛。

思想同情緒停頓後，內在既束縛都停止運作。
內在得到自由，外在都開始得到自由。

4
當 思 想 不 可了悟空虛
覺悟原在當下裡

世界一切都在消失既一日。
努力做一切，最後又點？
一切係為咩？

呢個就係所謂既空虛，世界既本質。

人不斷用腦諗，但唔會諗得通。

因為呢個係世界既本質，無辦法改變或解決。

反而，喺當下，不帶思想咁去望住世界，呢種以世界本來既樣子去感知世界，就認識到世界最真實既一面。
係一種覺悟。

5
困囿了的 哭 或 笑
禁囹圄 逃不出 多 與 少
謐然裡 靜觀 寂照

哭或笑，指對快樂既執著。
多與少，指對利益既執著。
囹圄困囿，意思係束縛，走唔甩。
謐然，指平靜既樣

總結，就係：
人想得到解脫，想超脫於對快樂或利益既執著，但都好可能唔能夠完全擺脫。
但身陷其中時，保持到平靜，似之前不帶思想感受地望住呢d執著，就係最好既應對。

6
當刻這首歌 每字每句
一切將止息 卻是個序

呢首歌，講左一d有關解脫於塵世既苦既道理，可能幫聽者止息在一煩惱？
但呢首歌只係序言。仲有千千萬萬相關既知識。

千世千生 一個伴侶
道別時 乘樹蔭 這一剎 原諒了 也贖罪

呢首歌，講既，當中有關一d佛教知識。
佛教信輪迴，所以有千世千生。

伴侶係邊個？伴侶係自己。
輪迴過程中，自己就係自己千生千世既伴侶。

樹，係自己。
如果了解到解脫於苦既知識，就似樹蔭，能夠令人舒服，令自己舒服。
道別時，就係死既時候，只係一剎，但如果一生中學到一d脫苦既智慧，就可以有能力自己原諒自己一生中作過既罪。

寬恕總建立於虛構裡

到最後，呢一切知識真定假？
可能係假，可能係虛構，但如果你信，你就寬恕到自己一切。

大愛中臣服當下裡
如果做到呢首歌講既野？
就能夠愛世界。
能夠接納、順從當下既一切。

利申：唔太鍾意New age野。

解得幾好吖

但活在當下係應該做o既事

Agree！

唔認同。

Wiki：
存在主義（英語：existentialism），是一個哲學的非理性主義思潮，它認為人存在的意義是無法經由理性思考而得到答案的，以強調個人、獨立自主和主觀經驗。

歌詞唔強調個人自我，強調既反而係無我。

解得唔錯
endy寫既歌真係好有意境

但係做人真係好難會完全臣服當下

真，我就只能夠從自己既層次盡量理解文本。
我就理解唔到高層次過我既野。

我唔肯定你層次係點。
可能比我近作者？

不過你比我層次高，理解得多，但只願說道可道非常道，係讀者既損失

係一個理想。
到理想實現，又可能發覺理想非完美

就似：好鍾意一個人，追到返嚟，又覺其實唔係想像中咁神。
好多理想既野，只係FF中完美。

全然臣服當下係其中一理想

lm