（新手）那一夜

前言

其實個故仔係真人真事，親身經歷。小弟自知文筆差，但仍然想寫出黎。無論點都好，就算冇人睇，我都會寫埋佢，驚剔自己，就如故事中個女仔講俾我聽個一句一樣，唔好沉迷依種事。


日本妹，只要係男人，就一定對依個名詞充滿遐想。新田飛地，吉原之類，更係男人神往既地方。

我，係一個毒撚，出生咁耐就無女朋友咁耐。同女仔既相處經驗，大概就只有老母咁濟。幾年前因為太鐘意太宰治既人間失格，貿貿然就去左日本學日文，所以都叫做識少少日文，依個故事就發生係幾年前係日本讀書既時候。

幾年前，係日本讀書個陣，以為自己可以甘於寂寞，但原來自己比任何人都更怕寂莫。同朋友交流個陣，班損友成日都同我講日本妹有幾正，大講風流事蹟。作為一個血氣方剛既男性，話冇興趣既就講假，但真係一個人去，就反而冇咩勇氣。話雖如此，但個一晚我自己都唔知發生咩事，鬼使神差打去問，如果唔係依一問，大概我亦唔會同到依個女仔相遇到…

「唔好意思，我係外國人，但係識日文，唔知可唔可以預約？」我用住唔太流利既日文去問。

我打去問既係派遣型既風俗，無本番(當然有潛規則)，但係可以玩既花款幾多下，口爆，指插，69，環保吹之類，當然，依個都叫花款多可能只係我經驗淺。

電話傳黎既係一把聽落幾斯文既聲線。

「係，客人你識日文既話無問題。」

「因為係第一次，唔知可唔可以講詳細少少，同埋我想係新宿玩，介唔介意幫我搵埋酒店？」

「好既，咁我地就有幾個收費既，60分鐘就17000円(大概)，咁加埋酒店錢既話…」

作為一個無經驗毒撚，根本唔知咩時間先合適，所以我馬上再問時間長少少既收費。

「唔好意思，如果係80分鐘既話…」

「80分鐘既話就24000円，酒店錢4000円…」

「姐係大概27000円係唔係？」

「咁上下啦。」

我依個時候望一望個鐘，已經凌晨12點，差唔多尾班車，再唔出去就冇車出，同時我既勇氣值亦開始下降緊，為左唔勇氣降到去零，我即刻問。
「咁可唔可以先揀女仔？」

「無問題，依家得閒既有…」
然後電話既另一邊就傳黎好幾個日文女仔名。

雖然黎左日本一段時間，但我一直都覺得日本人名好難記，佢一邊講我就一邊睇住佢網站既女仔相，就好似聆聽考試咁，但佢講完我都仲係未知佢講既係邊幾個女仔。無計，網站既女仔相實在太多。

正當我苦惱緊要邊個女仔同我歡度今宵個陣，電話既另一邊見我咁耐冇聲氣，就好有服務精神咁問

「客人你鐘意咩類型既女仔？」

作為一個毒撚，緊係鐘意清純可愛既女仔，特別係黑色長頭髮既女仔，對我而言簡直係帶有一種特別既魅力。

「我鐘意黑色長頭髮既女仔。」

「咁我推薦客人揀乃亞(正確名已經唔記得)，客人你覺得點？」

事實上店員講完我都仲係度搵緊邊個係乃亞，但係既然係店員推薦，應該無死掛。
「咁就乃亞啦，唔該你。」

「咁客人你到新宿就再打俾我地，同埋客人你預要幾耐先到新宿？」

雖然我唔知道要幾耐先到，但就答左先啦。

「大概30-40分鐘啦。」

「好既，咁等客人你到左新宿再聯絡我地。」

收線後，我就頭也不回飛奔出門口，趕尾班車出新宿。

唔知大家有冇試過，當你趕時間個陣就每口街口都係紅燈，唔趕時間個陣就暢通無阻。

當我飛奔到車站個陣，我就知預錯時間，雖然好麻煩，但我都係拎出部手機，打返過去同人地講幾點先有車出到去。

大家都知道日本既電車其實都好準時，如果冇咩突發事情既話。無錯如果冇的話…

當我等到預定時間後，電車都未黎，心裹面就有一個疑惑。
「屌，咁耐都未黎既。」

諗完既下一秒，突然就有一段車站既廣播。

「因為某某站有人身事故，所以電車會遲黎，做成各位乘客既不便，真係唔好意思。」

冇計啦，只好再打過去同店員講。

「唔好意思，我係頭先預約既X，因為事故可能要再遲少少先出到新宿。」

「咁呀，客人你到站再連絡我地。」

打完依個連絡電話之後，等左差唔多十分鐘之後，尾班車終於到站。

坐上尾班車，仲有零丁既人係車上，其實日本深夜之後人就會變得好少，所以見到仲有咁零丁既人其實都幾意外。經過二十幾分鐘後，終於到左新宿。

落左車之後我第一件做既事就係連絡店員。

「喂喂，我係頭先預約既X，我岩岩到新宿。」

「呀，係呀，客人你可唔可以行去北出口，因為個邊比較近酒店。」

「好既冇係問題，我到左再打俾你。」

我聽從指示，慢慢咁行去北出口，行緊途中，有唔少趕尾班車歸家既日本人同我擦身而過。

行到北出口，諗住出閘，咁岩又唔夠錢，只好行去精算機到入錢。終於出到閘，一行出車站門口，車站既員工馬上就落低個鐵閘。果然係尾班車…

然後，我又再一次連絡店員。
「喂喂，我係頭先預約左既X，我到左北出口。」

去到依度，大家就會覺得，有冇咁麻煩，係咁打電話，剩係打電話都打左成五六次，當然可能我無經驗先咁麻煩，但連絡多幾次實冇錯既。

「係既，咁客人我幫你搵緊酒店，一陣會打返過黎，麻煩你等等。」

「好既，咁麻煩你。」

收線之後我就繼續玩手機，玩左唔到一陣，電話就響起黎。

「喂喂，客人，因為附近平價既酒店冇哂位，貴少少大概5000円既你得唔得。」

咁又係既，當日其實係星期五，星期六日日本放假，所以好多上班族會係星期五晚上玩，玩完返屋企。再者我都出到黎咁遠，又冇車返去，唔通為左1000円就唔玩咩。

「都可以既，麻煩你帶一帶路。」

新一輪既日文聽力加說話測驗正式開始。

「客人你往邊度邊度行…」
「客人你而家見到咩建築物。」

「我見到XX酒店。」
「我見到XX街。」

「客人你行過籠啦，麻煩你返一返轉頭。」

就係咁，兜兜轉轉，行到我腳都軟，歷盡千辛萬苦之後，我到左佢介紹既某某時鐘酒店。

「咁請客人你簡好房間之後再連絡我地。」

我行入大堂，詢問處一個人都冇，相返詢問處有兩部機器，上面有好多房間既相，相概附近有兩粒制，休憩同埋過夜。

「屌，點搞，唔係應該好似睇戲咁，同條友講我想開兩個鐘房既咩。」無經驗既我陷入迷惑狀態。

依個狀況維持左幾分鐘，之後我就唔理三七二十一求其揀左一間房，再撳休憩個粒制，本來發緊光既相變得暗淡，然後機器吐出一張帶有房號既單…

「屌，姐係點。」

好在當我再次陷入疑惑之後，終於有工作人員出現了。

「請問發生咩事？」

「唔好意思，我係第一次黎依種地方，想問問拎到張票之後要點做。」

由於我日文還不算非常好，工作人員一聽就知我唔係日本人。

「客人你係唔係識日文。」

「係，你講日文就得。」

「我地酒店係用完再俾錢，你走個陣入錢俾精算機就得。一陣係唔係會有人帶女仔過黎？」

當下我既諗法果然係時鐘酒店…

「係…」作為一個毒撚，我好冇自信咁答佢。

「咁我地會俾鎖鑰佢，咁仲有請客人千奇唔好掂到條鎖鑰，因為會有警察上黎查。」

雖然佢咁講，實際上到離開酒店之後我都冇見到過條鎖鑰。咁當然係後話啦。但當時安全起見，我都有回答我知道啦，然後決定打死都唔掂條鎖鑰。

「咁係唔係直接上去間房就得？」

「無錯。」

之後我就坐電梯到我揀既房間。

一打開房門就有部精算機，然後仲有一對門，咁依對門係面先係真正既房間。

房就唔係好大，但床、浴室、廁所普通酒店，裹面仲要有卡拉ok…床角位仲有一支按摩棒，無錯，就係大家成日係AV睇到個種，除左細d之外…

跟住我就打俾店員，同佢講我咩房號。

我，等待往乃亞既到臨…

我等待左大概十幾分鐘後，點完帶既錢夠唔夠之後，突然房間裹面既電話就突然響起黎。

作為一個無經驗既毒撚，咁我緊係又疑惑左一下，咁今次疑惑既時間就短好多，十幾秒之後，我就行去接電話。

「喂，客人，有人要黎你間房，可以帶佢地過黎嗎？」

好明顯，肯定係乃亞啦。

「係，麻煩你。」

又過左幾分鐘，門鐘就響起。

我行去門口，打開對門。一打開就見到個帶眼鏡既日本人，然後佢既身後有個女仔企係度。

「唔好意思客人，可唔可以先收錢？」
用香港既術語黎講應該就係所謂既馬伕。

「好既無問題。」
我係銀包拎出2萬5円個男人後，個男人找完錢，女仔就行入黎間房。

黑色長頭髮，有少少肥，但係係嬰兒肥果一種，高亦唔係好高，大概150幾cm，整體黎講唔係話好靚，但叫做幾可愛(當然，個人觀感覺得。)

「初次見面。」
對咩人都好，打個招呼實無死。

然而，佢完全無反應，直接行去床邊，開大部冷氣。然後打俾鋪鋪，話佢己經到了。

對於毒撚黎講，最驚就係依種大家一粒聲都唔出。

於是乎，我再次鼓起勇氣同佢打招呼。
「初次見面，請多多指教。」

今次終於有反應。
「午安」

黑人問號？依家係凌晨1點幾，午安？

日文有一個形容性格既詞語，叫無愛想，意思唔係唔鐘意諗野之類，而係冷淡，無錯，就係冷淡，我對依個女仔既感覺就係冷淡。

當時我心諗「仆街啦，難道遇到伏？」

但依家諗起，佢既冷淡，與其係話冷淡，不如話係更似一種麻木。

岩岩再睇返自打既野，有部分既地方寫錯左，因為用手機打冇點校正過，如果覺得 「屌你加數都計錯」麻煩放過一下小弟，因為無記錯當時店員講既係3000-4000 ，所以我下意識加成27000然後 乃亞打電話過去既唔係鋪鋪，而係鋪頭 對唔住，有咁多低級錯誤 但可能之後都會有 所以帶返個頭盔先

佢講完句午安，就放背囊同手上既袋，手機，手機既手機殻仲要係星之卡比，跟住佢做左好多準備工夫。跟拎出一支透明同偏黑色既液體。

之後就問我
「要唔要沖涼？」

緊我咩都唔知，咁緊係話
「好呀」

同時我又帶返個頭盔
「我係第一次，好多野都唔知，所以請多多指教。」

冷淡既佢就答
「依家就沖涼洗乾淨個身先。」

然後佢就開始除衫，雖然外表睇落幾蘿莉，但估唔到佢著既係紅身既內衣。但作為一個鐘意清純女仔既毒撚黎講，難免覺得有少少失望。

「點解唔係白色，粉紅色都好呀。」
依個係一個毒撚既怨念。

好快，佢就除哂所有既衫，展露出佢既肉體。

「正呀喂。」心裹面只有依句。
AV就睇得多，真正女仔既肉體我都係第一次見。分身亦不自覺咁抬起頭黎…

係佢除衫既同時，我都跟住除。除完之後，佢就係酒店提供既杯倒左少少岩岩拎出黎偏黑體液體，然後用水溝淡佢，然後示意我漱口。當我做完漱口既動作，佢又束起左佢既頭髮，拎起另一支透明既液體，跟住我同佢就一齊行入酒店既浴室…

行到浴室，佢放低支透明液體，之後就開始一支又一支咁睇下酒店提供既沖涼液係邊一支。

雖然佢有笑，但俾我既感覺依然係冷淡，無他，同佢講咩都好，都可以好快咁完左個話題，就好似唔想同你講野咁。

然後開住花洒，俾我試水溫
「熱唔熱？」

咁其實個水溫又岩岩好既
「唔熱，岩岩好。」

係佢準備幫我洗身前，我怕有咩誤會，就問
「因為係第一次好多野都唔知，有冇咩係禁止事項？」

「就，唔可以有本番。」

答完之後跟住佢就開始用酒店提供既沐浴露幫我洗身，一開始係胸，然後就係手之類，記憶開始有少少模糊，但佢用佢既小手清潔我既分身時，個種觸感到而家都仲記得，輕軟柔滑既小手，撫摸著我既分身，對一個毒撚黎講真係幾刺激，好在打飛機打得多，都仲有少少忍耐力。

點知，佢清潔完我既分身後，佢就拎起佢拎入黎既個支透明液體，倒落分身上。
「依家係消毒。」

輕軟柔滑既小手帶來既觸感再一次襲擊我既大腦，但不可思議既係，舒服還舒服，但我都係冇出貨，依個時候我都只係覺得係緊張，依家諗返起實際上其實可能有其他原因…

「好啦，你可以先出去。」

從浴室出去之後，我就用酒店提供既毛巾擦乾身上既水，等佢出黎。

佢出黎之後，就好似我咁用酒店既毛巾擦乾身上既水份，然後就包住佢既肉體。

「你先訓入去先。」
嗯，依然有係度笑但冷淡既感覺。

「介唔介意先傾個計？」
我同佢坐係床邊

「傾計？可以。」

死啦，雖然係我自己提出既，講咩好呢？係喎，佢手機殻唔係星之卡比咩？

「你鐘意星之卡比架？」

「係呀」

屌，又係一鳩樣，咁就完撚左個話題。知唔知要一個交流能力為零既毒撚諗話題係一件幾痛苦既事。算，反正都係體驗日本風俗，真係中哂伏。

「咁平時d客係由咩開始做起？」
冇經驗既我緊係交個波俾佢啦。

難得佢居然露出一個疑惑既表情，望到依個表情真係覺得有d爽。無表情呀嗱

「通常係客人訓係度，然後由我服務。」

「咁我就訓係度，交俾你處理。」

我平躺係床上，跟住佢就爬到去我股間既位置，開始用佢既口，同手為我服務。溫暖且柔軟既口腔，再加上少少牙觸及到分身既感覺，直到幾年後既而家我都仲記得。

「呀，好爽。」
雖然覺得自己遇到地雷，但係依然怕佢會累

「累唔累呀？」
問依句既時候佢已經賣力地同我服務大概十分鐘。
冇錯，作為一個冇經驗既人居然可以忍受到咁耐我都覺得奇蹟，但更甚我開始發覺我想要既可能唔係肉體上既需要…

「無事，唔累。」
其實佢答我個陣我覺得好假，因為雖然佢俾我既感覺依然係冷淡，但係佢既聲音聽得出一絲疲乏。

正如一開始所講，黎左日本咁耐，我都而家都係覺得日本人個名好難記，所以係依個時候，為左俾佢休息下，我就再問佢，「你叫咩名？」

依度先咁再講少少有關日本人名既事，大家睇AV個陣都會見到片假名，姐係カ、エ、ホ之類。日本好多女仔個名都唔會用漢字，而係依d 片假名，點解？因係好多時雙親覺得咁樣比較可愛，特別係依d行業，用片假名做假名夠哂方便。所以佢既名其實係冇相應漢字。

「我叫乃亞(依個只係類似既名)。」

「介唔介意講一講你幾歲？」
其實而家既我知道問女仔幾大應該係幾失禮，但當時既我完全冇諗過依個問題。

「今年19歲」
嗯，比我細少少。

同之前好快就完左話題唔同，乃亞佢居然問返我問題
「你而家係學生？」

「無錯，係留學生。」
難得個話題仲繼續到，咁就打蛇隨棍上。

「你係唔係都同我一樣係學生？」

乃亞諗到唔諗就答我
「唔係，已經冇返學。」

「專門學校都冇(類似ive既學校)？」

「係呀。」

就算係交流能力差既我感覺深究落去唔太好，所以今次反而係我提早完左個話題。

係依個時候我將目光放左係乃亞秀麗既黑色長髮上，黑色長髮對於我黎講真係有住無法比喻既吸引力。於是我就問乃亞可唔可以俾我摸下佢既頭髮。

「可以哦。」

我伸出手撫摸著乃亞既秀髮，但唔知點解輕撫乃亞既秀髮其間，我突然湧起抱住乃亞既衝動…

「可以抱住你嗎？」

「嗯。」
雖然係冷淡，但係乃亞仍然係有一定既服務精神。」

抱住乃亞，輕撫住佢既秀髮，秀髮既香氣傳入鼻中，個種感覺令我難以忘懷，只係咁擁抱住乃亞，就已經覺得好滿足。由依一刻開始，我隱若明白到，與其我係生理上有需要，倒不如話我離開香港太耐，係日本又冇咩朋友，又從來都冇女朋友，我想要既係心靈上慰藉。

「人格失格既主角係擁抱女人既時候所感受到既，就係依種感覺嗎？難怪主角一直脫離唔到女人。」
我落漠地思考著。

雖然預左冇人睇
但真係冇人睇就覺得有d sad
點都好快快手手寫完之後
了結自己一件心事…

有呀 仲有我！

多謝

又有動力寫落去
多謝你覆我

雖然話己經知道自己想要既可能唔係生理上既需要，但係我始終係個血氣方剛既男性，於是我又可始問乃亞。

「我可唔可以同你接吻?」

唔好意思，毒撚總係比較膽小…

意外地乃亞露出稍稍討厭既神色答

「我唔太鐘意接吻，有d憎。」

唔係呀？

好奇既我又開始問

「你唔鐘意同唔識悉既人接吻？」

乃亞笑住咁嗯左一聲

「咁除左接吻外仲有咩可以做？」

「仲有素股可以做，就係……」
睇慣AV既都應該明，就係冇得插，用磨既方式刺激分身。

「咁可以拜託你嗎？」

「嗯，不過戴返個套先。」

跟住乃亞就幫我戴返個套，加上潤滑就開始進行磨既動作。

提一提乃亞其實係係有剃毛，睇慣H動既我對剃左毛依樣野幾有好感，但刺激度就冇我想像中強烈。

係進行磨既其間，乃亞就開始講。

「其實如果你真係想做本番，你可以暪住店家加錢，咁我就俾你做本番。」

聽到依下我就打左個突，加錢就可以玩本番？於是乎，我就問乃亞。

「大概幾錢？」

「你有冇2萬円？」

其實我本身見佢寫唔俾本番，所以就只係帶左幾萬出黎，所以我決定放棄依個難得既機會。但諗深一層如果我真係有錢再做本番，咁可能我仲冇咁了解乃亞都唔一定，果然人生係由無數既選擇所組成。

「我依家冇帶咁多…」

「咁你有幾多？」

「其實我本來就冇打算做本番，所以多謝你既好意。」

「係咁呀，咁你出貨未？」

老實講我都唔知點解去到依個時候我都仲未有出貨既衝動，果然打丁打得多係唔太好…

「仲未呀。」講完依句我突然覺得勁唔好意思。

「係唔係用口會好d呢？」

「可能係都唔一定。」

「咁我繼續用口幫你啦。」

「好呀，麻煩你。」

話雖如此，但相比生理既需要，唔知點解我更想了解眼前依個冷淡女仔，於是我決定搵更多話題同佢傾，就係依個時候，我既目的已經唔同左。

多謝你

「不如你坐係床邊同我傾一傾計。」

「就咁？」

「嗯，咁就可以。」

跟住乃亞就著返條底褲，坐係床邊，然後我就開始用半吊子水平既日文搵唔同既話題同乃亞傾計。

「外國人既客人多唔多？」
「有冇接過其他香港人既生意？」
「其他外國人既日文好d定我好d?」

但乃亞都係無咩興趣，冷淡地，冷冰冰咁回答我，但我最佩服既係，佢依個時候仲係笑住答我，而家諗返起可能係我太膠，點會問依d問題。但係之後既對話做一下對比，依種違和真係令我有少少感覺到，乃亞既冷淡，可能並唔係冷淡。

然後我作為一個毒撚，我好了解攻略女仔(遊戲)就係要d野讚佢，終是我注意到乃亞既指甲，相信大家都好常見到，冇錯，就係果種唔知點解要駁到勁長既美甲。

「依個美甲整得好令。」
「整左幾錢？」
「乃亞你隻手仔咁細隻既，皮膚又好滑。」

乃亞終於開始有少少興趣。

「係呢。」
「1萬円。」
「同你比隻手又真係細d既。」

老實講，整依d美甲成萬円我真係唔識欣賞。
諗都唔諗就衝口而出
「咁貴既。」

交流能力低既人就係咁。原本好好地既氣氛又一下轉變差。

「真係尷尬…」

乃亞聽到之後，唔知點解就突然大反應起上黎。

「呀呀，可能你係外國人，但日本人係依d情況下唔會講埋出黎話氣氛尷尬，姐係唔係話好定唔好，但係日本唔會咁做。」

我驚訝左一下，依個係一開始既乃亞？反而因為依一句，感覺乃亞既冷淡形象開始崩潰。

之後我又開始轉換話題。

「我呢，因為鐘意日本文學所以黎日本讀書，係唔係好白痴？要讀點解唔讀經濟之類搵到錢科目。」

「你鐘意日本文學？咩作品？」

「人間失格」

「你鐘意太宰治？我都有睇過。」

「嗯，我中學睇到個陣對人間失格產生左共鳴，大家都好似有努力既目標，但只有我根本唔明周邊既人諗緊d咩，就好似主角一樣。一開頭我係睇中文版，之後就睇日文原文，真係好難，好多地方都唔明。」

「係呢。」

「但真係好有趣，乃亞你鐘意睇咩書？」

「雖然唔係成日睇書，但最鐘意既書係墜落論」

我再一次為自己既日文差而感到恥羞，只好拜託乃亞用電話去搵個名俾我睇先知個書名。

「本書講咩架？」

「講二次世界大戰之後既日本。」

「嗯，我都想睇下呢。」

老老實實叫得外賣又唔食，當時我覺得自己好撚奇怪，要傾計洗用咁多錢咩，但唔知點解同乃亞愈傾就愈好奇乃亞既事。

「我算唔算奇怪既客人？」

乃亞搖搖頭「唔係，但有好似你咁既客。」

稍為放鬆左一下下，係碼係乃亞眼中，我都未算係奇怪既人，既然文學話題有用，再講深少少試下先。

「我呢一直都唔明周邊既人諗緊d咩，大家都好似好遊刃有余。所以我覺得我自己好奇怪。」

「唔係呀，只係大家都扮到好遊刃有餘。」

「但唔會對未來既事不安嗎？」

「係會，但人生經歷多左之後…」

「太宰治夠經歷得多啦，未一樣自殺。」

依個時候既乃亞反應好有趣。同一開始既佢完全唔同。感覺冷淡既乃亞實際上只係對某件事既自我保護一樣。

「所以我一直都好寂莫，好耐冇人可以好似乃亞你咁肯同我傾依d事。」

「咁你放假做咩多。」
乃亞少有既反問。

「匿埋係屋企。」

「咁未同我一樣。」

「咁乃亞鐘意做咩？好少同朋友一齊玩？」

「食野同訓覺。我冇咩朋友。」

「咁你唔寂莫既咩？」
經歷係日本生活既日子，我真係體會到，人係一種群居動物。

「我本來就唔太在意依d事。」

係依一刻，乃亞既聲線又再次俾我一種疲乏既感覺，唔通係因為我同佢傾得太耐？

愈寫愈想去再搵乃亞
毒撚性格真係易沈船
求屌醒

於是我好煩咁再問乃亞
「你係唔係好累。」

「其實一開始話唔累係呃你，其實我又累又餓。」

聽到依句之後，我覺得乃亞開始對我放下戒心。

「咁你一陣諗住食咩？」

「雪糕！」

雪…糕？黑人問號

「雪糕點做主食？」

「欸，但係我就係想食…」

依個時候乃亞既舉動我覺得乃亞其實都只不過普通既女仔，亦唔再覺得佢係冷淡。與此同時，我又再問乃亞一個問題…

「點解會返依份工？」
冇錯，我居然去問一個做風俗行業既女仔點解做依份工，而乃亞既答案亦好普通。

「因為冇錢…」
我問依個問題又真係幾白痴

「咁你爸爸媽媽知唔知？」

「佢地知我有返依份工…」
究竟係咩家庭會比一個正值花樣年華既女仔，返一份咁既工…我決定打爛個沙盤，繼續問。

「點解佢地知都仲俾你返依份工？始終都係有一點危險性，又唔一份有未來既工。」

「因為我屋企好窮。所以佢地都冇阻止我。」

「窮成點，無飯開個種？」

「一定程度既生活都冇問題既，如果唔係屋企欠債既話。」

乃亞繼續講落去。
「我呢，想早日唔返依份工，所以我一直都有儲錢。」

聽到我都覺得乃亞其實諗得長遠，佢亦知自己要做既事係咩。

同乃亞傾左咁多，，一分一秒咁過去，剩返既時間其實已經唔多，大概就只剩返20分鐘，我開始著返衫亦叫乃亞著返衫算。

「如果乃亞屋企環境好d…」
「如果乃亞唔洗返依份工佢會唔會比而家幸福…」
一邊著一邊諗。

可惜依個世界沒有如果，只有必然。

乃亞既冷淡其實只係對依份工既麻木，乃亞可以既話自己都唔想返依份工，但佢冇得揀，所以佢用冷淡黎麻木自己。當然依個只係我推斷、我覺得，真正既諗法只有佢自己先知。

「乃亞你真係冷淡既女仔。」
雖然係依個時候我就已經唔再覺得乃亞係個冷淡既女仔，但出於試探我都係講出左依一句。

「其實我對邊個客都係咁上下。」

係乃亞著衫之前，我真係太鐘意擁抱住乃亞既感覺，於是我又再問佢可唔可能再俾我抱佢一下。

頭髮既香味，柔軟而溫暖既身軀，依一刻我真係明白人間失間既主角個種心情，就好似飲左一杯香甜無比既美酒，無法自拔一樣。

乃亞佢注意到依一點。

係佢著完衫，大概仲有十幾分鐘既時候。

乃亞主動同我講。

「唔好沈迷俾錢去玩風俗，你只會愈黎愈寂莫…」
依一句好似有一把刀一野插落我心口一樣。

作為一個風俗孃，居然叫我唔好再黎。唔通係因為佢話可以本番我冇錢比，嫌我窮？

我下意識望住乃亞，但乃亞既眼神好真摯，好似真係為我擔心咁。

但乃亞唔知，就係佢勸我既依一句，我反而更易沈船，直到今日我都好掛住同乃亞既交流，但當然更多既係一種警剔，到今日我記住乃亞講既依一句，亦因為先有依篇文既出現。

果然毒撚性格最得人驚。

「咁我去女僕咖啡廳啦。」

「冇錯，去女僕咖啡廳，我呢之後都想去做女僕咖啡廳既女僕。」

「你去做女僕個種同我講，我一定黎。但係又冇聯絡手段。」
其實我知一定唔會比，只係講講。

「你去幾間最大間既女僕咖啡廳網站搵下，話唔定我會係上面出現。」

傾左咁耐，我發現有一個幾重要既問題想問。
「乃亞你既夢想係咩？」
唔通就係做一個女僕？

「咁你呢？」

「我其實都唔知，我只係一做我想做既事既咁解。」

「你唔係已經係度努力咁學緊日文嗎？」

「嗯，而個我苦惱左好耐既答案。我想知你有咩夢想。」

「我想唔洗返工唔洗做野。」

「好似尼特族咁？」

「嗯，冇錯。所以我好努力咁儲錢。」
「呀呀，好想快d唔洗再返依份工。」
其實乃亞既夢想可能只係唔洗返依份工都唔一定…

仲有冇人睇緊？
btw就完，有冇人黎屌醒我唔好沈船呀

我

介唔介意屌醒我

出你就出啦