自己本身係讀IVE Ophthalmic Dispensing出身嘅，鏡片鏡架同調較我會熟，如果係視光專業範疇嘅問題，我會請教我身邊嘅視光師先答。
戴個頭盔先，所有答案只係我個人嘅觀點同經驗，只作大家的一個參考同額外意見。 當然大家都知有位視光師巴打同埋好多高手行家喺Lihkg，懇請得閒就多多支持，傾吓交流吓比我呢位「豬巴打」學吓嘢。
另外我非常明白眼鏡價格可以非常海鮮，大家都會擔心買貴咗或唔知去邊買。又因為每間店舖折扣Promo 都不同，所以為公平計我只會報返代理建議零售價及一般店家會做的折扣。而作為一名消費者，我經常同客講絕對要慢慢選擇同比較，而我喺度開Post純粹答吓問題傾吓眼鏡，所以非常歡迎問嘢。喺唔影響自身及行家利益下我都盡量爆吓眼鏡業的日常。
最後，我發現好多問題都不只是一兩位巴絲的擔憂疑慮，可能每一個配眼鏡嘅人都會遇到。於是我開始咗一件事，就係將之前咁多個Post見過嘅問題抽出來，開咗一個facebook page (無用facebook嘅一樣睇得到，因為我係用medium寫完再Link落page度)，專頁名係我一路發夢如果我開眼鏡店嘅店名，而用medium係因為懶型，覺得自己會由老花中坑變成型格文藝中年。可惜好懶，暫時得一兩篇，不過我會一路更新，而大家喺度問嘢就係我更新自己個page嘅靈感來源:
https://www.facebook.com/852Opticien-122602981780801/
最後，希望我嘅廢up可以解決大家眼鏡上嘅疑惑及好奇!
原來已經做過十年
