Nursing出ward唔開心，應該quit u定挨埋佢？

每次去到病房就好depressed，覺得自己一啲用都冇同埋日日食唔落飯，喊左幾次，每次放學都想儘快離開醫院，個人會開心少少。
冇人鬧我，不過我一去到ward就好壓抑，病人死下死下咁冇反應，啲staff又忙到周圍走，我好唔舒服，聞到洗手液都有陰影。
同屋企人講就話我唔挨得，仲同我喺度計而家唔讀落去我搵少幾多錢，又話點都讀埋去，我都知，我都明，但係出ward於我心理/生理上真係好大一個負荷。

我真係好後悔點解唔順從心意簡city嘅biomedical science，雖然唔保證有牌同有錢途不過起碼我會讀得好happy，諗起我讀micbio嗰陣嘅喜悅，嗰種好奇心得到滿足嘅驚喜，睇mic嘅奇妙，當初因爲驚佢冇牌而揀nursing，我好後悔。

今sem係year3，挨多兩年就畢業，雖然而家鴨仔團我都已經咁，將來mentor帶/long con我真係對自己冇咩信心。
但係同一時間，因為家境貧困（家人月光族），我而家已經同政府借左3年non-mean，如果quit rejupas我又即刻還唔到錢比政府，又要借多筆，浪費3年時光，有冇仁兄可以比啲意見？

捱倒就埋佢，然後轉行啦

Quit 啦 俾你畢到業都做唔長

都year 3咁大個人要學下自己搵出路，你咁嘅情況基本上冇retake 既本錢。唯有試下改變自己個心態。多啲搵身邊既同學同事分擔下工作上既壓力。
QEH過來人上

你心態上唔中意
但你家人迫你做
做多陣先 加油

讀埋個degree先啦，畢業後都唔一定要做返護理嘅
再講，個病人入得廠，都係有嚴重嘅傷/病，又唔係你害到佢哋咁，你只需跟返指引，做返應做嘅事，夠鐘就收工，諗嚟把L?

quit啦
十個上黎連登問quit唔quit u 九個一早自己有答案

不過你講到自己屋企窮
你有冇得揀為興趣而讀先
如果有 其實你當初都唔會揀nursing啦

屋企人係咪完全清楚你個情況？
唔係淨係話唔想讀
講清楚d話讀得好唔舒服同如果唔讀條路又點行

捱埋最後兩年拎個牌
再去搵份research嘅工囉～
有個RN牌你唔介意人工低d
其實大把9-5工做 兩萬中至尾
放左工再去讀micbio囉
Hku有個course 讀infection control都幾特別
或者你會想做icn呢


利申 岩岩quit HA 發現只要唔睇人工 世界其實好大

條友係死吓死吓 都唔會靠你好得返 而家仲係新人 錯就實有 人哋本身都唔係期望嚟個救世主 預咗要幫手執手尾 第時收到份糧嗰陣就會覺得自己有用過好多人

頂住啦 其實好簡單
日日都有人生老病死
護士就係想幫病人手 佢地舒服 我地就開心
學生做嘅野仲簡單
量下血壓 篤下手指有幾depress?
幫到人嘅感覺 唔係你講個科比到你
大個仔就識諗啲啦
鴨仔團係你最開心嘅回憶黎
每日鳩fingfing 有咩做錯有你mentor頂住
仲有成班fd陪你出
Ching 你係本身depression 定係鴨仔團令你depression 呀

呢一行有好多人自己心理變態
明明返工已經日日死人日日對住班病人
都唔可以返得開心d
係都要搞小圈子label人玩人
搞到同事間除左工作壓力仲有無限個人事壓力
可以正正就係你做緊呢個病房嘅情況

記住你依家只係個student做夠幾個星期就走
唔好諗咁多
讀完拎個牌就夠

點都讀埋佢！加油啊！
Nursing都有好多human biology讀啊，仲有護理技巧學，你當學多門手藝囉，而呢項技能仲可以救人添！
你year three了，讀多兩年出黎就做到護士，你而家未習慣個環境姐，到時點無人知嘛，拎咗牌先！

再講，畢業之後你大把選擇啦，有無試話私家醫院？超超超hea wo，係護士站對成日文件就放。 你可能係公院做先辛苦，始終公弱營嘅負荷太大，收太多人。
甚至做私家看護/ 老人院駐院護士等等都得，壓力細好多！

嗱，興趣係biomedic，唔一定要比錢讀啊！有心嘅，真係鍾意嘅，上網一定大把資料，問同學拎筆記又得，到時sem break, summer慢慢鑽研！

tran 去其他科？

我覺得你都讀到3年，你想再拎degree 要重新花多4年 wo, 姐係total 7年

我覺得你頂唔到，不妨試下用nonju 成績轉科/校。

但你有冇同科既同學，tutor,prof 可以傾下？

佢地知啊，同佢地講，咪攞住部計數機同我計我要比多幾多錢同賺少幾多錢咯。

讀完Nursing 都唔一定要做護士架

啲老人家訓喺度好似等死咁又要比我地班student nurse糟質，比佢地出院又係返老人院

我覺得你可以試下再投入啲護士嘅個角色到，你係用正統嘅護理技巧去幫人啵！病人好需要你去照顧/做一啲野去紓緩佢地嘅病，唔係求求其其量下體溫就搞掂。

護士係一門專業，你又有呢個能力去讀，應該覺得開心自豪！壓力大在所難免，呢樣要你去調整一下。

病人走咗/經歷痛苦，啱，我地都會難受，無人想見到呢啲，但作為護士，正正見到佢難受先更加要幫佢！你見到病人傷口好番晒⋯食得番野唔洗插喉，自己痾到尿，就會有好大嘅成功感！

心理關口係你面前嘅一個小難關，其他人或多或少都會有，你問下其他護士點睇，比啲建議你！