經過五日推post分享同埋facebook議員，聯署都只係得3000簽署，我都好清楚要達到十萬聯署的確係非常困難。
不過經過尋晚美國領事館示威，我相信越來越多人意識到香港係無法獨力抗衡中國，所以必須積極向國際社會尋求協助，尤其係全球政局近年來發生急遽變化。
幸好而家在位美國總統嘅係侵侵，而非希拉莉。侵侵為打贏場貿易戰，香港對美國而言確實有相當重大嘅戰略意義。
事先聲明，我對美國絕無過份嘅幻想，我深明美國並非絕對正義嘅世界警察，而美國亦絕非毫無社會問題嘅天堂。
不過，由古至今，唯有"合縱連橫，遠交近攻"先係最穩陣嘅戰略。美國係中國最強大嘅敵人，而我地為打贏中國呢個惡魔，就必須積極投靠中國最強大嘅敵人：美國。
要投靠美國唔係口up up就成事，當中牽涉三大阻礙。
第一，係美國可能覺得支持美國嘅香港人毫無利用價值。
第二，係美國可能懷疑香港人係中國嘅內奸，無法信任。
第三，係香港境內無法凝聚足夠嘅pro-USA香港人，導致雷聲大雨點小，無法將香港人嘅意願傳達比全世界。
要解決呢三大阻礙，我懇求連登仔可以由今日開始，從對內和對外兩方面努力
對內，係針對第二同第三點阻礙。
香港人應該積極係網絡同社交媒體，向香港人宣傳投靠美國嘅好處，宣揚美國嘅價值。
係美國生活嘅香港人，分享更多係美國生活嘅點滴，講下生活環境有幾美好，講下民主制度嘅公正。
針對連登而言，大家必須意識到00後同埋10後都好鍾意接觸連登。由於呢班00後同10後係我地香港人嘅未來，我地應該洗板式係連登宣揚美國。
班00後同10後仲細個，所以特別容易被網絡潮語潛移默化。
所以，連登仔應該以"美軍來了我帶路"，作為我地嘅文化戰嘅口號，務求呢一句成為新一代嘅潮語。
你幻想下，班怪獸家長同教畜問班後生仔時下興d咩。如果個個後生仔都日日講美軍來了我帶路，日日嘈住以後要移民美國，呢件事真係何其壯觀。
對外，就係衝出連登呢類本地論壇，利用更多外國主流社交媒體。
港共政府對新聞流通嘅封鎖做得好嚴密，所以尋晚美國領事館一役得好少主流媒體有大篇幅報導。最可惜係，外國主流媒體如CNN/BBC報導香港新聞都係依賴香港本地報紙作為第一手資訊，所以根本無外國報紙報導過尋晚美國領事館一役。
既然媒體無法幫我地宣傳，我地應該更積極上外國論壇討論香港問題。
例如上reddit香港子板塊/世界新聞子板塊開post： https://www.reddit.com/r/HongKong/ https://www.reddit.com/r/worldnews/
係Twitter同埋instagram瘋狂hashtag相關字詞例如#hongkongindependence, #ushongkongalliance, 諗到咩就tag咩, 總之就係越多越好。
唔洗擔心自己英文廢，因為practice makes perfect，用得多就會越來越好。而且鬼佬係絕對睇得明香港人英文。
呢場抗爭係長期戰，抗爭初期一定會有好多人潑我地冷水。
但隨住美中貿易戰升級，香港政府管治無方，而家係我地將抗爭提升至國際層面嘅最佳時機，一錯過左就返唔到黎。
美國內部一定有人唔想幫香港，正如今朝接收請願信個美國領事館職員，佢好明顯就係wfc。
But you know, every coin has two sides. 美國內部亦有相當多掌權人士認為香港人係好值得拉攏，所以美國領事先會成日係facebook開親民post，作為文化戰爭嘅長期投資。
我地香港人為左達到自救嘅使命，就必須堅定不移地以努力證明比全世界睇，我地想拉攏美國黎對抗中國嘅決心。
最後大家一齊跟我講，美軍來了我帶路！！！！
