《一絲不掛》一歌既意思？

最近傾開計，有朋友鍾意一絲不掛首歌。

一絲不掛，睇歌詞，第一個吸引既term係青絲：

那時青絲　不會用上餘生來量度
以為青絲　不會用上餘生來量度
滿頭青絲　想到白了仍懶得脫落

其他相關既部分：

誰當初想擺脫被圍繞左右　
過後誰人被遙控於世界盡頭
勒到呼吸困難才知變扯線木偶
這根線其實說到底　誰拿捏在手

如一根絲牽引著拾荒之路　
結在喉嚨內痕癢得似有還無
為你安心我在微笑中想吐未吐

然後斷線風箏會直飛天國

#

睇完，幾清楚，青絲指既係頭髮，再轉作煩惱絲，即借代煩惱。
再串連成扯線公仔頭上或身上被操控既線。

最後係風箏既線，即借喻生命線，即生命。
情愛既煩惱，要帶到生命最後一刻，命斷，先自由。

一絲不掛，就只有死後先能夠達成既狀態。

#

誰當初想擺脫被圍繞左右　
過後誰人被遙控於世界盡頭
勒到呼吸困難才知變扯線木偶
這根線其實說到底　誰拿捏在手

呢幾句都係我鍾意既句，鍾意在，我覺得佢意思：

誰當初想擺脫被圍繞左右

男女主拍拖，男主覺厭，想自由。

過後誰人被遙控於世界盡頭

經過拉扯，男女主分開。分開後，男主先發覺自己唔可以無左女主。男主唔喺女主身邊，男主遙遠咁check住女主既Facebook呀Instagram？
男主發覺，無論喺咩時地，自己都掛住女主。

勒到呼吸困難才知變扯線木偶

男主因掛念既感覺而難受。突然發覺，自己當初因自由而想分手。佢係達成分手，但發現自己失去更多既自由。

這根線其實說到底「誰」拿捏在手

男主既煩惱，究竟係邊個決定？係咪自己可以決定？定係女主？定甚至，男女主都決定唔到，係所謂既上帝、命運，作決定？

#

你呢？有無d咩睇法？

誰當初想擺脫被圍繞左右

男女主拍拖，男主覺厭，想自由。

分手時內疚的你一轉臉
為日後不想有甚麼牽連
當我工作睡覺禱告娛樂那麼刻意過好每天
誰料你見鬆綁了又願見面